|
الفتاة التي تحب شخصاً هل تصارح أخته ؟
عندي سؤال أعرف وحده صديقة لي
تحب شخص من يوم كانت طفلة لين ما كبرت وهي تكابر على نفسها ما تبي احد يحس انها تحبه وهي تحس بعد انه حتى هو يحبها لكن تمر السنوات ولا يتقدم له ولا تزوج للحين مع انه كبير ما بقى شيء يدخل 30 هي الحين تفكر تصارح اخته بما انهم قرايب بس ماهي عارفه وش صيغة المصارحة بتكون ساعات تقول بقولها سالفه عن وحده وتحب اخو وحده ومحتاره تصارح اخته يمكن تتعاطف معها وتشوف وش رأي اخته وإذا البنت ذكية بتفهمها وهي طايرة ؟!! واحياناً تقولي خلاص بنسى الموضوع واتحمل واصبر زي ما صبرت السنوات الي فاتت تخاف ان اخته تاخذ عنها فكرة انها بايعه روحها هي كبيرة البنت يعني تقريبا 26 سنة ماهي صغيرة وشكلها زين نوعاً ما..... ويناسبون بعض بس ما تدري محتارة والولد يحبها مبين عليه يحبها بس مادري ليه ما يخطبها وسلامتكم الإشراف/تم تعديل العنوان(إزالة علامات الترقيم) وفقكم الله |
نصيحتي لها ان لاتنتظر السراب وحلم لا تدري يتحقق او لا والعمر يجري بسرعه خاصه الفتاه ولاتصارح اخته بأي شيء لأنهم سيحتقرونها وتسقط من عيونهم ..ولا تبني أحلامها على أوهام فأذا جاءها رجل تتوفر فيه الشروط فلتوافق فورا على الزواج منه لأنها سوف تنساه وتنقذ نفسها من الضياع
|
هلافيك
نصيحة لله لاتصارح احد تدعي ربي انه ان كان فية خير الله يكتبه لها وان كان شر الله يصرفه عنها ويرزقها الزوج الصالح اللي يسعدها ياكريم |
1 مرفق
نصيحة من القلب
لا تنتظري هذا الشخص أو غيره توكلي على الله و توجهي له بالدعاء (أن يرزقك الزوج الصالح) و إذا تقدم إليك من ترضين دينه و خلقه وافقي بعد الاستخارة طبعاً أسأل الله أن يوفقك و أن ييسر لك الخير ملف مرفق 2329 |
ااتفق مع الأخوات الله يوفقهن
فعلا نصيحه لاتقولي لأحد وخصوصا اخواته ماعليكي سوى شي واحد هو الدعااااااااااااء واستغفاااااااااااااار لايقل مئة مرة باليوم وش يدريك مع الدعاء واستغفار دايم ربما تقدم اليك وانتي لاتعلمين وتفاجئتي او زوج صالح غيره افضل وخير لكي وله لاتياسي وتفائلي بالخير اللهم ارزقنا زوجا صالحا محبوب طيب خلوق عاجلا غير آجل ياحي ياقيوم اللهم آمييييييييييييييييييين |
بعد التحيه والسلام
اختي الفاضله اعتقد لو صارحت صديقتك اخته سوف تقلل من قيمتها امام اخته وامامه ولنفرض صارحتها ومن ثم قالت له اخته بذلك وكان جوابه بالرفض ماذا سوف يكون موقف صديقتك الا بالفشل والانهيار لا سامح الله فلتحتفظ بالموضوع بينها وبين نفسها والمكتوب على الجبين تشوفه العين اولا وايضا الزواج قسمه ونصيب وكل شيء بيد الله سبحانه عز وجل |
جزاكم الله خير انا نصحتها بنفس الشيء
بس هي تقول حتى لو ارفضوني على الاقل قلت الي عندي وعادي يعني كذا ولا كذا بصير عانس ما فرقت عندي واذا تقدم لها رجال بتوافق عليه ما عندها مانع ولا تظن انهم بيفضحون فيها لانهم يعرفونها زين بس الواحد ليه يذل نفسه للآخرين انا اقولها نفس الكلام بس ماهي راضية تقتنع وتشيل الفكرة من مخها هي يأسه ان احد يخطبها وتحس ان العنوسة مصيرها مع انها حلوة بس فقدت الامل واحس حركتها هذي من الاحباط انا اقولها الي يموت بكرامته مو مثل الي يموت فاقد الكرامه وهي مقتنعه انها خلاص عانس ولا راح تتزوج ابد الله يهديها |
أخيتي في الله
أخبري صديقتك عني سلامي وأخبريها أن باب الله مفتوح لعباده ليسألوه واخبريها ايضا ان حائزة الأمل في يوم من الأيام تمنت شخصا ولكنها اكتفت بالدعاء الى ان جاء اليوم الذي طرق فيه بابها طالبا للزواج ولكن لم تتم الزيجة لأنه لايناسبها..! أرأيتي أحيانا نفكر بشخص مثالي ونظن أنه من نصيبنا ويمر الزمان حتى يطرق الباب ولايكون من نصيبنا.. لذا نصيحة مني اذا تقدم لها شخص يرضى الله ورسوله عنه في دينه وخلقه فلتتوكل على الله وتمضي في حياتها ومن ثم 26 سنة ليست عانسا..بل هو سن النضوج وحتى ان طافت الثلاثين ..أن الأرزاق بيد الله فلا تيأس من رحمة الله وربي يسعدها ويرزقها الزوج الصالح أختك حائزة |
افا الله يهديها وش هالتفكير ليش عانس أومتاخرة
الله يهديها بس توها بالعكس احس البنت حلاتها من 24 الى 33 او 35 تكون واعية ناضحة وش هالتفكير عندها الله يصلحها قولي لها انتي بخير ونصيبك راح يجيك بإذن الله وخليها تتفائل وبكرة اجمل بإذن الله الله يرزقك ويبعث لكم اللي يستاهلكم ياكريم |
ليس من المفترض ان تكلم اخته
|
| الساعة الآن 04:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©