|
ارتفاع ضغط الدم ما علاجه بدون ادوية المستشفى؟
السلام عليكم ورحمة الله وبركاته
كيف أحوالكم جميعا اخوتي واخواني الكرام تمنياتي القلبية ان ينعم الله عليكم بالصحة والعافية دوما اول شي ابي اقولكم انا مصابة بارتفاع ضغط الدم من مدة قريبة يمكن من 3 سنوات وكنت ادري انه مرتفع بس ماتابع مع الدكتور ولا شي وكان مرتفع شي بسيط ولكن في خضم الظروف الي صادتني الفترة السابقة استخف الضغط عندي وشطح فووووق... طيب المعروف انالمعدل الطبيعي لضغط الدم 120/80 واذكر واحنا بالجامعة يقولوا ان المرأة تكون 110/70 طيب انا اليوم كنت اتجول في احد المجمعات وكان مسوين تبرع لغزة وادينا الواجب الحمدلله وكان من ضمن فعالياتهم ان يشوفوا لشخص ارتفاع الضغط والسكر رحت لهم هناك وكانت في ممرصة وخليتها تسوي لي ارتفاع الضغط هههههه ومابي سكر لانه عندي خلل بعد في هرمون الانسولين :23: اكتفينا بالضغط حطت علي جهاز الكتروني لقياس الضغط وتخيلوا كم طلع ؟؟ 173/114 :24: فتحت عيونها على الاخر الممرضة تقول لي انتي ماتحسين بدوخة؟ مايألمج شي ماتحسين بزغلله وطنين في الاذن عندي حالة نفسية تعبانة قلقة؟ قلت لها النفسية اووووه لا تسألين عنها تحت الصفر خخ هههههه وقلت لها اي احس بألم كريه في رقبتي واكتافي من زمااااااااان يمكن من سنة وطنين في أذني ودوخة خفيفة وزغللة لاء بس احيانا احس ودقات قلبي متسارعة الدق حتى لو كنت مابذل مجهود بعض الاحيان بس واحيان صداع رهييييييب يفقدني توازني بس انا خوفتني صراحة وقالت يبي لك متابعة وماعرف ايش وانا صراحة مابي اكل حبوب من الحين :( بعدي عمري 24 ومن الحين اخد حبوب ؟؟؟؟؟؟؟؟ بس قعدت افكر انا يوم رحت لها خلتني استريح بس شوية على الكرسي وانا كنت يعني باذلة مجهود في المشي وثانينا شاربة كوفي وانا عندي انفلونزا خفيفة مش مكن تأثر على قياس الضغط بنت خالة امي كانت عندي اليوم قالت لي حتى لو بتأثر جدا شي بسيط وخوفتني هي الثانية بعد وقالت لي مرتفع وااايد بنت خالة امي ممرضة بعد الحين المصابين بارتفاع الضغط الله يعافيهم ويكفيهم كل سوء وشر هل استخدمتوا مثلا اعشاب او ادوية موصوفة من العطار او اكل او شي يفيد في خفض ارتفاع ضغط الدم؟؟ وش تجاربكم بدون ماتستخدموا حبوب مابي اكل حبوب :29: |
الف الف سلامة عليك حبيبتي ما تشوفي شر
فعلا الضغط عندك مرتفع ومهما كان الانسان يعاني من نزلة برد ما تأثر هالتأثير الكبير على الضغط اول شي تنسي حاجة اسمها كوفي ومنبهات وهي اساسأ تسبب سيلوليت يعني تخرب الجسم فالبعد عنها غنيمة ثانيا للضغط شرب منقوع اوراق الزيتون جدأ جدأ ممتاز تضعي ورق الزيتون في كوب وفوقها ماء حار واتركيها مغطاة ربع ساعة ثم اشربيها وقبل النوم 6 اضراس ثوم في كوب حليب خالي الدسم هدا يعدل الضغط بشكل رائع وممتاز ادا كنتي تعاني من السكر هده الوصفة خلت المرضى ينقصوا دوائهم {تحت اشراف طبيبهم المعالج} حتى اوقفوه حب الرشاد حبة البركة الحلبة الترمس يطحنوا عدا حب الرشاد لان حبته صغيرة ما تحتاج طحن ويبلعوا بكوب ماء مع مراعاة النظام الغدائي والمشي ساعة يوميأ ولكي حرية الاختيار في تطبيق ما كتبت لاني احب افيد الناس بكل ما اسمعه من التلفزيون من الاطباء وسلامتك |
سلامتك يا رب
اول شي القهوه انسيها تماما ثانيا الثوم انا ضغطي بينزل وشكلو كان نازل امس واكلت ثوم وعينك ما تشوفي الا النور كان لازم ادخل المستشفى انما لا اعلم لماذا تركوني بالبيت اذا قدرتي تجعلي مع الاكل كل يوم ثوم ما تقصري وسلامتك من كل شر |
اقتباس:
ما شاء الله ااختي سعاد ماقصرتي صرااااحة في ميزان حسناتك راح احاول في الي كتيتيه ورا احاول انسى الكوفي و المنبهات بحاااااول انا مادري حاليا عندي سكر او لانه قبل 7 شهور كنت اتابع مع دكتورة نساء علشان هرموناتي مسوية لخبطة وطلع الحمدلله هرمون الحليب نزل وصار طبيعي لكن طلعت سالفة غير وقالت لي ان عندي خلل هرمون الانسولين بالذات الهرمون هذا في المبياض قعدت افكر شلون شلون ماقنعتني بنه يتصل بلمبايض المهم عطتني دواء ينضم هرمون الانسولين وحولتني عند دكتورة باطنية رحت لها بعد شهر الموعد وصرخت تقولليييييييييش عاطتك الدكتورة حبوب كذا وكان المفروض 4 شهور اواصل فيهم جات يعني كل وحده تقول فيهم كلام وتوصيني بشي رجعت البيت وشققت كل الاوراق ولميت كل الحبوب والادوية وكبيتهم بالزبلة خففففت :24: ومنها صرات خوافة اخاف افحص ويطلع صدق فيني سكر وجزاج الله كلللل خير ياحبيبتي |
اقتباس:
الله يسلمج يعيوني راح احاول انسى الكوفي من حياتي وابطله بحااول والله مع اني ماستغني عنه ومابشربه كثيير يمكن بالاسبوع مرة او ادا طالعة مع صاحبتي بحاول في الثوم اما مابحبه كذا ممكن اتقبله في الاكل اما كا ماقدر على ريحته وطعمة له له له يلامتك الللللللللف سلامة ياقرين ماعليك شر ان شاء الله في عدوينك يارب ماشاء الله هههههه بما اني وامي نعاني المرض .... لانها ورثتني اياه.... ماتقصر ثوم وزنجبيل في الاكل دايما الشر مايجيك ياقلي وانتي بعد الف سلامة عليج جزاك الله خيرا راح احاول في قلتيه وفي ميزان حسناتك |
حبيبت قلبى ألف سلامه عليك
ويارب ماتشوفى غير الصحه والعافيه بس أنت زعلتينى كده منك لأنك مهمله صحتك والضغط ياأختى محتاج علاج وليس أهمال لأنه غلط جدااااااااااااااااااااا على جسدك بعد الشر عليكى ومش هقولك أرتفاع ضغط بيعمل أيه مش عايزه أخوفك أكتر بس وعد وعد منك ليا تنزلى يوم السبت لطبيب ضغط وانا أخويا عنده ضغط من سن صغير وهو نحيف أصلا بس بسبب ضغوط الحياه وهو لا يأخذ أدويه بس مرتب حياته صح فى الأكل وعندما يرتفع ضغط دمه يذهب لطبيب ويدام على العلاج فتره وينقطع مره أخرى مثل حالتك لكن فى مشروب بحب أشربه جداااااااااااااااااااا ومره جالى دووووووووووووخه وكان هايغم عليا وكنا فى رمضان لأن المشروب ده دايما بنعمله فى رمضان وطعمه تحفه وطلع عندى هبوووووووووط وضغطى واااااااااااطى جدااااااااااااا وأنا أصلا ماعنديش الضغط وكل ده بسبب هذا المشروب عارفه أيه هو المشروب ده؟ العنـــــــــــــــــــــــاب >>>الكركديه >>>>> مشروب لونه أحمر عنابى بارد (والمغلى يرفع الضغط) تعرفيه ياترى؟؟؟؟؟؟ هو لونه أحمر وبيتنقع بليل فى مياه لتر تقريبا على مقدار كركديه يملى كف يدك ويتنقع ليله كامله والصبح تخدى كبايه مع سكر حسب المذاق ولو تقيل خففيه بالماء تانى عادى هذا المشروب بيخفض الضغط ولو أتغلى على النار يرفع الضغط بس يادمعات ماتخوفنيش عليكى مستنياكى يوم السبت أسئلك ذهبتى لطبيب ولا نزعل منك أهتمى بصحتك ياحبيبتى مفيش حاجه تستاهل نهمل صحتنا |
اقتباس:
الله يعافيج ياعيوني شاسوي ياقلبوو مدري طبعي كذا ماحب اهول مواضيع المرض خصوصا اني ماحب ابوي وامي ينشغلون ويقلقون علي تصدقين انهم تو السنة ذي بدايتها دروا عني اني فيني ضغط خخخخ و امي تقول لي يابنتي 24 عمرك وفيك ضغط الا في خاطري اقول مسكينة يا امي لو تدرين بباقي لستة الامراض الي فيني يمكن صفعتين على راسك ماصدقتي كل هذا فيني..! الحمدلله على كل حال ادري وش يسوي :29: امي تسميه القاتل الصامت :24: سلامات على اخوج الف سلامة ماعليه شر ان شاء الله الله يعين صار السكر والضغط مرض العصر اغللب البيوت عندها مصابين امممم مافهمت صراحة شنو تقصدين بس ادا تقصدين الكركديه اي موجود عندنا بالبيت كانه لون الورقة حقته ازرق غامق او احمر نسيت بس بشوفه وادا طلع الكركديه بشوف بسأل عنه خلاص راح اسويه الليلة لانه راسي احسه ثقييل واكتافي ورقبتي فيهم الم فضيييع واليوم لما صحيت من النوم وقمت حست بدوخه خفيفة ومافي توازن ثابت عندي خخخ صديقتي تقول لي يمكن حامل ..! اقولها شلون يعني بالله ........! احيانا تقطط كلمات تقهرني الله يهديها طيب ياقلبوو السبت ماعندنا دوامات الاحد يبدي الدوام راح احاول مع انه امل ضعيف اروح ماحب روحة المستشفى تغم على قلبي الف الف الف الف شكر لج حبابة جزاج الله كل خير |
سلامة قلبك وروحك وضغطك يادمعات
لازم ياقلبي تروحي المستشفى ويصرفون لك العلاج المناسب (بلادلع) ارتفاع الضغط مو زين انا لما كان عمري 9سنوات كنت اعاني من ارتفاع في الضغط بسبب كثرة اكل الموالح وبعدها جاني التهاب الكلي جلست الله يكرمك لما اتبول يطلع دم مع البول وكان كمان مسبب لي اضطراب بنبضات القلب وتنومت في المستشفى شهر فلازم ياقلبي تروحي تتعالجي منه على الاقل يخف عنك شوي الله يشفيك ياعمري ولايوريك مكروه ابد تصدقين توي اعرف عمرك مثل عمري وانا اقول ليه ارتحت لك سبحان الله |
قهرتيني الصراحة ليش كذا فرحانة بنفسك روحي مستشفى زي الناس ويعملولك فحوصات وتحاليل اللازمة ويعطوك الادوية
ونصيحة ثانية ارقي نفسك وروحي عند شيخ يمكن فيك عين لاسمح الله لان الاعراض اللي فيك نفسها حق العين معليش قسيت عليك بالكلام بس من جد انقهرت لو تحبين امك روحي خذي ادوية وسوي حمية في الاكل الله يعطيكي الصحة والعافية ويعطيكي كل اللي بخاطرك يااااارب |
الله يعطيكي العافيه من عافك اغناك انا مثلك عندي ضغط بس مو مستمر فحالتي حاله مره يرتفع ومره يصير عندي هبوط لهذا ما اعرف شسوي بس ممكن افيدك بهذا العلاج الطبيعي 900 غرام من الثوم ينقع في مقدار 50 غرام من الخل لمده 3 اسابيع ياخذ 15 نقطه في قليل من الماء ويزيد القدر تدريجيا الى 30 نقطه وستلاحضي الفرق بعد العلاج انشاء الله
|
| الساعة الآن 04:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©