اختي الصغيرة والاكتئاب
 

السلام عليكم

اختي الاصغر مني انسة عمرها 23 سنة ،، لها فترة تقريبا 6 شهور او اكتر مش قادرة احدد متى بدأت المشكلة
بدأت بما كنا نعتقده انه دلع بنات ترجع من الشغل ما تقبل تاكل اي شي مع انها لم تاكل في الشغل وتقول هذا زاكي وهذا مش زاكي هذا ما احبه ومن هالكلام وبطلت تقبل تاكل غير الشوكولاته والشبس
المهم بعدها حتى الشوكولاته والشبس بطلت توكلها ولا تاكل سوى القليل من البطاطا المقلية او بيض او شي المهم حتى لو انعزمت عزومة ما تاكل.. المشكلة انها صارت تراجع اي شي ببطنها ودايما نفسها قالبة وتعبانة وتدوخ ودائما معصبة وروحها بأنفها وما تطيق تحكي مع حدا مع انها كانت دائما تضحك وتلعب وهي رمز المرح في البيت مش عارفة ليش هيك صار فيها حتى لو قعدت معها 10 ساعات ما بتحكي كلمتين والله بالزبط كيفك الحمدلله انا مستغربة
المهم راحت عملت فحوصات قالوها هاذا من القرحة العصبية ثم راحت دكتور تاني قالها عندك يا بنتي اكتئاب واعطاها دوا اسمه

zoloft
sertaline
50 mg

المهم قالها بعد اسبوعين تتحسني وتسيري تاكلي وتبطلي عصبية المهم بعد اسبوعين بدا ياخد مفعوله وتحسنت صحتها واكلها وومزاجها صار زي ما كان اول تضحك تحكي المهم عملت بحث عن هذا الدوا ع الانترنت لقت انه يعمل ادمان ما بعرف كيف بس الي بيضل يستعمله يعمل له ادمان
ثم اوقفت هذا الدواء فرجعت حالتها كما كانت قبل ان تاخد الدوا مع انه قالها الدكتور ان تاخده 6-8 شهور بس حسب البحث الي عملته انه يعمل ادمان عليه ولازم توخده طول حياتها فخافت وتركته
وراحت دكتورة اعصاب قالت لها اعصابك تمام بس ازا هذا الدوا ما نفع معك لازمك اتروحي دكتور نفسي

اسئلتي

اذا تقدرو يعني توضحولي حالتها او هل هذا صحيح اكتئاب وهل هناك بديل لهذا الدواء ولكنه لا يعمل ادمان
وليش ضروري اتروح دكتور نفسي مش عارفة مع انها تصلي وملتزمة الله يفرجها عليها انا قلبي ينقط دم لاني لا اتحمل اشوف اختي الحبيبة بهذه الحالة التي يرثى لها مع انه لا شيء بالدنيا يستاهل هذا كله

وهي لا تقول لنا مشاكلها ابدا كنت انا صديقتها المقربة وتحكي لي كل شي ولكن من يوم ما اتزوجت انامن 4 سنين ما عادت تقول لي كل شي وصارت تقلل انه تحكيلي اسرارها الى ان لم تعد تقولي اي سر مع اني احفظ السر ولكني احس انها اتحس انه انا زوجي اخدني منها وهلأ عندي ابن كذلك وكانت تقول لماما بطلت تقولها وبعدها كانت تقول لصاحباتها ثم فجأة بدأت تبتعد عن صديقاتها وفجأة ترجع تحكي معهم وفجأة تبتعد عنهم انا مستغربة منها ليش هيك صار فيها

امانة ازا تقدروا اتساعدوني

شكرا
امانة ادعولها الله يفتحها عليها

الله يفتح عليها


اما انو تنصحيها انو تقرا سورة البقره او انتي تقراءي لها

او تنصحيها بآية الكرسي


يمكن حد من زمايلها متعبها او صدمه عطفيه كبيره



تقربي منها او يكون حسد او عين

الغالية green222
اشكرك على مرورك وعلى النصيحة وان شاء الله بقول لماما تقرأ لها سورة البقرة يعطيكي العافية كتر الله خيرك وصحيح زي ما قلتي مديرها رافع ضغطها الله يرفع ضغطه ان شاء الله بس اعتقد انه السبب شي تاني ممكن صدمة عاطفية بس المشكلة انها ما تقول ايش بحصل معها
ع العموم يعطيكي العافية

********************************
المصرية
شكرا على مرورك اختي كمان نزل وزنها بحدود 12 كيلو ،ان شاء الله بندير بالي على اختي بس المشكلة انها لا توضح ما حصل معها،، وهي تقول ان هذا الدوا يخليها مثلا ازا حدا زعلها يبدو على وجهها انها لا تهتم ولكن بقلبها تكون متدايقة فهمتيني،؟؟
ومثل ما قلتي اختي حساسه بشكل كبير يعني لو حدا اتطلع فيها نظرة ما عجبتها بتبكي حساسة جدااااااا
شكرا لمرورك ونصائحك والحمدلله ان الله عوض صبرك خيرا بخطيبك الجديد ولا تبكي لان الي راح ما يستاهل دمعة من دموعك وشكرا يا المصرية يعطيكي الف عافية