|
خطيبتي الله يسامحها متقلبه بشكل مجنون
السلام عليكم ورحمة الله وبركاته كيفكم اخواني اخواني انا خطبة انسانة من اروع ما يكون كانة خطوبتنا في الشهر المبارك لكن مشكلة هذي الأنسانة متقلبة بشكل مجنون والمشكلة الثانية اللي تواجهنا اني انا شخص حساس لأبعد درجة واليوم بصراحة ممكن نقول اني زعلة بشكل حتى حسية قلبي شويات ويطلع من مكانه اللي حصل ان حبيبتي عندها كان اختبار اليوم ,, لكن من يوم الأربعاء وهيا متغيرة عليا بشكل عجيب وغريب اولا عادتها في الصباح ترسل لي رسالة تكون فيها نوع من كلمات الحب من يوم الأربعاء لليوم كل رسائلها كانة بسيطة جدا جدا جدا مثلا صباح الخير بس رغم اني ارسل لها رسائل بقصائد وفيها انواع الحب , حاولة اكلمها يوم الأربعاء لا حياة لمن تنادي اتصلة ممكن 3 مرات مافي فائدة قلة عادي قلبو مشغولة مع الأختبارات يوم الخميس نفس الشيء الجمعة نفس الوضع حتى يوم الجمعة ما فكرة ترسل لي مساء الخير واللي قهرني اكثر اني رسلة لها رسالة كتبة فيها حياتي يالية لما تفضي تكلميني ممكن بعد نص ساعه وصلتني رسالة كاتبة فيها قلبو تصبح على خير اليوم رسلة لها رسالة قلتلها فيها تطمني على وضعها واختبارها طبعا ما اعطتني اي اعتبار وما رسلة لي الى بعد المغرب رغم انها تخرج الساعه 1 حاولة اكلمها مافي فايدة ابدا رسلتلها انها تكلمني لما تفضى وتخيلوا شو ردة عليا ما اتوقع اني بفضى ليش خير ان شاء الله ؟؟؟ ؟ , في خطيبة ما تفضا لخطيبها المهم اعطيتها كلمتين كدا وبعدها اتصلة عليا طبعا كلمتني بأسلوب ابداااااا مو اسلوبها اقلها ايش فيكي ايش مزعلك تقلي مافيا شيء بالقوة تطلع فيا شيء , قلتلها طيب وينك وحشتيني وكدا قالتلي تلاقيك انشغلة بدنيتك :29: كل هذا عادي وما دققة عليه قلة ممكن يكون عندها ظروف ..... لكن الكلمة اللي وجعتني بحق قلتلها حياتي ليش من زمان ما شفة برسائلك كلمة احبك ؟ تخيلوا ايش ردها ؟ وليش اكتبها كلها كلام فاضي واشوف انها مالها لزمة ؟ طبعا انا قعدة صامة وحابس دموعي بين عيوني على الكلمة القوية قلتلها حبي يعني الحين امس وقبل ليش ما كلمتيني قالتلي ما كنت فاضية قلتلها مره مره ؟ قالتلي اصلا لو كان عندي وقت كنت نمت ولا قعدة مع اهلي , قالة دي الكلمة وبعدها قالتلي خلاص اتركك الحين قلتلها لا حبيبتي انا بقعد معاكي قالة لا خليني انا بروح عند ماما الحين ؟ طبعا قفلة السماعة من هنا ودموعي على كلامها اللي مثل السكاكين في قلبي تنهمر اخواني ايش تنصحوني اسوي ؟ مع العلم اني حاولة معاها بشتى الطرق وتقلي انا مافيا شيء ابدا انتا بس يتخيل لك وقلتلها متى تحبي اكلمك قبل ما ننهي المكالمة قالة لي انا اصلا هذا الأسبوع كله بكون مشغولة وما بفضى اكلمك تحيه الاشراف : تعديل بسيط في العنوان بالتوفيق |
والله وانا اخوك كنت ناوي ارد اول واحد واحاول احلل وانصح بس بحتفظ بأرائي لنفسي الى ان ارى ردود الاعضاء الآخرين بس بعطيك تلميح بسيط جدا ردي ما راح يعجبك.
اخوك تعبت اعطي |
اثقل عليها وتشوف ..
الوحدة مننا ماتحب الرجال الخفيف الي ينشب 24ساعة ! دقيت مرة ماردت خلاص لعد تدق ! وقف رسايل ! بالمختصر اقلب الأدوار .. |
اخي يمكن مضغوطة من الامتحانات
صحيح كلامها بزعل وقاسي وبدايق لكن اعذرها انتظر قليلا لنهاية الامتحانات وشوف ويعني ماتقطعها خلال الامتحانات لكن ماتدلق حالك يعني ماتتغزل فيها زيادة عن اللزوم قلها بحبك وكل اشي لكن بحدود اتصل اطمئن وادعمها وشجعها وخلص لاتعاتبها ولا تقضي المكالمة غزل وإن شاء الله فترة وتعدي بس ماتضغط عليها |
(
دقيت مرة ماردت خلاص لعد تدق ! وقف رسايل ! بالمختصر اقلب الأدوار ..) اختي توقعي لو سويت كدا بتقعد تمسكها نقطة عليا وتقلي وليش انا ارسل وانتا مطنشني ؟؟؟ |
(اخي يمكن 0ضغوطة من الامتحانات
صحيح كلامها بزعل وقاسي وبدايق لكن اعذرها) اخوي هذي مو اول مره يكون عندها امتحان اول يا عزيز كانة بس تخرج من القاعه تطمني عليها |
انا اشوف انها زعلانه منك يمكن شاكه في حاجه في شي فهمته غلط انا عارفه هدا الكلام مايطلع الاوالوحده مقهوره من قلبها حاول تعرف ايش المشكله بس طبعا يااخي اتقل شوي يعني استنى بعد اسبوع وكلممها بس كون رسمي وحاول تعرف ليش زعلانه من غير مواجهه يعني تلميح
|
اقتباس:
لا أبدا لاتخاف ! أنا بنت مثلها وفاهمتها بتصير تلاحقك إلا في حالة وحدة: إذا كانت ماتحبك ! |
اختي اموت بأولادي
ممكن كلامك صح لكن يشهد الله وبشهادتها هيا نفسها اني ما عمري زعلتها لأني اصلا اخاف من زعلها بالعكس هيا تقلي انتا كيف تتحملني وانا كل فتره ازعلك واقول كلام يزعلك وترجع ترضى عليا وتقلي كل مره ازعلك فيها اتوقع انك خلاص بتزعل مني وانتا ما تزعل ..... |
أنا بعتقد ان ردي حيكون عليك قاسي بس استحملني
ليش تبكي ياخيووو انتبه لنفسك انت رجال والله اني حسبت يلي كاتب الموضوع بنت لأنه ياأخي ليس هذا تصرف الرجال أثقل الله يحفظك لاتتصل ولاترد عليها لمدة شهر خليها تتأدب أو تشوف غيرها ترى اذا كانت هيك تصرفاتك رح تتعب كتير بعد الزواج اذا ماتغيرت الله يوفقك |
| الساعة الآن 02:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©