|
ينصحني من حولي
جميل هذا الوقت و محبط
الواحد ما يدري من وين يأخذ النصايح في البيت الوالد الله يحفظه يقول : قبل لا تضمها أعرف أمها في العمل مديري يقول ترى غيرة الحريم تفقع المرارة . .. كيف يا عمي ؟؟ و يوم علمته أني نساي قال ما أنصحك تتزوج .. أخوي الكبير ( الشاكوش ) يقول يا حبيبي يا أبو مخ فاصل : قبل لا تتزوج أسأل عن شكل المرأة و عن أخلاق الخدامة ... الوالدة جابت لي الإحباط .. لفت الدنيا ثم جت تقول لي أمس : لقيت لك و حدة شكلها مقبول حنونة و أهلها طيبين بس أنها تحمل في الجامعة ( يعني ترسب ) يا يمه عقبال ما تولد إن شاء الله ، أنا الحمد لله لا أدخن و لا أشرب و لا أحشش شوفي وحدة أحسن شوي . أنا تعبت خلااااااااص يا جماعة الخير أدعو لي ثم أدعو لي ثم أدعو لي أخوكم |
يقولون الي يتشرط ويكثر العنفقه
ياخذ وحده مافيها من شروطه شي وبعدين وش فيها الي تحمل ف الجامعه انا صحيح عمري ما حملت الا ماده وكانت قبل زواجي بيوم بس صديقاتي الي حملو بالدرزن طلعو بجيد جدا وانا ياللله جبت جيد كبر عقلك شوي وخلك عقلاني تراها ماهي سياره هذي انسانه |
اقتباس:
ماشاء الله عليك دامك محافظ على صلاتك ولاتدخن وبار بوالديك صدقني بإذن الله الفرج قادم بس يبغى له شويه صبر على قولت أختنا غموض أتوقع لو ينقلون موضوعك لعالم مفتوح ركن الدعوات أفضل لعل دعوة توافق باب مفتوح وبكرة تروح تشوف العروس بس ياأخ مخي فاصل الصبر ثم الصبر ثم الصبر ورزقك ان شاء الله بيجيك وفي كل تأخيره خيره وعموما هذي اللي ترسب في الكلية اذا كانت مناسبة لك ترى الرسوب مو عيب ولاهو دليل على سوء في البنت أخاف بكره تعايرها بما أنك كنت متفوق بدراستك:d الله يرزقك الزوجه الصالحة اللي تتمناها عاجلا غير آجل يارب الله يرزقك الزوجه الصالحة اللي تتمناها عاجلا غير آجل يارب الله يرزقك الزوجه الصالحة اللي تتمناها عاجلا غير آجل يارب الله يرزقك الزوجه الصالحة اللي تتمناها عاجلا غير آجل يارب الله يرزقك الزوجه الصالحة اللي تتمناها عاجلا غير آجل يارب |
الله يرزقك بنت الحلال الي تقر عينك وتملي قلبك وتحفظ بيتك وتربي عيالك ويااااارب عاااااجل غير آآآجل وتنور حياتك وتعيشوووون بسعاااادة انت و كل شباب المسلمين
|
اقتباس:
أشكرك أختي توفي وفيصل بس أدعي لي الله يرضى عليك |
بالله ماتبيها عشانها تحمل مواد ؟؟!!!!!
خف ربك وخلك من النعفقة الي مالها سنع، الي يسمعك يقول كامل مكمل مافيك ولاربع عيب ! وبعدين ياخي وش دراك عنها يمكن داخلة قسم ماترغبه ! وترى مو شرط أبدا إن الكسالانين بالدراسة أغبياء الدراسات أثبتت عكس هالشي وإذا ودك تقراها نقلتها لك هنا .. |
الله يرزقني ويرزقك والمسلمين من واسع فضله
|
الله يسهل امرك ويسعدك دنيا واخرة
ان شاء الله نفرح بيك عن قريب |
الله يرزقك الزوجة اللي تتمناها
استغفر الله كثير وربي يرزقك من حيث لا تحتسب بإذنه وتتسهل أمورك والنصايح اللي تسمعها كل واحد ينقل لك خبراته الشخصية يعني اللي مبسوط في حياته الزوجية بيقولك لازم تتزوج من بدري واللي طفشان بيقولك اقعد أكثر وقتك عزابي بعدين فكر في الزواج وعوار الراس انت لا تفكر كثير في الموضوع وبتتيسر من عند الله بالتوفيق |
يارحمان يارحيم
ارضى على ابو مخ فاصل وارزقه زوجه تقيه وسنعه وطيبه وذربه ورومانسيييييييييييه وطباخه وذكيه وتخاف ربها ومتربيه وتقربها عينه وتقر به عينها وتسخرهما لبعض ويعيشان العمر باللون الورررردي |
| الساعة الآن 04:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©