|
دعواتكم فحالتي لا يعلم بها إلا الله
بسم الله الرحمن الرحيم السلام عليكم ورحمة الله وبركاته والله ماني عارفة اش اكتب واش اقول من التعب والألم اللي اشعر فيه الآن اقسم بالله اني قاومت وفتحت المنتدى عشان اطلب منكم تدعوا لي ان الله يخفف عني الألم ويشفيني من التعب والبلاء اللي عايشة فيه كثير منكم عارف حالتي واني اتعالج بإستمرار لكن أنا مرة خايفة وحاسة بضيق فضيع اليوم طبخت الغدا واتغدينا وجلست العب مع ولدي الصغير وفجأة حسيت بألم شديد في قلبي والله من شدته ماقدرت اتنفس وسميت بالله وقرأت المعوذات لكن الألم زاد وبدأت معاية رجفة فضيعة والله اني اتغطى بكذا بطانية لكن الرجفة واحساس بالبرد تزيد وتخف شوية وترجع ومن شدة الرجفة ماأقدر اوقف واحس رجولي ماتحملني مو قادرة أوقف وضيقة شديدة بصدري وزوجي يسألني اش فيكي واش تحسي وانا كلامي متقطع من شدة الرجفة والنفضة وصرت اصرخ والله اصرخ واقول شي بصدري واشد شعري وادور في الغرفة ماادري اش صار لي والله وزوجي يقرأ علية وأنا في عالم ثاني اهدأ شوية وارجع انتفض وأقول له حاسة اني بموت يقول لا مو الموت وانا كأنها سكرات الموت وخوف شديد أدري الموت حق ولا جا مااقدر ارده لكن اللي شفتو اليوم خلاني زي المجنونة ومع القراءة نمت واحلم احلام غريبة واقوم وارجع انام والحمد لله هديت الآن لكن الألم في صدري جهة القلب مستمر وخااايفة خايفة ترجع الحالة هاذي مرة ثانية أرجوكم أرجوكم أرجوكم أدعوا لي لا تنسوني والله انكم ناس طيبين وفيكم الخير ولو مو حاسة انكم إخوتي ماطلبتكم للمرة الثانية أو الثالثة والله ناسية بس سامحوني تعبتكم ورجيتكم بطلباتي لكن لعل احدكم مستجاب الدعوة أو منكم أحد لو اقسم على الله لأبره لا أطلب منكم سوى الدعاااااااااااء لأني أكتب لكم وانا والله ارجف وتعبانة مرة حسبي الله ونعم الوكيل ...........حسبي الله ونعم الوكيل.............حسبي الله ونعم الوكيل جزاكم الله كل خير |
اللهم أشفها شفاءا من عندك،، شفاءا لايغادر سقما
|
ياعمري خوفتيني عليك طيب مارحتي المستشفى؟
كيفك ألحين ؟ الله يشفيك حبيبتي ويقومك بالسلامه ويحفظك لزوجك وأولادك ياغاليه طمنينا عليك |
الله يشفيك ويرفع عنك الضر
|
الله يشفيك ويعافيك ويبعد عنك البلاء
لله ينزل السكينة والطمأنينة على قلبك |
حبيبتي ربي يشفيك من كل شر ياااارب العالمين
ياعمري انتبهي على نفسك و لازم تروحي مستشفى بسرعة سوي فحوصات للقلب و الدماغ و الدم و كل شي حبيبتي لا تهملي نفسك عندك طفل يحتاجك ربي مايحرمه منك ياااارب الله يخليك لا تهملي بنفسك و اتوجهي للمستشفى بسرعة |
حبيباتي/ فطيرة القانتة indienne الله يجزاكم بكل خير ويبعد عنكم الأمراض والبلاء يااااااااارب بارك الله فيكم noora أم الأموره الله يسعدكم حبيباتي أنا رحت للمستشفى كذا مرة ويقولو لي سليم التخطيط والكشف والتحاليل آخر مرة رحت لدكتور القلب قبل سنة وقال مافيكِ شي واتأكدي لو في تغيير بسيط في التخطيط أو الكشف ماخليتك تروحي الحمد لله على كل حال ادعوا لي حبايبي ولا تنسوني أرجوكم بارك الله فيكم وجزاكم كل خير وابعد عنكم المرض والبلاء |
اسم الله عليك حبووبة ,,
ان شاء الله ما عليك شر انتي من قبل صار لك جذي يعني ؟ إذا تكرر ,, حاولي تروحين حق احد يقراا عليك الصراحة شيء يخوف , !! ... ان شاء الله تكونين بخير وماعاد تشوفين شـر ... والله يخليك لزوجك وبنتك .. / |
يا اختي يمكن فيك مس لا تخافين ولكن نصيحه اقرائي سورة البقره باستمرار لاني قريت ان الجني يحب المنطقه القريبه من القلب فتقربي الى الله واحرصي على الاذكار وقرائة سورة البقره قومي فيها بالقيام الليل وشغليها باستمرار وعليك بالرقية الشرعية اسأل الله ان يشفيك ويقومك بالسلامه انا صار فيني الم في القلب وسويت تخطيط سليم ولكن قال لي الدكتور عندك فقر دم يمكن يكون انتي كذلك عندك فقر دم حاد المهم احرصي على نفسك والله يشفيك ويقومك بالسلامه يارب وطمنينا اختي
|
بسم الله عليك يالغاليه ماتشوفين شر يام غانم الله يشفيك ويعافيك ويجعل مايصيبك تكفيرا لذنوبك امين طمنينا عليك ولاتتركي وردك اليومي من الذكر والقران باذن الله يحصنك من شر كل حاسد |
| الساعة الآن 09:40 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©