اذا كان الفراق هو الحل الوحيد بسبب عبث زوجي
 

مرحبا اخواني واخواتي بصراحه انا فقدت الثقه بنفسي قبل لفقدها في زوجي
انا زوجي يعمل في مكان مختلط وانا ماكان عندي اي غبار عالموضوع متقبله الوضع المشكله من تزوجنا من اول سنه وهو غلطه ورى غلطه مره مكالمات على جواله وتناقشنا وغير رقمه ووعدني وبعدها اكتشفت انه مراسل قنوات sms ويرقم واكتشفت ان الرقم كان باسمه وصارت مشكله واعتذر بشده ووعدني
وهلم جره الرجال ماوقف
لقيت له بالصدفه من غير مايدري محادثه طويله عريضه عالماسنجر وهو كان مستخدم جهازي لان جهازه كان بالصيانه وبالتالي انحفظت المحادثه وصارت مشكله ونفس الموال اعتذار شديد وندم اشد ودموع ومره وهو يفتح ايميله قدامي لقيت رساله من موقع معروف
وعفوا نسيت اذكر النقطه هذي هو كان حاط له ملف بمواقع المواعده الاجنبيه
المهم الرجال شكله مابعد خلص مراهقه وانا مستحيل اثق فيه امرضني بالشك صرت اشك حتى في عطسته
الله رازقني منه بنتين
ومن غير مدح في نفسي هو يشهدلي بالكمال في امور كثير واتجاهه للامور هذي مو لانه يدور شي انا مقصره فيه لا
لانه يحب يجرب ويتعبث وانا اشوف انه لعاب ونيته غير سيئه لانه واضح انه متعلق فيني ويهتم لزعلي ودايم ياخذ بخاطري بس الشي هذا صار عنده عاده
المهم اخر مره صار بيني وبينه سوء تفاهم وانا من زمان مادورت وراه بس ربي كاشفه من غير ما ادور ورجعت اردى من اول وانا متهمته بناء عالامور السابقه مع ان عمري ماذكرته بشي من الماضي كل مشكله في وقتها وخلاص ادفنها وابين له ثقتي واحسسه بالثقه لكن انا من جوا مدموره وقلت له مره من المرات خلني ابعد الثقه اهتزت وجلس يترجا فيني وانا لولا حبه كان رحت لكن طاوعت قلبي وصدقت وعوده والحين صار المشكله وهو مسوي فيها زعلان يقول ظلمته وانا مو مصدقته والحين يلومني نسي انه هو اللي بلاني بالشك من كثر زلاته ورافض اننا نفترق ولو تراضينا مستحيل اثق فيه حتى لو كان صادق خلاص الصبر له حدود ويقول قرارك مو بكيفك ويقول انه مايبي يشتت بناته لكن البنات راح يعيشون بجو متوتر لو استمريت معاه من جد مستحيل ارجع اثق فيه مع اني اموت فيه لكن الحب مايكفي دام مافي ثقه ماتصلح الحياه والحين لازم اسمع صوت العقل لان قلبي ماراح ينفعني على قولتهم لوفيه شمس كان من امس فات علينا ست سنين واحنا نلف وندور بحلقه مفرغه هو يغلط وانا انهار وبعدين يعتذر ويترجا ويوعدني وانا ارضي ودقي يامزيكه ولما اسأله هات سبب واحد ما القى اجابه يقول اتسلى
اه والله ان الصدر ضايق وقرار جدا صعب لكن اوراقي احترقت وهذي هي الورقه الاخيره والحل الامثل احسن ما اخسر نفسي لاني انسانه حساسه وحنونه وشريته مره وثنتين وعمري ماذليته والوضع هذا ماينفع معاي ابد
خواني واخواتي ارجوكم تفهموا وضعي ودلوني

عفواً تم تعديل العنوان ليتضح المضمون
الإشراف

اذا بس مكالمات اصبري


واشغلي القرآن بالبيت ست سنين يعني باقي له القليل ويتغير للاحسن

[font="arial black"]

ربنا يعينك ويقويكي ويبعد زوجك عن المرض الي فيه


انا رايي ان زوجك عايز موقف قوي شوية يعني زي مابيقولو
تقطعي عرق وتسيحي دم
لازم توصليله الاحساس دا وباصرار

يا اما تمشي معايا بما يرضي الله وتتقي الله فيا وتبتعد عن المحرمات

يا اما تنساني من حياتك تماما ويكفيني ذكرياتي المرة عن مغامراتك
وشوفي رد فعله
صدقيني زوجك عايز هزة عنيفة تفوقه من طريق النزوات الي ماشي فيه
واقسملك بالله ماحد هينفعك لو صحتك راحت

واكثر شيئ يجيب المرض
حرق الدم
ثم حرق الدم
ثم حرق الدم

[/font]

سامحوني تأخرت عن الرد للموضوع
اشكرك اخت اميرات وانا بعد اشوف كذا
قرين مليت من الصبر شي فاق كل الحدود
ابو تريكه شاكره لك مرورك وادعولي انا لسه ماخذه موقف وادعولي ربي يقويني
اخوي الفهدي هو راجع لربه الفتره هذي بشكل ماتتخيله ولله الحمد مايقطع الصلاه بالمسجد وبالذات الفجر وكتاب الاذكار بيده بس ياكثر اللي يصلون وناس ثيابها قصيره ولحيتهم لصدورهم وماقفوا عبث انا احبه بس من جد عفت كل شي

وين مافي مشاركات تكفون لاتخلوني لوحدي كفايه الغربه اللي انا فيها ومافي اي احد اقدر افضفض له

ذكرتيني بموقف


المهم اختي قفي وقفة صمود انما الشطاره انو تعرفي متى تتوقفي عن الشد


يعني ما مشدي وتخنقي نفسك


الله يقويكي ويرد زوجك لك


دايما ادعي اللهم اجعل لي فرجا ومخرجا من امري