زوجي لم يعد يرغب بي ما الحل ؟
 

السلام عليكم ورحمه الله وبركاته..

بدايه احب اهنيكم على هذا المنتدى الرائع والمفيد واحب اعرض عليكم مشكلتي حتى تحلوها لي ان شاء الله..

المشكله مشكله زوجي انه ايام الملكه كنا مثل السمنه على العسل وكان يبغى يسوي جماع بيننا لكن كنت ارفض خشيه الحمل وحسب العادات ماتسمح عند اهلنا لكن لامانع من المداعبات..

اول ايام الزواج قدر الله وماحصل شي لعذر شرعي خلال هالفتره زوجي قلب علي وصار ماله نفس لشي ابد قلت يمكن عشان هالايام كلها فتره وتعدي بعد ماخلصت انتظرته يومين ثلاث اقوله وينك قبل تبغى والحين لا! صار يقول مالي نفس تعبان اجليها لبكره ,ومافيه اي اتصال بيننا مايلمسني ونادر مايطالع بعيني اذا قربت منه يبعد وطول فتره السفر ماحصل بيننا شي الا مره وحده وان حصل كانه مجبور على هالشي وبدون مداعبات ولاشي و اذا خلص قام بسرعه.. سكت طول فتره السفر

لما رجعت قلت لامي قالت اصبري يمكن ربي يفرجها عليك يمكنه يستحي..

صبرت الى الان مده 7شهور مايصير شي الا كل15 الى20يوم ونفس الحاله مع العلم انه يجبرني على حبوب منع الحمل!!..

قبل فتره قلت له روح لشيخ او طبيب وضعك مو طبيعي طبعا اول ماقوله هالكلمه يطنش وينام او يطلع من البيت ومايرجع الا متاخر ومايرد على مكالماتي..تميت على هلوضع..الين جا يوم وكلمته الين اقتنع وقال بروح لشيخ اول ..لما رحنا قاله الشيخ ان فيه عين قويه ولازم يكثف قرائته الين الله يشفيه..

عطانا موعد بعد فتره وقال كلمني اذا حصل تحسن..وصار الحين كل ماقلت له شيخ قال عندي شغل ماقدر اتركه وللعلم ان بعد 9 بليل يخلص دوامه..

فتحت على كم موقع بالنت ولقيت عده مشاكل الي فيه زياده بهرمون الحليب والي فيه نقص بهرمون الذكوره واللي واللي ..الخ قلت له شرايك تروح للطبيب تشوف يمكن فيك خلل هرموني او شي ثاني احسن ماتتدهور حالتك تافف وقال انتي تحبين تخربين جوي!!


شالحل معاه انا امراه تبي حقها الشرعي لانه اكثر شي يربط المراه بزوجها..

جوزيتم خيرا... :(

ربنا ييسرها عليكي ان شاء الله وشغلي سوره البقره كل يوم في البيت وعليكي بالرقيه الشرعيه لمده اسبوع علي كوب ماء واشربي منها انتي وزوجك

مثل ما قالت الاخت سورة البقره على قنينة الماء

واشربو منها انتم الاثنين

اول مره ما تخبريه انو المي مقريه

وآية الكرسي اكثري من قراءتها والصلاة على النبي

وهو من نفسو رح يقول انو رايح للطبيب انما


سورة البقره ثم سورة البقرة ثم سورة البقره


داومي عليها وانتي تلاحظي الفرق حتى بني قالت :ماما المي المقريه اطيب بكتر من المي العالدي مليون مره

مرحبا جزاكم الله خيرا للتفاعل كن جربت مده 4شهور على قراءه سوره البقره وتشغيلها في البيت والقراءه على الماء وشربه ورشه بكل مكان لكن زادت حالته صار مايجلس فالبيت ابد ومعاملته لي قست مره..

الخوف ان تعقد يوم شاف اول حاجة كانت العذر الشرعي

يمكن شاف شي فيك مايسره وهو مايبغي يبوح فيه ويجرحك فيه .. او تخيل ان المعاشرة شي و الحقيقة شيء ثاني

خاصة ان اول ليلة كان ممنوع منها

يعني حسب الكلام ان كان جدا ملهووف .. لكن بعد اول ليلة خلاص تغير للأسوء مستحيل يكون السبب عضوي واكيد السبب نفسي

صدقيني هو عارف السبب الي يخليه يبعد .. بس مايبغي يقول يمكن عشان مشاعرك .. واكبر دليل ان جالس يتهرب

المفروض لو هو يبغي هالشي كان هو بنفسه الي راح طبيب ودكتور وغيره بدون مايقولك

اما بالنسبة للحبوب فى موضوعها عادي .. اي واحد توه متزوج ماله نفس على الاطفال وعوار الراس

يبغي له سنتين عشان تجيه الرغبة بالاطفال

لازم تجبريه يقولك السبب .. وتحلفينه انه يقولك السبب

ولازم تقنعيه انك راح تتقبلين السبب مهما كان

اصلن لو سألتيه ايش السبب .. ماراح يحط عينه في عينك .. جربي وتشوفين .. بس كلميه بهدوء .. كل شي بالهدوء ينحل

تحياتي

أختي الفاضله ***
العين حق *** ركزي على الرقيه الشرعيه ***
وفيه مويه مقري فيها *** اعطي زوجك منها ***
وإذا كان عندك أخ قريب من عمر زوجك ***كلميه علشان يتدخل بالموضوع***
ويكلم زوجك بطريقة غير مباشره *** علشان مايزعل زوجك ***
مثلا يقول له شكلك متغير ماهو عاجبني *** وش فيك ***
ويقول له أنا ملاحظ على أختي أنها حزينه بأستمرار ***
شوي شوي وبيقوله ما يعاني منه ***
ثم يقنعه للذاهاب لشيخ للرقيه عليه ***
أهم شي الدعاء آخر الليل ***
الله يشفيه ويحنن قلبه عليكِ***
وبالتوفيق أن شاء الله 0
تحياتي

أؤيد كلام الفهدي 25 , و أضم رأيي إلى رأيه ......الحوار ثم الحوار بالهدوء بينكما . أظن أن المشكلة نفسية .

ويجب أن ننتبه أن هنا مرض و مريض يرفض التداوي , إذن الحل إقناعه بالهدوء ......صحيح الرقية لازمة , لكن أين التداوي , إنتبهو أيه المسلمون ليست أي مشكلة نأتي بالماء و نرشه ونرقيه .....هناك العلم , هناك الطب ...أصلا لولا العلم لما إخترعت هاته الأنترنت .....و أرجو أن يفهم رأيي فأنا لا أحرم الرقية , بل وحدها ليست كافية بل ندعمها بالطب أيضا .....الإمام الشافعي تمنى أن يدرس الطب و لا يفوته فيه اليهود و الننصارى .....أكاد أجزم والله أن المشكلة نفسية .