|
انا وحماتي وابي
[align=right]:19::19::19::19:السلام عليكم ورحمة الله وبركاته
كيفكم يا جماعة؟ اتمنى تكونو بخير صدقوني انا متدايقة جدا انا مشاكلي مع حماتي لا تنتهي نعمل هدنه شهرين وبتحاربني شهر المهم ما تقولولي ليش هي هيك انا اتعودت ع الموضوع هادا ممكن تصالحني ست اشهر وبس ييجي احد من ابناءها من المسافرين خارج الاردن تتبدا تقولهم انه انا لست منيحة بالتعامل معها ووو... الخ وبتحاربني قبل ما تحاربني طبعا تبهدلني وتفشلني قدامهم..والله لها بنت صديقتي تقولي معلش لا تزعلي هي ست كبيرة وتقولهم لبناتها حاربوهاا لا تحكو معها واحدة تبتعد بس لو شفتها تحاكيني بس هاي تبقى تحكيني وتيجي عندي بس الله اكبر على كل من طغى وتجبر دائما تقول انتي لا تحترميني انت لا تقدرنيني مع اني والله احترامات فوق العادة مش عارفة شو بدها اعملها بس اه اه ع الحظ حسبي الله مع ان زوجي بعرف اني بحترمها بقولها خالتو تقول كذا يقولي تقول اللي بدها اياه الجميع شايف انه انتي تحترميها ولو انا شايف غير هالشي كانت طلقتك بس انا شايفك محترمه وتحترميها ولكن هي تقول الي تريد تقوله هي حرة و\طبغغا عداكم عن شغالتها الله لا يسامحها (حاسه قلبي صار اسود متل الفحم) بتخليها بتتصنت عن اي شي اقوله لسلفتي او لبنتها او حتى ع التليفون وتنقللها اياه وشغالتها تغير احيانا بالكلام وتعملي مشاكل حسبي الله عليها وبحاربها ترجع تضحك لي ارجع انسى احكي معها طبعا غير لما تيجي وتدخل البيت وتنقل لها كل شي بالبيت شو بشتغل البيت لو كان نضيف او وسخ تقولها وسخ تقولها كل شي تنقله بالحرف والكلمة الله اكبر لو حكيت انا وزوجي اي شي تقولها اياه حسبي الله بس ونعم الوكيل بس هلأ الي فترة ما بخليها تدخل بدها اشي اخليها توقف ع الباب وبعدها اعطيها اياه وهي برا لا نها لم تحفظ النعمة طبعا هاذا بعد سنتين لما فهمت الموضوع وانا متل الاطرش بالزفة ومرة قالتلي الشغالة وهي تمسح بالدرح سمعت صوت بكاء تنصتت ع بيتك فكرته ابنك طلع مش هو طلع ابن الجيران بتعترف كمان بس مشكلتي هذي اتعودت عليها بس المشكلة هي تحب بابا كتير زي ابنها هي عمرها 83 تقريبا وبابا 68 قد ابنها الكبير وبتحبه وهو بسايرها ومن هالكلام.. صار لها اسبوعين تقريبا كل ما اروح عندها تقولي قدام ابناءها وبناتها انا بحترمك لما تيجي عندي مش عشانك عشان ابوكي منيح معي انتي مش منيحة معي اليوم رحت عندها بناتها جايين ع الفطور ونادوني انا وهي ساكنين بعمارة واحده ولا وانا باكل قاعده قالت لي اهلين بمحمد انا صفنت لانه اسم ابي قالت لي يعني انا حاسه ان ابوكي هو اللي يفطر معي مش انتي وانا ضحكت بس متدايقة يعني انتي لازم تحترميني عشان انا منيحة معك والله والله والله اني لا اقل ادبي عليها ومؤدبةجدا معها وبحاول اجاملها بس هي ما بتحبني وصرت احس انها على كثر كرهها لي صارت تكره ابنها والله مش عارفة هل صحيح اني اتدايق عشان ما بتحترمني عشاني ولكنها تحترمني لخاطر ابي انا محتارة انا ساكته بس حابه استفيد من ارائكم لاني والله حاسه اني سأفقع ولو لم اكتب لكم لا ادري ماذا صار فيي لا يوجد احد دائما افضفض له لي صديقات بس صرت استحي اقولهم هالكلام ومنهم عندهم دراسه هم قرايبي بعرفوها وبصبروني دايما بس بحس اني طفشتهم بمشاكلي معها الله اكبر حسبي الله ونعم الوكيل بس اللي مأثر في صرت احس اني حقوده ولا اسامح ونفسي الله ينتقم لي وقلبي اسود واكرههها حتى لو كنا بأيام اصحاب وما في مشاكل بس خلص بقلبي سواد عليها لا اطيقها |
اختى اصبرى انا اقول المختصر المفيد اعتبريها امك ومثل ما ستفعلى معها سيرده الله لك وستفعله زوجات ابناءك بأذن الله وازواج بنات بعون الله معك اختى هذه ضيفة يعنى ما شاء الله 83 سنه يعنى اليوم بينكم ويمكن غدا عند رب كريم اعذرى كبير سنها والله هؤلاء الاباء والامهات الكبار فى السن بركة بالبيت وانت اول واحدة ستحزنى جدا عليها عندما تفارقكم بعد عمر مديد بأذن الله اعتبرى هذه موقف فكاهية اضحكى وطنيشى بارك الله فيك وحفظ لك زوجك واسرتك بأذن الله واكثر الله من امثالك لاننا فى زمن صعب والله |
على فكرة كمان انا صرت لو دايقتني بكلمة مثلا اقعد يومين مش نازلة عندها خوفا من ان اسمع كلام يسم البدن فبحاول اقلل الاحتكاك..
|
ابو مريم شكرا على دخولك يعطيك العافية وشكرا على تصبيرك وعلى دعاؤك
بس لعلمك والله بس تمرض انا لا يهون علي وابدا ابكي عليها مش قدامها بيني وبين نفسي لاني اخاف انها تزعل على نفسها وبعدها تقعد تدعي قدامي اللي ما بتحبني من كنايني يا رب تموت وما في حدا قاعد معاها غير انا وبنتها!!! يلا عندالله لا شيء يضيع |
طبعا لانك من بيت اصل ما شاء الله وكما يقال العشرة لا تهون على الاصيل وكما ذكرت اختنا جرين بارك الله فيها عليكى بآية الكرسى وقرأة سورة البقرة على ماء وشربه ولا تنسى الدعاء والتضرع الى الله وانتهزى اوقات قبول الدعاء قبل صلاة الفجر - عند السجود - يوم الجمعه |
الله يخليلك اهلك يا ابو مريم فعلا انك عضو متألق صدق من سماك.. ان شاء الله بقرا القران وبتتحسن الاحوال
|
يا اختى العزيزة اصبرى فانتى بتفكرينى والله جدتى مامة بابا كانت الله يرحمها ويسامحها تعامل امى معاملة صعبة وكانت لا تحبها مع ان امى تحملت كثيرا معها وايضا بعدها عن بلدها وكانت جدتى تعمل خناقات كثيرة مع امى وكانت تدعى عليها وهى تصلى وعلينا جميعا يله الله يرحمها كانت ققققققققققققققققققققققققققققققققوية بمعنى الكلمة وكانت لما ابنتها تجى عندنا تقعد معاها ويتكلموا بصوت منخفض طبعا يتكلمون علينا الله يسامحهم وكل الناس كانوا يقولون لماما استحملى هذه امراة كبيرة وماما تقول والله باعتبرها مثل امى واول ما توفت جدتى اول واحدة بكت عليها بكاء شديد هيه امى الله يعطيها العافية ويخليها لنا يا رب ويهدى لكى حماتك يا رب
|
كلام الاخوان و الاخوات صح اصبري عليها لانها كبيرة في السن انا جدتي كذه و لكن العكس مع اولادها بس انا حفيدتها متحملة منها حتى لو سبتني لانها كبيرة و حتى لو تحكي علي امام كل الناس بس الناس برضوا تعرف عنها كبيرة
و لازم اتحملها اذا انا ما اتحملتها مين يتحملها و بعدين كلوا في ميزان حسناتنا صدقيني الانسان لما يكبر يصير زي الطفل و حتى تصرفاتوا يعني لازم نتعامل معاه على هل الاساس حاولي تعامليها على هذا النحو اصبرلي و اتحملي و الله سيجزيكي خيرا ان شاء الله |
اعتقد انه ما في 2 متزوجين الا و بعانوا من مشاكل مع حماة أو عم
انا و حماتي متل العسل لكن المشاكل مع عمي احمدي ربك انها بتحب أبوكي عمي بسب أبي أمامي و لازم اسكت و اعتبر انه الأمر مزاح و اتحمله ! و روح لعندهم زيارات يومين و تلاتة متتالية ورا بعض (لأني بغربة) و إلا زوجي بعملي مشاكل بوصلها للطلاق و انا بصراحة متحملة بس مشان زوجي و مشكلتك تعتبر عادية على الشي اللي انا بسمعه من الناس من الحموات القوايا امرأة بهالسن الكبير لا يمكن تتغير طباعها بالعكس رح تروح للأسوأ كل ما كبرت أكتر رح تخرف أكتر و انتي أمامك إما أن تتحمليها أو انك تقاطعيها و طبعاً مقاطعتها مو الحل السليم لأني المرة كبيرة و مو باقي من عمرها كتير في نساء بتحط حمواتها العاجزات عندها بالبيت و تعتني فيها متل الطفل الصغير حتى (ألعفو منك) بشيلو الوسخ من تحتهم بقا انتي حالك بألف خير كانت جدتي قوية متل حماتك و كانت زوجة خالي ساكنة معها بنفس البيت لك أن تتخيلي الحياة الجحيمية اللي عيشتها ياها نحن أحفادها ما كنا نتحمل لسانها كيف الكنة ؟؟ لكنها كانت صبورة و تحملت حتى رب العالمين رزق زوجها و سكنها لحالها و الآن جدتي وصلت لمرحلة انها تأكل و تصلي و تنام فقط و الكل خلص من شرها الآن بفكر انه ما كان مستاهل انه نعاندها و نكره كلامها و هي جدتنا كان لازم نعرف انها كبيرة في السن و انه هي فترة و بتمضى و رب العالمين رح ياخد أمانته نصيحتي يا أختي انك تتحملي أذاها و تحتسبيه أجر عند رب العالمين ما حدا بيعرف شو بيعمل بكبره الله يحسن كبرتنا آمين |
بسم الله الرحمن الرحيم
انا ماراح اكثر عليك الكلام بس بأقولك شي واحد وانتي تعرفين الحل معه.. انتي بعد كم سنة تقريبا 30 او 50 او اكثر تضمني نفسك ماتصيرين مثل حماتك؟! عامليها باللي تحبين زوجة ابنك تعاملك به.. لانه "كما تدين تدان" اذا احترمتيها وتحملتيها زوجة ولدك بتحترمك وتتحملك.. واذا كرهتيها زوجة ولدك بتكرهك.. ونصيحة تحميليها ولاتشكين لاحد لانك اذا شكيتي لاحد بتكبر في عينك المشكلة.. انسي اي شي ضايقك حتى زوجك لاتقولين له اي شي عنها.. الله يسهل لك امورك يارب |
| الساعة الآن 02:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©