|
رضيعي اتعبني جدا جدا
السلام عليكم ورحمة الله وبركاته ...
اخواتي واخواني اعضاء المنتدى الغالي ... عندي طفل عمره خمس شهور متعبني جدا ... نومه قليل جدا جدا جدا ... يعني في الليل ماينام الاقليل كل ساعه وهو صاحي ويصيح ويصارخ... انا فكرت ان ممكن يكون ممغوص ...لكن الموضوع مويوم ولايومين... صارله شهر على هالحاله ولما اشيله والعبه يسكت ... بتقولون لي يمكن جوعان وهنا اكبر مشكله... وهي ان طفلي العزيز لايتقبل الرضاعه نهائيا ... يصيح ويطلعها من فمه وطول اليوم وهو على الحاله ... احيانا اعطيه الحليب لمايروح في النوم مرة واحيان مايتقبلها ابد ... انا طبعا اعطيه اكل بس هو بصراحه اكله مرة قليل والحليب مرة مهم ... المشكله الثانيه انه طول اليوم يبي الشيل والهز ومن احطه على جلاسه اوسرير يموت من الصياح ويبكي بشكل هستيري ... والله انا تعبت لوماعندي الاهو كان المشكله هانت بس في اخ اكبر منه بسنه يعني حرام كمان هذا محتاجني ... وغير اختهم الكبيرة وهذا مشغلني عنهم بالمرة .... والله تعبت يعني معاناة لين يرضع معاناة لين ينام وماادري وش الحل معه ؟؟؟؟ |
وعليكم السلام ورحمة الله وبركاته
الله يكون في عونك يارب ويعطيك الصحه والعافيه ويخلي لك لأولادك بالنسبه لطفلك أول شي اعرضيه على طبيب يمكن يكون عنده مشكله في بطنه واذا تطمنتي أن كل شي سليم ومايشتكي من شي معناه انه دلع وصدقيني جربي اتركيه يصيح لكن خليه يشوفك حوله يعني حطيه في كرسي بحيث انه يشوفك وانت في المطبخ مثلا او واتنتي ترتبين وكذا ومع الوقت راح يتعود ويمل من الصياح لكن راح يأخذ وقت على بال مايتعود والله يعينك على الازعاج وبالنسبه لموضوع الرضاعه والله اعرف ناس كثير كذا سبحان الله عيالهم مايرضعون زين لكن في نفس الوقت مايشتكون من مرض وهذا متعب للأم جداُ وجربي تغيري نوع الحليب مثلاُ أو رضاعه الحليب وطولي بالك هذولا الصغار يبي لهم طولة بال |
عدم الرضااااااعه
أمر مقلق جدددددا يا غاليتي لااااااااااازم من مرااااجعة طبيب جيد عاااااااااااجلا .. الله يهدي بالك يارب .. |
الرضاعة مش قادرة افيدك فيه
لكن البكا تبع الدلع نصيحتي الك اتركيه اول مرة حيصيرلك هستيريا منو وحتحسي بدك تنفجري لكن خليه جمبك واتركيه يبكي وخليكي قدامه مش مهتمة عشان هوة ببكي لانو عارف البكا بنرفزك وحتشليه عطول وعاد اول ميسكت احمليه ولاعبيه وهيك وإن شاء الله يتحسن ومع الوقت يفهم انك مش حتستجيبي لصراخه |
هلا خواتي مشكورين حبايبي على الردود ...
احب افيدكم اني فعلا وديته لدكتور واستشرتها في موضوع النوم قالت طبيعي في اطفال نومهم خفيف ويشبعون نوم بسرعه ... طبعا انا موقادره اتحمل وموعارفه ايش اسوي ولاعجبني كلام الدكتورة ابدا ... بالنسبه للرضاعه للحين مااعرف السبب بس قريب بروح للمستشفى مرة ثانيه واشوف يمكن اللوز متعبته وموعارف يرضع ... ياليت القى سبب وارتاح عشان يشبع وينام ... بالنسبه للبكا والله انا مشكلتي اني نهائي ماتحمل انه يصيح واخليه ... وفي نفس الوقت عندي شغاله وماابيها تتعود ان انها تخللي الطفل يبكي بدون ماتشيله وتهمله في غيابي اوحتى ان كنت مشغوله عنه ... يعني لماتشوفني انا مطنشته هي كمان اكيد بتطنش ... ومع كذا خليته اليوم بس شوي يصيح وهو جنبي على الفراش وقمت لقيت صوته مرة مبحوح كسر خاطري ساعتها وحسيت بتانيب الضمير ... الى الان ابيككم تساعدوني اوتدعون لي ... ومشكورين |
الله يهدي يارب انا ابني عمره اللحين شهرين بس كان بالاول ينام كويس ومااحلى ولما صار شهر ونصف مرض جاله التهاب بالحلق وبالقصبه وزكام صار نكد ومايرضع كويس وطبعا صار يرفض تماما الصناعي يعني انا كنت اعطيه ملوبا وحليب كل يومين تقريبا اللحين هو ماياخد رضعه وبالليل مايعرف يرضع يضل يبكي اخدته امس على الدكتوره وقال انه عنده التهاب بالحلق واعطاله مضاد حيوي
شوفي ابنك اذا عنده التهاب بالحلق او اذا هو مايبي صناعي ممكن يكون حابب يضل على الطبيعي وكدا اكتر الاطفال الله يشفيه يارب ويطمنك عليه |
ممكن انه اسنانه هي السبب لانه في فترة تسنين
او التهاب بالاذن بكل الاحوال الله يطمنك عليه |
اقتباس:
هذي هي المشكلة الاساسيةيا اختي الحبيبة ابنك اتعود على الشيل طيب ليه ماحربتي اللهاية(التتينة) صدقيني بتريحنا كثيييييييييير من همهم وطمنيني عليكي |
لا تشتكي لي يا اختي لابكي لك .. كأنك تتكلمي عن بنتي اللي عمرها 7 شهور .. نومها قليل جدا ليل و نهااار ... واذا نامت في النهار تعالي شوفي لازم الكل يمشي على اطراف اصابيعه عشان الهانم ما تنزعج لان نومها خفيف جدا .. اضف الي ذلك طوووول اليوم تزن و تحن ما تسكت ... اللهايه ما تبغاها الا وقت النوم فقط .. ما احد من اخوانها يقدر يتحملها ... تعالي شوفي اذا طلعت معها رحنا مجمع او رحنا زياره لاقاربنا بس تبكي .. واذا رجعنا البيت تهدأ ... والله اني طووول الاسبوع محبوسه في البيت .. واذا طلعت للطوارئ يعني زياره ضروريه او محتاجه للسوق ضروري و تركتها عند اخوانها يجيني مليون اتصال .. تعالي بنتك دوختنا .. والله انها تخلينا في البيت زي الفريره الكل يشتغل على حسابها .. آآآآآآخ جننتني هذه البنت .. |
هذا دلووووع حده
اذامايتقبل الحليب غيري لنوع ثاني ولزم تغيرين له كل ساعتين في بيبيااات بسرعة يتضايقون من الحفاظه ولاتخلينه يطقها نومه بالنهار عشان ينام عنك باليل وقبل ماينام عطيه يانسون او كمون بدل الرضعة اللي تسبب غازات تضايقه اثناء النوم اتمنى اكون افدتج |
| الساعة الآن 01:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©