|
مكالمة عتب بسيطة قلبت الوضع 180 درجة
السلام عليكم زوجي انتقل دوامه لمدينــه ثانيـــه .. وانا الحين ساكنه عند اهلي ويجي اربعاء وخميس وجمعه بيني وبينكم الوضع مو عاجبني ومتضايقه منه لكن صابره لان وضعه المادي مايسمح جانا الخميس والجمعه هاذي واحنا ياسلام مبسوطين مع بعض وياسلام جا يوم الجمعه بيمشي وقال اذا سافرت اجلسي لاتروحين من عند اهلي لحد ماتنام امي يعني لحد الليل خلي اهلك ياخذونك يبيني اوسع صدرها ..... .. قلت طيب انا اتضايق لارحت من البيت قال قلتلك اجلسي عشان ماتتضايق لاطلعنا كلنا من البيت ,,,,,,,,,,,, <++ شوفوا مراعاة المشاعر نزل تحت لاهله وقالت امه لا رحت بروح لبيت بنتي .. يمكن بعد ساعه قلتله بهمس : شوف بتطلع خلاص بطلع معاك شرايك ناظرني نظره مو طيبـــه يعني زي اللي يقول ((( قلت كلام اسمعيه وخلاص ))) انطميت وسكت قام حب راس امه ويدينها وودعها وقامت له للباب .... الحين ليش تقوم خلاااااص انا زوجته اقوم معه قمت قال لي يلا مع السلامه بدون ما يرفع راسه لي ((( مدري ليش))) مسوي زعل اني عدت عليه الطلب وودعته امه ورحت فوق لغرفتي اصييييييييح ومتضايقه مسكت الجوال من غير شعوري واتصلت عليه قلت ليش ودعتني بهالبرود وانا تدري اصلا متضايقه انك رحت قال وش بك انتي!!!! عادي !! اصلا انتي طبعك غريب وتدورين المشاكل قلت حرام عليك الله يسامحك قال اللــه ياخذك انتي .. مسويه انك طيبه ((تسكر جوالي من غير ما اقصد )) يحسبني يمكن سكرتها بوجهه اتصلت على طول مارد ارسلت انه انقطع من نفسه .. وحقك علي اذا غلطت عليك .. والمره الجايه بمسك مشاعري التافهه ( طبعا ادري انها مو تافهه بس ابيه يحس اني متضايقه وانا اعتذر) مارد علي اتصلت كثير مارد تركته لحد ماوصل اتصلت مارد وعطاني مشغول ... وارسل ( وصلت) وبس قلت الحمدلله على سلامتك يالغالي واي شي يجي منك اكيد انا استاهله مارد اتصلت عليه من بكرا ... يعني اليوم ,,, العشاء مارد علي ,,,, والحين الساعه 11 بالليل ماكلمني ولا أي شي ليش كذا .... الموضوع بسيط مايستاهل ياربي ما ادري ساعدوني عفواً تم إجراء تعديل بسيط على العنوان الإشراف |
وعليكم السلام ورحمة الله وبركاته مدري عزيزتي اتوقع من وجهة نظري انه احد امرين 1-انه زوجك عاجبه هالتدليل ويبي المزيد منها ربما والله اعلم لايجدها كثيرا 2-انه بلغ لمرحلة الملل ربما يعاني من دلال زايد منك ويبيك تكبرين راسك لان كثير رجال للاسف يبون النساء يكونون نفس عقليتهم ونفس تفكيرهم تكون الوحده محتاجه لكلمه لهمسه يقولها انا وين وانت وين فانت ادرى حبيبتي بالوضع مني فايهم تشعرين انه يوافق وضعك وبالاخير لاتشيلين هم واكثري من الاستغفار وهو من يجيك بنفسه |
الله يسخره لك ..
اكثري من الدعاء .. وفقك الله .. |
اقتباس:
يالغاليه والله ما أدري وش فيـــه وانا بيني وبينك اتصلت مره وحده اليوم لاني امس ما قصرت ,,, اعتذرت واتصلت اوكي يمكن مزاجه معكر بس مو لهالدرجه... وانا ما استغربت هالحركه .. لانه هو صعب بس هالمره انا ماقلــــــــــــت شي ,,,,,,! |
اقتباس:
جزاك الله خير |
[COLOR="Purple"]يابنت الحلال
لاتفرطي[/COن بمشاعرج خليه يحس بقيمة زعلج لاتركضين وراه انا احس انج تزعلين وترضين من نفسج وهو مومكلف على نفسه شي حسسيه ان زعلج مو شي هين حتى يستهين فيه علي بن ابي طالب كرم الله وجهه يقول لاتعطي كثيرا حتى لاتندم كثيرا حاسبي على مشاعرج هو وصلك لمرحلة صرتي فيها تشوفين ان مشاعرك تافهه!! LOR] |
لايضيق صدرك خليه الين يطيح اللي في راسه
وقولي اللهم ااجرني في مصيبتي واخلف لي خير منها الله يهونها عليك دائم الرجال اقسياء ولايقبلون ولا كلمه |
كلام الاخت ليستني اسلي عين العقل
انا برايي اصبري عليه شوي اكيد ماحيهون عليه بس اختي لي ملاحظة بتقولي ::::::شوفو مراعاة المشاعر وكمان الحين انا زوجته اقوم معاه ليش تقوم هية صراحة زعلني كلامك اختي يعني ليش مايراعي مشاعر امه وليش مش عاجبك تودعه للباب خاصة هوة طالع من بيت اهلو مش من بيت الزوجية وحتى لو بيت الزوجية هاي امه حرام تقولي هيك يعني امه هية الي ربتو وكبرتو وعطته الك خلص بطل الها حق توصل ابنها للباب يعني خلص بطل الها اهمية لما تزوجك ؟؟؟ مش قصدي ازعلك بس قصدي اقول بر الام واجب والام بتتعب كتير عولادها انا ماكنت اقدر هالكلام حق تقديره حتى ولدت وجربت الم الولادة وتعب الامومة بصير اتخيل بكرة ابني يهملني عشان زوجته بحس بدي اموت مش لاني شريرة بس لانو ابني قطعة مني شفت الموت عشانه بالاخر ابطل مهمة لهيك ماتزعلي لما زوجك يحترم امه و يوجبها و يهتم فيها زيادة انما طالبي انو يعطيكي انت كمان الاهتمام الي تستحقيه يعني لاانكر حقك عليه انما عادي يبر امه ويحترمها وانت كمان يعاملك بحب ورمانسية مافي وحدة من الاتنين بتمنع الاخرى الله يوفقك يارب وتقبلي كلماتي وماتزعلي واكيد مش قصدك بس انا لفت نظري وحبيت اقلك :) |
اقتباس:
انا قلت يمكن غلطت لما .. اني افتح موضوع وهو بيسافر .. يعني الوقت شوي مو وقته عشان كذا قلت اقصر الشر واعتذر ... لانه مو متقبل اني اعاتب واليوم تركته سويت اللي علي واتصلت عليه وهو مارد ... الله يسامحه .. واللـــه معي |
اقتباس:
هذا اللي ببالي بالضبط الله يعين |
| الساعة الآن 09:03 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©