|
زوجي أحرجني عند اهله
السلام عليكم
ما ابي اطول عليكم بالكلام بس حبيت اقولكم موقف صار لي وابي رايكم فيه انا متزوجة من رجل حبوب بس عنيد في نفس الوقت الحمد لله علاقتنا حلوه بغض النظر عن المشاكل الخفيفه<< ما تجلس في البيت ولا تطلعنا يعني مثل كل الناس بس امس صار شي من جد ضيق صدري طبعا 99 في الميه من الرجال يحب يناظر وانا زوجي فيه هذا الطبع كنت اول ازعل واتضايق بعد صرت اخذها بحس نيه واعتبرته طبع فقط لا غير المهم امس كنا في بيت اهل زوجي وكانت زوجة اخوه موجوده لمن دخل زوجي هي غطت وجهها بالشرشف بس شعرها من ورا ما تغطا <<<بدون قصد طبعا جلست زوجي وانا جلست تقريبا في الوسط بينه وبين زوجة اخوه المهم وانا اكلمه حسيت عينه طول الوقت وراي استغربت شوي بس انصدمت لمن التفتت لقيت شعر الحرمه طالع يعني هو جالس يطالع في شعرها وانا اكلمه في نفس الوقت جات اخته الكبيره عند زوجة اخوها وغطتها شعرها بادب يعني لانها عارفه انه بدون قصد انا مره حسيت فشيييله لان اكيد اخته شافته وهو يطالع في شعر زوجة اخوه انا كرهت الموقف وحسيت اني ما اسوى شي عنده لانه ما احترمني على الاقل قدام خواته وانا طبعا ما فاتحته في الموضوع ولا افكر اسفه على التطويل بس بليز علموني رايكم بصراحه تم تغيير العنوان/ الاشراف |
والله يا اختي درعاويه فعلا موقف يقهر من النوع الززززين .. لكن مثل ما قلتي طبيعة اغلب الرجال هي البصبصه لان المركز البصري في دماغه اكبر من المرأه و لذلك امر الله المرأه بالحجاب .. ممكن تتقبلين ان الرجل يبصبص للمرأه الغريبه .. لكن لما تكون من الاهل بصراااحه ما تنبلع ابد .. يعني هو يقبل ان اخوه يناظر فيك بنفس الطريقه ؟؟؟ حاولي انك دايم تذكريه بالايه التي تأمر بغض النظر .. وربي يهديه .. |
معليش اختي ..
لاتزعلي مني .. اذا هاذي جلستكم .. انا ابدا ما الومه .. اللي يتعود على الاختلاط .. ماعليه عتب الرسول قال- الحمو الموت- وبالعكس .. راح يزيد اكثر لانه كذا يتعود .. ويصير هادا الشي عادي عنده .. لاتزعلي .. هذا رايي الشخصي .. و والرجال اللي يتعود على غض البصر .. ويخاف من الله .. ماراح يبصبص .. هي الدعوة تعود-وليست طبيعه .. مثل المرأة اللي تتعود على البصبصة .. والله زوجها لو ملك جمال .. ماراح يملا عينها .. وبرضو حتبص .. و الله يهدي الجميع .. |
اسفة اختي
و ليش اهل زوجك عيشين بغرفة ليه زوجة اخواه ما راحت غرفة ثانية لمن دخل زوجك... انا اهل زوجي قبل لا اتزوج كانوا يجلسون في التمشية بجلسه وحده برغم من انه الكل متغطي ... لمن تزوجت رفضت الموضوع تماما ... الرسول صلى الله عليه وسلم قال " الحمو الموت " تكلمي مع زوجك وتناقشي معاه في الموضوع هذا وفهميه انه الي يسير غلط ... والله يوفقك ويصلحلك زوجك ياااااااااااارب |
حبيبتي درعاوية الله يكون بعونك والله لو كنت انا كان فقعت بنفس الوقت ،، بمكاني،، لن انتظر ان اصل للمنزل.. بس الحق بصراحة على زوجك لانه لو هي امرأة غريبة ممكن له الحق لكنها زوجة اخوه انا مستغربة!! الله يقف معك عليه.. بس صدقيني مش انتي اللي نزلتي من عين اهل زوجك بل هو من سقط من عينهم انتي لم تعملي شي لستي مقصره في حقه لكنه ببصبص والبصبصة ليس لها حل للاسف والطبع تحت الروح والطبع غلب التطبع
|
من الاساس
يوم انه مرة اخوه تغطي وجهها عنه ليش تقعد معاه؟ ماله داعي من الاساس تقعد من حقج تكلمينه..وكلميه بقوة وجديه وتقوليله ترضا اخوك يشوف شعري ويبصبص علي؟ ترا كما تدين تدان |
المشكلة في الأختلاط المحرم شرعا
ثم في زوجك الله يهديه بس انسي الموضوع وحاولي تغيرو ا الجسات المختلطة |
اولا احب اشكركم جميعا على تفاعلكم
طبعا الجميع يلوم الجلسه من الاصل بس هذا شي مستحيييييييييييل مستحييييييييييييل اغيره يعني تدرون ان هذي الجلسه اللي ذكرتها في الموقف كانت نسائيه لحد ما جا زوجي وجلس لحاله ولفتره تقريبا نصف ساعه انا ما حبيت اضايق احد وطلعنا على طول والشي الثاني اني مره اسولف معه عن اخوه طلعت في وجهه بدون قصد تدرون وش قاااال؟؟ قال طبيعي الاخو يصير حافظ وجه زوجة اخوه انا زوجات اخواني كلهم حافظ وجههم انا ما حبيت اعلق كثير وسكرت الموضوع عشان ما تكبر السالفه |
الخطأ بدخوله وجلوسه معكم بهذه الطريقة...الله يصلح حالكم أجمعين
|
يا حبيبتي والله حاسه بيكي ميه في الميه
انا لو مكانك لازم اتكلم معه بصراحه وبهدوء وافهمه انه يحاول يغض من بصره ولكن لا تقوليله على هذا الموقف اتكلمي معه كانه امر عام وليس شخصيه بعينها ونصيحتي لكي يا حبيبتي فعلا لا تجعلي هناك اختلاط بين الرجال والنساء في مجلسكم حاولي تعوديه منعا للمشاكل ولكن بالتدريج يعني مره تروحوا لاخوه البيت قولي لزوجة اخوه تعالي نجلس لوحدنا بطريقه كأنك تمزحين او كانك تريدين مساعدتها في المطبخ حاولي على قد ما تقدري تتجنبي الاختلاط ولكن دون ان تشعريه انه السبب وحافظي على كرامته وشكله في كلامك معاه معلش خليكي احسن منه تاخدي الثواب على صبرك على زوجك والحمد لله انه طريقته لطيفه معاكي وحياتكم ما شاء الله هاديه صدقيني الحل الفعلي في تجنب الاختلاط الله يهديكم لبعض ويمنع عنكم وساوس الشيطان الرجيم |
| الساعة الآن 01:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©