كيف اهيئ نفسية ابني للغربة..ساعدوني
 

السلام عليكم ورحمة الله وبركاته
اخواتي ....والله ماني عارفة كيف ابدا ...

باقيلي عشان اسافر 20 يوم باذن الله ....وراح اغتراب انا وزوجي وابني من اجل الدراسة لمدة 3 الى 5 سنوات الله يسهلها يااااااااارب وتعدي على خير

عندي مخاوف كثيررة من ردة فعل ابني من الغربة

ابني الله يصلحه عمره 5 سنوات ... انا اتعامل معه كاصحاب بحكم انه ماعندي غيره الله يحفظه ويحميه

في البداية حكيته عن المدينة الي رايحينها ان شاء الله واننا بنسافر ..في بداية جلس يسالني عن بينتا وكيف نتركه

حسيت انه ماتقبل الحكاية اننا نترك بيتنا وجلس يبكي حزني ..وبطلت اجيب سيرة السفر
بعد كم يوم جالس يسالني وخصوصا لمن يشوفني اشتريله ملابس واغراض لسفر .
وحسيت انه تقبل الوضع وحب الحكاية ..

هو كان يروح الروضة بس قبل حوالي شهرين معاد خليته يروح
لخوفي انه يتعلق في استاذته وفي اصحابه ويكره روضته الجديدة ...فماادري اذا تصرفي صح او لا وخصوصا انه ابوه عارضني في الشي هذا وقالي انه الولد راح يتعود على جلسه البيت
بس انا احس انه ولدي عاطفي..يعني اذا انكسرت العابه مثلا يجلس يبكي ومايرضى ارميها .



سار موقف قبل كم يوم ..رحنا السفارة عشان نسوي الفيزا ...
وهناك قابل اطفال مايتكلمون عربي
قالي ماما بروح العب معاهم ..قلتاله روح ..
شوي ورجع قال هما يتكلمون انجليزي انا ماافهمهم ...كيف العب معاهم
انا قالتاله ..اشرلهم بيدك وهما يفهموك ...
رد على وقال يعني اسير زي المجنون ماابغى..لمن نروح البيت علميني انجليزي " الله يحفظه ويصالحه "

انا قالتاله عشان كذا لازم نروح مدينة (... )عشان نتعلم انجليزي ونعرف نتكلم زيهم ونفهمهم...قال طيب

انا ماني عارفة كيف اتصرف معاه في اول يوم دراسي له ..اكيد بيدخل روضة وهو ماراح يفهمهم ..كيف اخليه يتاقلم معاهم بسرعة ...

انا خليت دراستي تبدا بعد 3 اسابيع من وصولنا ان شاء الله لدوله الي راحينها عشان ادرس وانا مطمنه انه اتاقلم بروضته وحبها ..فهل توقيتي مناسب او لا ..؟؟


ونقطه اخيره .. كيف افهمه لمن يسالني مثلا ليش انا مغطية وهما لا ...
ليش احنا نصلي مثلا وهما لا ...و اسئله كثير عن الاسلام ..
انا الحين لمن يشوف مثلا بالتلفزيون شي مو كويس او شاف اي تصرف اقاله احنا مسلمين وما نقدر نقلدهم لانه ربي ماراح يحبنا... و هما كفار وربي مايحبهم لانهم مايسمعون كلامه..

اخاف يكرهم .....

اسفة اذا طولت عليكم
بس اتمنى انكم تساعدوني وخصوصا الي مر بنفس تجربتي
وجزاكم الله خير

لي عوده للموضوع بأذن الله

وعليكم السلام ورحمة الله وبركاته


الله يسهل أمر سفركم يارب ,,, وبالنسبه لولدك لا تقلقين بأذن الله لكن غالباُ راح يكون أول شهر على الأقل صعب عليه جداُ بحكم أختلاف اللغه لكن الأطفال يتعلمون بسرعه ماشاء الله

أنا مثلك مغتربه في كندا لي اربع سنوات وفي البدايه عانيت مع ولدي كان عمره سنتين ونص لدرجة أني استسلمت وقلت خلاص راح اخليه يجلس عندي في البيت لكن مدرسته قالت لا ترا تصرفه طبيعي وفعلاُ بعد ماكمل الشهر صار الوضع عادي عنده وبعدها صار ماعاد يحب يفوته يوم واحد ,,, لأن عندهم أساليب لجذب الطفل رااااائعه بصراحه ومن ناحية انه ماراح يفهم لهم أكيد ماراح يفهم لكن المدرسه راح تساعده في هالشي وفي البيت انت ساعديه حطي له قناة أطفال يتعلم منها بسرعه



وبالنسبه لدراستك ووقتها اعتقد مناسبه وهذا يحدده استقراركم هناك وتأقلمكم مع الوضع

ومن ناحية الحجاب وغيره فهميه أن أحنا مسلمين وفيه اشياء احنا نسويها وهم مايسوونها والعكس صحيح لانهم مو مسلمين واتوقع راح يفهم لانه ماشاء الله كبير


الله يهون عليكم غربتكم وتقضونها على خير يارب

مشكور اختي ما تقصري والله يجزاك خير

طمنتيني ...الله يوفقك ويحميلك ابنك ياااارب

اختي ابنك ما حيروح للروضه حيدخل علطول للمدرسه بالصف التمهيدي
هذا اذا كان تغربكم لبريطانيا

و عاده يكون بلمدرسه من يساعده على التعلم فلا تقلقي

المهم تروحو وتستفادو من هذه الخبره الجديده

و احرصي على تسجيله بلمدرسه العربيه و اذا كنت سعوديه دورو على المدرسه السعوديه بلمدرينه التي تنتقلون اليها

و علميه عربي بلبيت و ما تهميلي هلناحيه

لان الطفل يتعلم اللغات بسرعه


اما
عن نفسي اولادي علطول اقول لهم

"قل يا أيها الكافرون* لا أعبد ما تعبدون* و لا أنتم عابدون ما أعبد* و لا أنا عابد ما عبدتم* و لا أنتم عابدون ما أعبد* لكم دينكم و لي دين*
يعني علاقه مبنيه على احترام الاخر

لانه هذا هو مجتمعنا لازم نحترم بعض



الهدايه من الله وصعب تقولي لطفل اصحابك يروحو للنار لانه حيروح ويقول لهم هلكلام

و ننقل صوره حسنه عن ديننا باخلاقنا

و الحمد لله اولادي مقتنعين و ماشي الحال


الله يوفقكم ويكتب لكم الخير