|
أحسن مستشفى لمتابعة الحمل بالرياض
السلام عليكم ورحمة الله وبركاته ..
الحمدلله رب العالمين الله من عليي وحملت اممم أبغى أحسن دكتورة لمتابعة الحمل بالرياض لاني كنت أراجع عند دكتورة وكانت كويسه إلا في الأونة الأخيرة أحسها ماتعطيني وجه :(يعني ماتهتم كثير بألامي ولاتنصحني:29: امممم أنا ان شاء الله ناوية أولد بالأحساء عند أهلي:17:وأبغى أحسن مستشفى للولادة فيها من تجربه أبغي مستشفى يدلعون ويتحملوني:25:مو يصرخون علي :21:ويوتروني أتمنى أشوف ردود من تجربه:28: وشكرا مقدما لكل من يرد عليي ويطيب خاطري:d |
متابعة الحمل فيالرياض عندك الجامعي
مستشفى الملك خالد الجامعي راااااائعة واهتمام ونظافة والكل يشهد لها هي أتوقع تستقبل الحمل في الطفل الأول والخامس إذا موغلطانة أفضل تتأكدي الله يولدك بالسلامة |
إذا تبغي خاص
عندك الحمادي ... دله... رعاية الرياض كل واحد أحسن من الثاني |
مشكورين عامرور والرد ماقصرتوا جزاكم الله خير بس ياليت أشوف ردود عن تجارب
أنتظركم |
انا جربت مستشقى المملكه
كويس.. |
بالنسبه للولاده انا جربت مستشفى الحرس الوطني بالاحساء عادي الولاده عندهم بفلوس
تقريبا تكلف 5000 ريال وربي العظيم دلعوني اخر دلع ويخصصون لك ممرضه على طول جالسه قبالك من تقولي اااااه تشوفيها على راسك تمسح عليه وتقول لك كلام معسول ياحبيبتي تحملي ياعمري ومن هالكلام واول ماتتم الولاده يريحوك ويعطوك عصير برتقال وتوست مع جبن عشان تتغذي تخيلي لدرجه انو هم الممرضات اللي يلبسوك ملابسك مايخلوك تتحركي من مكانك نجي للغرفه مريضتان في غرفه وحده والغرفه تكون واسعه طبعا في غرف خاصه بس بزيادة فلوووووس اي شي تحتاجينه يوفرونه لك يعني احتجتي لعصيرات يجيبونه لك غير فترات الوجبات طبعا وجباتهم لا باس بها ان شاء الله اكون افدتك وتقومين بالسلامه |
وعليكم السلاام ورحمه الله وبركاته...
لمتابعه الحمل بالرياض .. أخوااتي داايم يروحون لـ د/ منى الريس في مستوصف الشبلان ... وهي اللي تولدهم بـ مستشفى دله... من تجربتهم .. يمدحونها كثييير... ربي يسهل لك ياارب.. |
مستشفى دله انا ماشاالله جبت خمسه ماارتحت الا بمستشفى دله
|
| الساعة الآن 01:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©