منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)

- صحة المرأة (http://www.66n.com/forums/forumdisplay.php?f=107)

- - ارتفاع الرحم!! (http://www.66n.com/forums/showthread.php?t=180847)

ارتفاع الرحم!!

سلام عليكم ورحمه الله وبركاته
شخباركم يا اخواتي كلكم
عندي استفسار ياريت تساعدوني فيه
انا صار لي 9شهور وشوووي متزوجه ونفسي في بيبي امور يملي حياتي:15:
طبعا رحت الطبيب سويت تحاليل قالو لي مافيني ول بزوجي شي الحمدلله
بس اليوم رحت حق وحده تمرخ ((مساج))
وقالت لي ان الرحم عندي مرتفع واستغربت وبنفس الوقت خفت
وقالت لي اروح لها بعد مرتين
ومدري خايفه من كلامها يعني ما بكون عندي بيبي مادري فياريت الي تعرف او صار لها نفس الموضوع تقول لي شلون تعالجت وهل صار عندها عيال
ومسامحه على التتطويل:d
اشوفكم بخير

الله اعلم

ما عندي خلفيه عن الموضوع انما حبيت ادعي لك بالذريه الصالحه

وان شاء الله تبشرينا عن قريب

حبيبتي التمريخ ممتاز للحمل

انصحك تكملي عندها
انا جلست تخيلي بعد اجهاضي الثاني سنتين ونصف ما حملت بس لما مرخت حملت بعد كذا مرتين ورى بعض مرة في رمضان والحين حامل ولي شهر ونصف تقريبا

بس روحي عند وحدة مروفة

هلا فيك حبيبتي جناح الرحمه مشكلتك مثل مشكلتي أنا قالت لي الدكتوره رحمك مرتفع بس عادي مايضر وممكن

تحملين وبعدها جتني الدوره ورحت لممرخه معروفه ثاني يوم من الدوره وسبحان الله قالت مثل كلام الدكتوره بس قالت

انه يأثر على الحمل ولازم بعد الجماع تنامين على بطنك ساعه كامله وأفضل وضعيع للجماع مثل وضع السجود وكمان

اعطتني اعشاب لأن عندي مشاكل ثانيه مثل ضعف التبويض وراجعتها للتمريخ لمدة ثلاث أيام من ثاني يوم من الدوره

وقالت الدوره الجايه اذا جت لازم تجين عشان امرخك بنفس الطريقه ويرجع الرحم مكانه إن شاء الله &

أنا لي ثلاث سنوات ماحملت الله يرزقني وإياك بالذريه الصالحه وكل محروم يارب @

شكرا خواتي كلكم على المرور والدعاء
انا من البحرين مو من الرياض رحت لوحده معروفه وان شاءالله خير
وشكرا على المعلومات ماقصرتون

وعليكم السلام ورحمة الله وبركاته ...

عزيزتي والله مافي شيء اسمه ارتفاع في الرحم .. ماأدري كيف هؤلاء الممرخات يجيبوا مصطلحات وأمور وهم مايدروا عن تركيب جسم الإنسان شيء ...

إليكِ هذا الرابط للدكتورة بنت النيل ..
% ايها الزوج ,, كيف تسمح لزوجتك ان تفعل هذا ؟؟ على الاقل خاف على نفسك من الـ ...!! %

عزيزتي إلى الآن تأخر الحمل طبيعي بإذن الله ..

شوفي متى نخاف ونحس في مشكلة لو سمح الله إذا ماحصل حمل بعد سنة من الزواج بدون وجود موانع حمل وعملية الجماع مستمرة بينكم ..هنا نقول في مشكلة ..

قد تكون بسيطة مثلا ،، أيام الجماع تحصل لما تكون مافي تبويض ..
أو أن المرأة تقوم بعد العلاقة الخاصة وتشطف نفسها ..
أو يستخدموا مرطبات وملينات تقتل الحيوانات المنوية ..

أو قد تكون أكبر ..

ولذلك تحتاجوا تروحوا دكتورة نساء وولادة تستشروها ...

وربي يرزقك الذرية الطيبة الصالحة ..

شكرا اختي على المرور والله مدري شسالفه
بس الله يرزقني الذريه الصالحه وجميع المحرومات في دنيا كلها يارب