|
مين جربت غسالة المواعين؟
مرحبااااا
أخواتـــــــــــي العزيزات..... أنا فكرت أشتري غساله مواعين... لأني بصراحة المواعين هدت حيلي ...:29: لو أصلح الغدا أجتمعت مواعين الدنيا... ولا أفكر أجيب شغاله... ومستحيل راح أجلس طول عمري أستخدم صحون بلاستيك... ودائما أضطر لها وخصوصا اذا كان عندي عزيمة... أو في رمضان... المهم .. مين جربت غساله مواعين.. وأرتاحت لها وإيش ماركتها وسعرها.؟؟ وهل لها عيوب؟؟؟ أنا أعرف أن لها تمديدات خاصة وصابون خاص بس أفيدوني... |
حياك الله
أنا من المؤيدين جداُ لها لأنها تريح بصراحه ,,, لكن لها عيوب مثل مالها مزايا من عيوبها انك ماتقدرين تحطين فيها كل شي خاصه المواعين الكبيرة مثل القدر ( الحله) ,, الشي الثاني انها تستهلك ماء كثير ,,, وعلى فكره فيه منها أحجام لكن في الأخير انصحك فيها,,,, الماركه اللي عندي اسمها frigidaire ولاجربت غيرها وممتازه معي لها اربع سنوات لكن اسألي أكثر يمكن فيه ماركات ثانيه افضل منها بالتوفيق ,, اتمنى اكون افدتك ولو بالقليل |
حياك روز السعودية
اشكرك على سرعة ردك... انا سمعت ان القدور الغير استيل ماتغسلهم ... مو مشكله القدور .. الصياني ... أمرهم سهل.. عموما تتذكرين كم اشتريتيها...؟؟ |
وعليكم السلام ورحمة الله وبركاته
اختي الغاليه إن شاء الله هذي الروابط تفيدك http://www.66n.com/forums/showthread.php?t=177989 http://www.66n.com/forums/showthread.php?t=172931 |
شكرا مشرفتنا الغاليه على الروابط بس ياليت فيه تجارب أكثر
|
غسالة المواعين = غسالة الصحون أو الجلاية ؟
اذا هي نفسها انا بنصحك تشتري وحدة يكون حجمها جيدة بحيث تتسع قدر أكبر من الصحون انا اللي عندي صغيرة كتير و بتكنى تكون اكبر حتى اقدر حط فيها كل الجلي صواني البايركس كلها و الطناجر اللي عندي ماركتها Elecrolux جيدة و لكن فيها مشكلة انه غطاء المكان المخصص لوضع التابليت (مسحوق التنظيف) مكسور قطعة صغيرة منه تمنعه انه يغلق و بالتالي لازم حط مسحوق التنظيف بجانب الصحون و هذا أمر غير جيد و مكتوب في الكتالوك انه بأثر على كفاءة التنظيف و فعلا هذا اللي بيحصل... مو دائما كل الصحون بتنظف على النظام السريع رقم 3 و بالتالي لازم أحطها على نظام أطول و بيصرف أكتر حتى كل الأطباق تنظف . لذلك أنصحك دائما انه اذا شفتي الجلايات في السوق شوفي نظام اغلاق غطاء المكان المخصص لوضع المادة المنظفة (التابليت) لأني لاحظت انه المشكلة عامة ...الغريب انه كل بيوت الأجار اللي شفت فيها جلايات (3 بيوت ) كان عندها نفس المشكلة مو عارفة شو اسم التابليت بالعربي لكن هذه صورتها http://www.finish.co.uk/images/home_coltwo_tablet.png |
مشكوروروروروروروره حبيبتي ماريا 13
نفسها هي غساله المواعين هي غساله الصحون هي الجلايه.... عموما مشكورة مرة ثانيه على المعلومات من جد والله استفدت... أسعدني مرورك |
مرحبا عزيزتي حرم,,,
بصراحه انا من المؤيدات جدا وبعنف وبألم وبحده وبشده لغسالات الصحون الدش ووشر بصراحه مريحه وتنفع للعجازات اللي زيي انا بصراحه احط فيها كل شي وتغسل زين الحمدلله بس عندي مشكله البرطمانات او الحافظات لانها بلاستيك ماتنفع تغسلها لان الحراره تعدمها وزي ماقلت لك انا عجازه وتفلسفت حطيت فيها حافظة الشوربه برمضان وصارت ماتتغطى زين الغطا تعفط شوي انا استعملت شرؤكتين بحكم انتقالي من شقه لاخرى بس للاسف الاولى ماعرف اسمها ومره ممتازه كانت وحجمها مررررررره حلو والان اللي استخدمها شركتها hotpoint وبرضو حجمها جدا مناسب لي وتشيا القدور والطناجر والخناجر ,,,, الخ اتمنى تكون استوعبتي من كلامي المخربط |
حياك رمانه
أنا خليني بس اشتريها ... ماراح احط فيها حافظات... تكفي للصحون.. البيالات... الكاسات ...الفناجيل... الملاعق السكاكين يااختي مطبخي فوضى:29: والسبب المواعين روحي زوري الناس اللي سكنوا في شقتك الاولى والطشي اسم الغساله وعلميني لاني بحوله وقوته شاريتها شاريتها:30: |
اختي الكريمة
انا غسالتي وايت وايل كوري صغيرة ماركتها كتييييييييير حلوة بس اول ما ركبتها كان فيها عيب صناعة وعلي طول المختص جه صلحها طبعا بالضمان بتاعها وبتنضف المواعين رووووعة بحط فيها الكبايات والأطباق والمعالق والشوك والسكاكين والاواني الاستيل اللي حجمها مناسب والبيركس والكبة بصراحة مريحة جدا بس انا مش بستعملها غير وقت الضرورة لما الاقي مواعين كتير قوي الغسالة بتحتاج مسحوق وملح وزيت مخصوصين ليها انا بريح نفسي من كل ده وبشتري مسحوق فينيش ( اقراص ) بتحتوي علي الزيت والملح وبصراحه من يوم ما استعملت الاقراص دي والمواعين مفيش انضف من كده واللمعان تحفة سعر الغسالة الصغيرة بتاعتي حوالي 1750 جنيه مش عارفة زادت عن كده ولا لأ والمسحوق الاقراص علبة فيها 15 قرص بحوالي 33 جنيه انا علشان غسالتي صعيرة بستعمل في الغسلة نص قرص نصيحتي لكي لو عيلتك كبيرة واطباقك كتيرة هاتي غسالة حجم كبير ونسيت اقولك انها غسالتي فيها نظام تعقيم اضافي واي سؤال انا موجودة يا عسل |
| الساعة الآن 01:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©