|
شاركوني**حلمي الوردي بزوجي او بزوجتي هكذا
نحن يا أخوتي هنا ومن على منبرنا منبر عالم الحياه الزوجيه
بنطرح موضوع يخصنا نحن المقبلين على الزواج وحتى المتزوجين يخبرون باللي لقيوة نفس اللي يتمنونه ولا لا كل منا يحلم برفيق دربه مواصفاته وش يتمنى منه وش يتمنى يلقى عنده ودايم هالاحلام الورديه تداعب طيوفنا قبل المنااااااام وننام عاده وحنا مبتسمين على اطياف حبيب الروح انا ابي مشاركات الكل وكل واحد يعطينا وش تمنى في رفيق دربه انه يكون او انه ما يكون واحب ان أبدا بروحي اخوكم روحي كان يحلم أن الله يرزقه بنت حلال تفهمه ويفهمها ويلقى عندها الصدر الحنون كل ما احتاجها يتمنى انها تستقبله كل ما جا تعبان من الدوام بأبتسامه تعلو محياها بالنسبه لامور الدنيا ما تهم من مشاغل ولا شي اخر كان يتمنى يمرض نعم يمرض ويلقاها جالسه على راسه تبكي وتاخذ يدينه باطراف اناملها يتمنى يشوفها مع اولاده باذن الله تجري وتلعب معهم بروح الفتاه يتمنى يلقاهم موجودين عنده طول الوقت ما يغيبون عنه لحظه يتمنى انه تعامله كرجل بقلب طفل نعم نعم كل القلوب اطفال احبابي واخواني واخواتي كل منا له حلمه الخاص انا حبيت اطرح الموضوع اللي هو موضوعكم وردودكم هي لب الموضوع الا هي الموضوع والرجاء من الجميع المشاركه حتى المتزوجات والمتزوجين الرجاء المشاركه باحلامهم وش كانت وش وجدول في الواقع اراكم على خير اخوكم روووحي |
اهلين روحي ..............
للامانه موضوع مميز جدا وكم من احلام تهدمت على ارض الواقع لكننا نسأل الله ان يديم المحبة والسرور الحقيقة كنت وما زلت احلم بفتاة حنون تحكم عقلها مو بس قلبها لها ساعة ساعة مرة طفلة ومرة ام طبعا اكيد جميلة ورمانسية ودمها خفيف وطبعا تحبني واحبها واشياء اخرى ما تفيد احد هنا اتمنى من الكل المشاركة وخصوصا المتزوجين وهل الاحلام ممكن تكون عقبة بعد الزواج يعني نرسم شئ ونصتدم بواقع اخر تحياتي |
اهلا ro7ee
احب ان اقول لك ان حلمي هو نفس حلمك بالضبط لكني الان في مرحلة تكسره على ارض الواقع لم اعانيه مع خطيبتي |
أخي الكريم f3f3
والله شي وقعي الواحد يحلم باللي حلمته لأنه هاجس كل المقبلين عل الزواج أتمنى أنك تصدم بواقع أجمل من اللي حلمت فيه اللهم أمين اخوك روووحي |
tratak
أخوي الله يرضى عليك أتمنى اللي يكون بينك وبينها مجرد اختلاف لوجهات النظر وتردون لبعض على احسن ما يكون وان شالله تكون بدايه لبناء اسرة بأذن الله فيها الخير ولا أخفيكم أخواني تمنياتي في سماع ردود كتابي المفضلين الذين اعجب بردودهم بنت الموج rain drop شعله نشاط واختي ميما وأختي ام انس ولجين واعتذر ممن سقطو سهوا من مخيلتي اريد ان اسمع احدا يقول تمنيت حياه هانئه بسيطه لكن الواقع انني اعيش حلما لا ينتهي اخووووكم رووووحي |
بصراحة انا اللي اتمناه جاني
خطيب حبوب وزي العسل فاهمني وفاهمته وغير كذا ما يشوف غيري ولا اشوف غيره يخاف علي ويحبني ما ابغى غير كذا |
| الساعة الآن 06:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©