|
أم زوجي أحبها لانها انجبته و لكنها لا تحبني !!
مساء الخير كيفكم اخواني .. كيف حالكم ؟؟!! انا بنت متزوجه من كم سنه بس اعاني من مشكله جداااا مكرهتني في حياتي المشكله هي اني احب ام زوجي بس هي لاء ماتحبني !! ولاعمري قعدت وياها ولاصار موقف وياها ولاشي لانها مقاطعتني .. اني احبها من سوالف ابنها عنها .. واحبها لانها جابت للي زوجي العزيز وابوو ولدي وودي اتقرب منهاااااااا واخليها تحبني .. بس والله تعبت ومادري شلون ! انا حاليا مسافره مع زوجيي للدراسه , وماقدر اروح لها البيت . بس اقدر اتصل فيها بس وربي اخاف :29: وودي اكسب بيت اهل زووجي واحبهم ويحبوني واخليهم يتواصلون ويانا بس مادري شسوي شنو رايكم انتو ! |
طيب حبيبتي ما سبب المقاطعة؟؟
|
مرحبا .......
ماشاء الله عليك .....اعجبتيني بس لية ماتحبك ؟؟؟ لاتقاطعينها ....احرصي على الاسلوب الحلو معها .....بين فترة وفترة عطيها هدايا وضعك كيف ساكنة معهم ؟؟؟؟؟ والدتة كبيرة بالسن ؟؟؟ تزوجك زوجك بدون رضاها ؟؟؟ كم عدد خواتة ؟؟؟وكم اعمارهم ؟؟؟ اذا رديتي على اسئلتي راح افيدك بحكم خبرتي ...... تقبلي مروري ...... |
شكرا على الردود .
بالنسبه لمقاطعتها ليي ,, لانهاا ماكانت راضيه عني يوم ياخدني ولدها بس لية ماتحبك ؟؟؟ ماتحبني لانها ماكانت تبيني لاتقاطعينها ....احرصي على الاسلوب الحلو معها .....بين فترة وفترة عطيها هدايا وانا احرص على اسلوبي الحلو وياها بس ماكو فايده وضعك كيف ساكنة معهم ؟؟؟؟؟ لاااا في شقه منفصله والدتة كبيرة بالسن ؟؟؟ عمرها في ال40 تزوجك زوجك بدون رضاها ؟؟؟ ماكانت تبيني كم عدد خواتة ؟؟؟وكم اعمارهم ؟؟؟ خواته 2 ,, وحده في الابتدائي والثانيه في الثنوي |
اهلين
حلو والدتة صغيرة في السن يعني تقدرين انك تكسبنها ....خليك عادية جدا لاتحسسينها انك عارفة انها ماتبغاك ..... اوصلي لقلبها عن طريق بناتها ...صغار واكيد الهدايا يموووووووتون فيها لاتقصرين بين فترة والثانية اعزميها وبناتها عندك بالبيت لحالهم اطبخي الاشياء اللي تحبها .... اعزميها هي واحد تحبة مثل خواتها صديقاتها..... اطلعي انت وياها تغدوا اوتعشوا برا ........ كيف علاقتها بام زوجها سواء كانت عايشة او متوفية يمكن تكون معانية من ام زوجها وطبقت هالشي فيك ...... نصيحة .....زوجك ماطاع امة وتزوجك .......يعني اختارك من بين ملايين البنات قلبك وعمرك عطية هدية........واهلة احشميهم قد ماتقدري |
اهلين عزيزتي,,,
انا بصراحه عجبني رد اختي كنافه ,,, وهذا رايي بعد الام تقدري تكسبيها من البنات لانهم صغار وسهل مررررررررررررره تكسبيهم خاصه اللي بالثانوي خلك قريبه منها لانها تحتاج احد تفضفضله بحكم ان الثانيه اصغر منها بس مو تخليها تتجرأ معك بزياده يعني بحدود معقوله والام الله ماكثر عندنا بالخليج الا الدهون والبخور والعود والشغلات الروعه هذه بين فتره والثانيه خذيلها شغلات حلوه قوليلها شفته بالسوق وماعزيته عنك او بيطلع يجنن عليكِ,,, يعني كذا كيف الجمل بس تحسيني اتفرج مسلسلات مدبلجه كثير هههههههههههههههههههههه وانا والله بعد شايله هم ام زوجي وخواته لا رديت للديره بس انا خواته متزوجات يعني فاهمات مو سهل اكسبهم الله يعيننا ان شاء الله جميع وآسفه حبيبتي على الاطاله |
الله يعينك اختي ضلك حاولي معها وكتر الدق بلين الحديد
الله يوفقك |
ربما والدة زوجكِ كانت لها وجهة نظر ما مما دفعها لعدم القبول بكِ في البداية .. ولكن ابنها اختاركِ في النهاية وأرى أنكِ يجب أن تثبتي لها أن وجهة نظرها كانت خاطئة وأن اختيار ابنها صحيح وصائب ... لذلك فإن حسن أخلاقكِ وطيب معاملتكِ سيجعلانها تعيد حساباتها دون شك.
يا أختي اعملي بأصلك الطيب .... وبإذن الله لن يضيع عملكِ. وحتى إن لم تتمكني من تغيير وجهة نظرها عنكِ ومشاعرها تجاهكِ .. فعلى الأقل ستظلين كبيرة في عين زوجكِ لأنكِ لم تقصري في حق والدته رغم كل شيء. |
| الساعة الآن 09:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©