|
حاملة هم الروضة اللي مروا بالتجربة رجاء يفيدوني
السلام عليكم ورحمة الله وبركاته .... طبعا الروضة كاي مرحلة جدييييدة يقبل عليها الطفل ...ليها مخاوفها عند الام وخصوصا اذا كان الطفل طفل وحييييد مثل ولدي الله يخليه .... ولدي عمرة خمس سنوات وادري بتقولون ليش متاخرة لهالوقت علشان تودينة الروضة بس راح اقولكم صار عندنا ظروف ولا صاار الا هالوقت انا حاااملة هموم مايعلم فيها الا ربي ... خصوصا واني حامل وهذا شهري ووقت ولادتي تقريبا هو نفس وقت مداومتة في الروضة ان شاء الله ...يعني بتصير عدة تغييرات في حياتة ووخايفة يكون عندة صدمة ولا شئ ... اولا هو متعود يكون لحالة في البيت وراح يجي طفل جديييد متعود يكون جنبي دائما انا وابوه والحين راح يداوم في الروضة وراح يكونو اللي فيها غرباء عليه ... بالاضافة الا انه في نفس الوقت راح تكون لهه غرفة لحالة يعني راح نفصلة عنا وراح يكون فيه طفل جدييييد .... حاملة هم الروضة يياترى كيف راح يتصرف هل راح يكون انطوائي ... اسمع كثيييير عن اطفال اشقياء يتترى راح يجي كل يوم ويقول ماما انضربت هو معنا ماشاء الله يعرف ياخذ حقة بس الصراحة مادري ليش في الفترة الاخيييرة اشوفة مايححب كثييير يندمج مع الاطفال مع انه يوم كان اصغر كان يندمج معهم اكثر ...ويااترى اذا بغى يروح (دورة المياة )الله يكرمكم ولدي من النوع اللي مايرضى احد يباشرة غيري يعني حتى خالاتة مايطلب منهم شئ يخصة دائما انا ... راح اكون في بيت اهلي لما تكون ايامة الاولى في الروضة وهو محتاج اكيييد امه تروح معاه علشان يالف الجو شوي وانا راح اكون توني والدة ياااااربي ايش اسوي ابي اكون معاه في اول ايامه للروضة انا اكييييد الوحيدة اللي راح تفهم له وتزيل شوي من التوتر والوحدة اللي راح يحس فيها في اول ايامة الاولى في الروضة وخصوصا وان لاول مررررة يبتعد عنا انا وابوه ويكون في مكان مو موجوديييين فيه.... اختي تقول لي ماعليك ولدك معروووف من صغرة اننه يعرف يدافع عن حقة ...واذا على الاندماج فالاطفال يندمجون مع بعضهم بسرعة مو زي الكبار يعني انا ممكبرة الموضووع ... بس انا كاتمة في صدري ولا اقول لهم اني الاحظ عليه مايحب صحبة الاطفال اصلا هالايام مادري ليش صايرين عندة شئ غريب وكانه يعرف يندمج مع الكبار اسرع من الصغار ... ودائما اسال نفسي هل هي فترة وبتمر ولا ايش ...ياااااربي تعبت من التفكير والله العظيييييم ...خايفة عليييه مررررة ارجوكم افيدوووني ياصاحبات التجربة .... |
أحب أتكلم لك عن ابن أخي
الله يخليه تقريبا حالته مثل حالة ابنك الحل الذي استخدمناه معه هو "الحدبث" الحديث عن كل ماسيجري له بكرة نسجلك في المدرسة فيها اولاد مثلك وألعاب وكرة قدم000000000الخ ماما في بطنها نونو صغير اذا راح تحبه وتلعب معه0000الخ واذا وافقت ولادتك دراسة ابنك وضحي له هذا الشي وممكن خالته تروح معه أقرب وحده لقلبه أو من يختار واذا رفض راح يدرس السنة الجاية في المدرسة مع ابوه والعوض من رب العلمين |
اختي
ابنك ما راح للحضانه من قبل ؟؟ انا ارى ان ذهابه للمدرسه مفيد للجميع انه يكون مشغول عنكم و حتى تتفرغي له من يرجع للمدرسه و ما يشعر ان البيبي اخذك منه الله يقومك بالسلامه نقطه اخيره الاهل بكثره ترددهم و قلقهم يعقدون اطفالهم خليك طبيعيه و لا تحملين الموضوع اكثر من حجمه ابنك كبر و متهئ يروح للمدرسه انت الي مكبره الموضوع بعمر ابنك يروحون لاول ابتدائي في كثير من الدول و الي تتاخر تجيها انذار من الدوله و ممكن يقاضوها |
هلا اختي ... طبيعي انه اول الايام بيصيح وماراح يتقبل الروضه ... لكن لازم تتركيه يوم يومين ممكن اسبوع وبعدين راح يرضخ للامر الواقع ويندمج ... اصلا الروضه بتتطلب منك انه مايشوفك ... لان الطفل كل ماشاف امه بيزيد بالدلع وبيرفض الروضه ...وكل ماتركتيه بيتقبل الروضه اكثر لان ماله خيار ثاني...
اذكر بنتي الله يخليها كنت اوديها ويدخلونها الفصل بالغصب وهي تصارخ ماتبي لاصقه فيني بشده ... وبعد ماتدخل الفصل اروح اشوفها من الشباك القاها تلعب ومبسوطه ... وبس ترجع تشوفني تقلبها مناحه وتصرخ ابي ماما ... واول اسبوع كانت كل يوم الصبح تبكي عشان ماتروح واللحين الحمدلله تغير الحال وصارت تصيح اذا ماراحت ... اما سالفة انه ينتقل غرفه لحاله فهذا الموضوع متاخر جدا والمفروض انك فصلتيه من زمان ... ومع كذا انا اشوف ان التوقيت ابدا مومناسب اللحين لفصله ... لانه بيفكر انكم فصلتوه عشان اخوه الجديد يااخذ مكانه ...فانا اقول تريثي بالغرفه شوي ولاتستعجلي ... |
مسألة الانطواء ايوا يااختي هي فتره وتمر انشاء الله انا بنتي كانت انطوائيه يوم كنت حامل بالثانيه وهذا كله بسبب المولود الجديد اللي راح يجي والروضه بتساعده كتير في اجتياز هذي المرحله وبيكفي تتواجدين اسبوع معه في الروضه واذا مابتقدري ابوه يتواجد معه وبعد كذا راح تلاحظين انه تعود عالوضع وكل شي بيصير تمام والمدرسات اكيد بيساعدوه على الحمام اذا وصيتيهم عليه ولاتخافين من هذي الناحيه انا يوم اخذت بنتي الروضه كان فيه اطفال يصارخون حتى الجنون بس ماياخذ اكتر من ثلاث ايام الا واجتازوا هذي المرحله وصار الشي عادي
|
| الساعة الآن 03:20 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©