اريد افكار لاستقبال زوجي
 

انا من رايى انك تبداى من دلوقتى اول حاجة غيرى نظام الشقة مثلا علشان يرجع يتفاجىء بحاجة جديدة اول ما يدخل و عطرى الشقة كلها بمعطر جو ريحته رقيقة بس دى اخر حاجة تعمليها قبل ما يدخل بوقت بسيط علشان يفضل الريحة موجودة واعملى لنفسك نيو لوك واستقبليه بحاجة جديدة وماكياج خفيف يكون الوانه مناسبة للبسك واول ما يدخل لازم يظهر عليكى انه كان وحشك جدا واجرى عليه بابتسامة رقيقة وفرحة كبيرة جدا برجوعه واحضنيه وبوسيه من خده وقوليله وحشتنى
وبعد كدة تخليه يغير هدومه ويدخل ياخد دش وطبعا هتكونى محضراله الحمام زى ما قالت الاخت om mody وبعدين اذا ما كنش فطر تحضرى الفطار بسرعة بحيث انه يخرج من الحمام تكونى انتى مخلصاه وتحطيله وردة امامه اول ما يقعد علشان يفطر وبعد ما يفطر حطيله هدية فى مكان مناسب او انتى قدميهاله بطريقة حلوة ودمها خفيف وبس ويا رب يعجبه وينبسط