|
هل أنا عانس
السلام عليكم ورحمة الله وبركاته
ماأدري من فين أبداء لكن ابي اقول شي بخاطر ي وتحملو لخبطتي في الكلام لان حالتي النفسيه موش ولابد عمري 23وبدخل 24سنه قريب انا عانس؟ اناأشوف اني صغيره لكن الي حولي أحس بنضراتهم اني عانس ومتاخره عن الزواج لمن كان عمري 15سنه خطبتني زوجة عمي الولدها وقالت لامي انها تبغاني الولدهااتقول ابغها لولدي اليين ميتوضف ونجي انملك على طول امي وافقت مرت السنيين وهم ساكتين ماتكلمو طبعا أنا ماكنت أدري أنها خطبتني لان أمي ماكانت اتعلمني وصل عمري 20سنه وصار ايخطبوني الناس لكن مادري منو الي يرفض هل هم أهلي والا هم الي يتراجعون في الاخير لان اهلي ماكانو ايعلموني الابلئخير ولدعمي توضف ووصل عمري22سنه ابوي الله ايحفظه ويهديه كلمهم وقالو انو الولد مايبي زواااج ( وصل عمره للثلاثيين ومايبي يتزوج :() هو ماكان أيهمني ولاشي ولا انقهرت كان موقفي جدا عاادي كنت أقول هدا نصيبي وراضيه بلي انا فيه لكن الناس ماترحم ولاتخلي حد بحاله صرت معد أجلس مع أحد بسبب نضراتهم اني متاخره عن الزوج واني غير مرغوبه ومالي مكان في المجتمع لاني بنت مومتزوجه مع أني أنسانه أجتاعيه وأحب مخالطة الناس حتى أهلي احس بنضراتهم نضرات الرحمه لاني متاخره عن الزواج حتى احيانن أخوي ايوضحلي أيقول ترى الزوج مسؤليه وياما ناس تعيسين بزواجهم وناس مومتزوجين ومبسوطين أنا ماشكيت لهم ولااصلا كنت افكر بشي أسمه زواج كنت أقول الي الله كاتبو حيصير لكن الناس ماادري كيف عقليتهم وتفكيرهم كله على الزواج عاد ليتهم يتكلمو عن الشباب الي ماتزوجو لا يتكلمو عن البنات احنا موبيئيدنا شي لانقدر نخطب ولانقدر انسوي شي معد لي مكان في هدا المجتمع حتى لوبروح المكان انتي بنت مايصلح اتروحي الحالك لازم معك وحده متزوجه اببي اتلكم عن اي شي يتعلق بئمور الزواج انتي مومتزوجه ايش دريك انتي طيب هدا رايي وابغى أقول رايي مثل غيري معد عندي ثقه بنفس والسبب كلامهم ونضراتهم انتو الحين اتقولين ايش علينا فيك ارضي بنصيبك انا والله راضيه الي الله كاتبه حيصير بتقولي طنشي الكلام الي ايجيك انا انسانه حساسه واي كلمه تجرحني أبكي على طول هدفي هناء أبغى أرجع ثقتي بنفسي أابغى أصير مثل غيري لهم الحريه في كل شي طبعا بحدود أبغى أصير لي مكانه في المجتمع واصير مهمه مثل المتزوجات قولولي كييف ؟ الاشراف / عذرا تم تعديل العنوان لـ يتناسب مع تعليمات الكتابه بالمنتدى .. بالتوفيق,, |
عليكم السلام ورحمة الله وبركاته
عزيزتي ريم .. وفقك الله تأكدي بأن نحن من نصنع ذواتنا ونظرتنا لأنفسنا وتعاملنا مع الآخرين فالثقة منشأها الذات وليس الآخرين من يصنعها لكِ لذلك ليس هناك مسؤول عنها إلا أنتِ ستصبح كيفما اردتيها فما زلت مقبلة على الحياة ولاتجعلي الأفكار وبعض العادات البالية تسيطر عليك وتفقدك الحياة السعيدة الناجحة اجتماعياً وعملياً وحتى داخلياً في نفسك اسعدكِ الله ووفقكِ أين ماكنتِ .. |
غاليــة
الله يجزاكِ خير انا كنت عندي ثقه بنفس كنت كثيرة الكلام على قولة امي ثرثاره كنت مرحه مرجووجه على قوله امي الله يحفظها اما الان صرت أحب العزله عن الناس وأحياننا أحس ترجعلي ثقتي واحياننا لا اسرح كثير وكل شوي أقوم ماأجلس كثير حتى كلامي صاير قليل حتى احياننا اتلعثم ماكنت زي كدا الان كل ماأطور من نفسي أقول لوأني متزوجه يمديني زي أول وأفضل صار كل تفكيري أني اتزواج وأتخلص من نضراتهم وأصير مثلهم كل هدا بسبب الي حولي هم الي غيروني لاني حسيت اني بنت غير مرغوبه ومحبوبه عند أحد |
[CENTER]
وعليكم السلام ورحمة الله وبركاته اختي ريم اذا كان عمرك 23 سنة وتتكلمي عن العنوسة وان موضوعك هذا مكانه الانسب هو قسم العوانس فا أي قسم ستختارين عندما تبلغي الثلاثين ولم يقدر الله لكِ الزواج ؟؟ اختي الكريمة انتي بحاجة الى الثقة بالنفس اولا وبحالتك النفسية وما مررتي به من ظروف ويكفي منك انكِ طلبتي المساعدة وهي بكلامك هنا اقتباس:
مازلتي انتي بمقتبل العمر والعنوسة باب لا يطرقه طارقة الا بعد سن الثلاثين.. في الاغلب قد يفتح له وقد تخطفه يد النصيب قبل الولوج مع ذلك الباب -وهو نصيب من عند الله-فعليك بالصبر وسعة الصدر والنظر الى المستقبل بمنظار اخر والقبول بحكم الله بكل انواعه ومقاديرة حيث أن الله جعل الرضا بالقضاء والقدر من اساس بناء هذا الدين حيث اننا عندما نرضا ونقتنع بحكم الله بقضائة وقدرة نكون قد سلمنا امرنا لله فننعم بالرحة بعد القبول والرزق بعد الحرمان والسعادة بعد الهم ابعده الله عنا وعن الجميع اتمنى لك التوفيق والسعادة |
اللهم امين
ويجزاك خير أخي العابر ماقصرت |
يا ريم ياحياتي الله يوفقك ويسعدك وطولي بالك على الناس لانه مايعجبهم العجب
وبعدين ما شاء الله عليك صغيييييييييره حرااااااااااااااام تقولي عانس حاولي تشغلي وقتك بأي شي يفيدك أعطيك مثال بسيط بنت أختي بدأت في حفظ الكلمات الانجليزية في البيت كتابة ونطقا بدون معهد ولا شي فقط اشترت كتب من المكتبة تفيد في هذا الموضوع والان ذهبت لمعهد وعملت اختبار وطلعت في المستوى السادس ما شاء الله عليها أو حاولي تعملي طبخات روعه اهم شي اشغلي وقتك ودائما ادعي الله الكريم ان يرزقك الزوج الصالح الي يسعدك أتمنى لك التوفيق أختك سديم السماء |
من قال لك إنك عانس؟
العانس من تجاوزت سن الثلاثين أما أنت فأنت في عز الطلب فكل شاب يتمنى زوجته في سنك وعليك بصاحب الدين والخلق النبيل وأكثري من الدعاء والاستغفار وربي يوفقك ويستر عليك |
نقل إلى مكانه المناسب ..
وفقكم الله . |
السلام عليـكم ورحمة الله وبركاته
الله أكبر عليهم .. أختي كيف يناظرونك كذا سنك صغير وجالسة اقول في نفسي يا الله البنت صغيرة كيف تحس انها عانس ويوم قريت قصتك ماعرف أتكلم .. ماعرفت أرد .. حسبي الله ونعم الوكيل على الناس الله حسيب ورقيب على أفعالهم هل كان في زمن الحبيب عليه الصلاة والسلام هالشي ! بالعكس يا أختي , غيري هالفكرة كليـــــــــاً وفكري إنك لازلتي صغيرة السن ومرغوبة وحاولي دايماً تكررين على نفسك الاشياء اللي تميزك عن باقي البنات ومواهبك وفنونك وروحك والأشياء اللي تجذب الرجل عشان يخطبك سبحان الله يا أختي كل تأخيرة فيها خيرة واصلاً هذا مو تأخير .. لا تضيعين وقتك في التفكير في زوج بل استغلي الوقت الحين في الإستعداد لهذا الزوج الذي بإذنـــــــــــــــــ الله ( وثقي تماماً في الله ) بإذنـــــــ الله سيأتيك ويحملك من هذا الجو إلى جو الحب والعفاف والذرية الصالحة إن شاء الله وخذي عندك فكرة حبيبتي , إنه حتى لو تقدم بك العمر أكثر لـربما ليس نصيبك في الأرض .. ليس في هذه الدنيا الفانية بل ربما في جنات النعيم .. فلا تحزني ولا تفقدي روحك الجميلة بسبب نظرات عيون لا ترحم وسبحان الله لعله يأتي نصيبك ويتقدم لك شاب ولكن ليس ذو دين ولا أخلاق أو ربما تحدث مشكلات لا تدرين يا أختي ماذا يخبئ لكِ الله من قرة عين فاضبري فالصبر مفتـــــــــــاح " الفرج " الفرج الفرج الفرج وبشـر الصابريـــــــــــن الله يسهلها عليك .. غص قلبي عليك وعلى الظلم اللي صابك .. الله معاك يا أختي لا تخافي |
وعليكم السلام ورحمة الله وبركاته
هلافيك ريومة انااكبر منك بسنة ومطلقة مرتين وليس لي سبب وأقول : الحمدلله على كل حال والله ياريم ان سمعتي الحمدلله والشكر وأن امس خطبتني وحدة لولدها شاب ع 34 وماتزوج اصبري ياوخيتي وغير رزقك ماتخوش وسعي صدرك ثقتك بترجع لنفسك توك على الهم احمدي ربك ماعانيت مثلي تزوجت واحد مريض معه ضعف وخلاني اربع شهور عشان الناس ماتقول شيء ليش طلاقها وتركني سنة عنداهلي ورفض يتعالج وكنت متقبلة الوضع بس بعدها طلقني احمدي ربك رجعت خذت اللثانوية ونجحت بامتياز ودخلت كلية وخطبني متزوج ووافقت وجلست معه فترة بسيطة 3 ياام بس وطلقني وانامالي ذنب طلقني برسالة واناكنت عروس زايرة اهلي بالعكس باين عليك من اسلوبك أنك فاهمة وواعية للحياة نصيحة طنشي بس وامشي لاتلتفيتنن لاحد طيعي ربك وصلي فرضك وبرباهلك وان شاءالله زوجك يدور عليك خليك متفائلة خذي مثلي دورة حاسب الي وسعي صدرك وانبسطي وعيشي حياتك ادخلي دورة تحفيظ قران وفليها وربك يحلها والزمي الاستغفار الحمدلله انتي في عزشبابك والله يوفقك ويرزقك باللي يستاهلك وغداأجمل باذن الله بس الدنيايلبيها صبر غيري من شكلك اهتمي بنفسك استخدمي النت بشيء ينفعك مارسي هواياتك اقراي استفيدي نمي مواهبك سامحيني قسيت عليك الله يسعدك ياكريم وابتسمي والله يوفقك |
| الساعة الآن 11:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©