منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   زوجي عندما اخبرته اني احبه و افتقده و احتاجه تضايق (http://www.66n.com/forums/showthread.php?t=182442)

^أميرة بكلمتي^ 02-03-2009 08:49 PM

زوجي عندما اخبرته اني احبه و افتقده و احتاجه تضايق
 

السلام عليكم

ما ادري تذكروني او لا ... المهم انا زوجي انتقل مكان عمله الى مدينه ثانيه

وانا قاعده في بيت اهلي .. وهو يجي خميس وجمعه واروح معاه

واموري معاه ولله الحمد ماشيه ... لاني ماصرت ادقق .. وتركت شوي الحساسيه الزايده

واللي يصبر ينال

اخذ اجازه من الدوام وسافرنا .. وماقصر معاي ابداااا

رجع لدوامه ورجعت انا لتعبي

احس اني افقده كثير ... ودي اكلمه كل دقيقه ... بس احس كذا بيمل مني ...

فصرت انتظره لحد ما يتصل واذا تأخر اتصلت اناااا

(( ما اقدر اروح معاه لظروف معينه ))
عشان محد يقول لي هالحل :22:

المهم امس كلمته وقلتله اني شفتك ماكلمتني قلت اتطمن عليك وضحكت وكل شي تمام... وكان عنده رجال

بعد ماسكرت ارسل لي رساله حلوووه

لما صار بالليل واهلي ناموا

حسيت اني متضايقه ومشتاقتله

اتصلت وكان بينام

وواضح من صوتي اني متضايقه وفيه عبره بصدري

بوسط الكلام قلتله فاقدتك.. وبكيت

قال لاعاد لاتسوين فلم هندي ... لاتضيقين صدري قبل اناااام

قلبت الدمعه ضحكه وفعلا غيرت الجو..

وسكرنااااا ... بس انا كنت ودي افضفض

ارسلتله رساله شوق .. وكتبت كل شي بقلبي

كانت حلوه كثيره

اكيد طبعا قراها لما صحى للدوام

مارد عليها وما اتصل علي .............

ما ادري ليه... مع انه انسان يعبر عن مشاعره وفيه شوية رومانسيه ...

بس ما ادري ما يحب اقول اني افقدك ... او اتضايق لفراقه ...

عفواً تم تعديل العنوان ليتضح المضمون
الإشراف

الفهدي25 02-03-2009 09:05 PM

اختي الكريمة

نعم معقولة

لأن هذه الكلمات مؤلمة نوعا ما .. وتشعر زوجك بتأنيب الضمير

وعندما لا يرد عليك معناها انه لا يريد قرائة او سماع المزيد من هذه الكلمات التي تضيق الصدر

يبين ذلك ان الزوج دائما يفكر فيك ومتضايق جدا من الوضع الذي هو فيه .. ولا يريد سماع الكلمات التي تضيق صدره .. يريد فقط الاستمتاع ..

لان مجرد التعبير عن شعورك بهذه الطريقة كأنك تحملين زوجك ثقل على الثقل الذي هو حامله


وكأنك تقولي له لقد سئمت هذه الحياة .. وهو يريد منك الصبر

هو الآن مسكين يعاني في مكان عمله .وباين انه دايم يفكر بكم وباين انه شديد الحساسية في هذا الموضوع.

هل تعملين ان الرجل عندما يكون في العمل يشعر كأن جزء من جسمه موجود في المكان الي انتي عايشة فيه .. لانك اهله ووطنه وداره ومصدر راحته

فى لما يتصل عليك .. بوده يستأنس معاك .. ماوده يسمع كلام يضيق صدره ويحسسه بطريقة غير مباشرة ان هو السبب في ذلك ..

حاولي تستمري بطريقتك الضحك وكل شي والامور طيبة .. واكتفي بقول اشتقت لك مع ابتسامة حلوة

وقوليله ماعليه كلها كم يوم وتجي عندنا :) .. وشوفي كيف راح يتغير

تحياتي

دلوعة..حسين 02-03-2009 09:05 PM

وعليكم السلام ورحمة الله وبركاته...
لا تحزني عزيزتي يبدو أن زوجك يتعذب لفراقك أيضا ولهذا يضيق صدره عندما تبكين وتبثين له أشواقك...
فالرجل غير المرأة فهو لا يتكلم ويعبر عن ضيقه بكلمات...بل ترينه يصمت ويبقى لوحده...
والدليل أنه قال (لا تضيقين صدري قبل لا أنام)...أي أن بكائك يضايقه ويحزنه...
ويبدو أنه يحس بالذنب لابتعاده عنك وتركك في منزل أهلك...
صدقيني زوجك يحبك ويحن إليك وهذا سبب صمته...
جمعك الله بزوجك عاجلا غير آجل...
تحياتي..

أم داليا 02-03-2009 09:20 PM

الرجل يحزن أكثر منك
ويحتاجك أكثر
بس تضايق من شان تمشي الامور ولا تزيدي الاحزان
فهمت؟

أميرات 02-03-2009 09:26 PM

اقتباس:

المشاركة الأصلية كتبت بواسطة الفهدي25 (المشاركة 2103627)
اختي الكريمة

نعم معقولة

لأن هذه الكلمات مؤلمة نوعا ما .. وتشعر زوجك بتأنيب الضمير

وعندما لا يرد عليك معناها انه لا يريد قرائة او سماع المزيد من هذه الكلمات التي تضيق الصدر

يبين ذلك ان الزوج دائما يفكر فيك ومتضايق جدا من الوضع الذي هو فيه .. ولا يريد سماع الكلمات التي تضيق صدره .. يريد فقط الاستمتاع ..

لان مجرد التعبير عن شعورك بهذه الطريقة كأنك تحملين زوجك ثقل على الثقل الذي هو حامله


وكأنك تقولي له لقد سئمت هذه الحياة .. وهو يريد منك الصبر

هو الآن مسكين يعاني في مكان عمله .وباين انه دايم يفكر بكم وباين انه شديد الحساسية في هذا الموضوع.

هل تعملين ان الرجل عندما يكون في العمل يشعر كأن جزء من جسمه موجود في المكان الي انتي عايشة فيه .. لانك اهله ووطنه وداره ومصدر راحته

فى لما يتصل عليك .. بوده يستأنس معاك .. ماوده يسمع كلام يضيق صدره ويحسسه بطريقة غير مباشرة ان هو السبب في ذلك ..

حاولي تستمري بطريقتك الضحك وكل شي والامور طيبة .. واكتفي بقول اشتقت لك مع ابتسامة حلوة

وقوليله ماعليه كلها كم يوم وتجي عندنا :) .. وشوفي كيف راح يتغير

تحياتي


صح لسانك اخوي الفهدي ..

وفرت علي الكتااابه ..

^أميرة بكلمتي^ 02-03-2009 09:26 PM

[فهمتكم .. الله يجزاكم خير على كل حرف كتبتوه...و اكيد كلامكم صح

بس انا رسالتي جدااا حلوه وفيها كل اشتياق ... والحين بتصير 10 بالليل ولا فكر يسلم علي ... مو لازم يتكلم عن المسج

أميرات 02-03-2009 09:33 PM

اختي اميره .. انت لهذه الدرجه فاضيه ما عندك شي يشغلك ؟؟

ترى الزوج ما يحب الزوجه اللصقه ..

اشغلي نفسك باي شي و اكيد راح يتصل عليك ..

لا تزعلين مني يا قلبي .. ادري انك مشتاقه لزوجك .. ولكن موازنة الامور زينه ..

دلوعة..حسين 02-03-2009 09:38 PM

يا عزيزتي اعذريه...يمكن مشغول يمكن متضايق لأنه بعيد عنك فحاب يريح ويفكر بهدوء...

توته وزوجها 02-03-2009 09:46 PM

انا اقول لك حاولي تفكري بطريقه لاستقباله

مثلا روحي السوق واشتري شغلات حلوووة

حاولي تنامي بشقتك او غرفتك قبل لا يجي بليلة وسوي فيها بلاوي

وشوفي وش راح يصير

^أميرة بكلمتي^ 02-03-2009 10:21 PM

اميرات

بالعكس مازعلت منك لانك قلتي الكلام الصح :)

انا فاضيه جداااا

اهلي عندهم خدامه وانا لاشغله ولاعمله .... افكر اخذ دورة انجلش ... منها استفيد.. واشغل نفسي شوي


الساعة الآن 01:18 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©