|
لم اقصر مع خطيبي بالرومانسية و لكنه لا يثق في حبي له
السلام عليكم ورحمته الله وبركاته
أسعد الله أيامكم يارب الله يفرج هم كل مهموم ومكروب قولوا آمين ساعدوني مالي غيركم حبايبي بعد الله سبحانه هذي أول مشاركة لي في هذا المنتدى الراائع ويسعدني جدا ان انضم بينكم اخواتي واخواني الاعزاء واتمنى من الاخوات والاخوان ينصحوني بكل امانه لاني اختكم في الله قبل كل شي وسوف اتقبل النصيحه بصدر رحب قصتي باختصار انا مخطوبه معقود قرانا وصار لنا 7 شهور احب زوجي وهو بعد يحبني لكن احيانا احس منه مايثق في حبي له احبه وماقصر معه في شي اللي متعبني ومضايقني مسافر وماطمني الا لما وصل وكل يوم اراسله ومايرد ابد وبعد كم يوم بيوصل بأذن الله يوصل بسلامه وابشركم لكن محتارة كيف استقبله هل ابين له زعلي ولا كيف احترت شسوي معه..؟؟؟؟ ومتردده اكتب له في مسج واقوله قلبك قاسي بس مايهون علي زوجي واحبه موت والله قهر لما الزوجه ماتقصر مع زوجها بالحب والرومنسيه وهو يقصر معها ماقول الا الله يسعد كل حبيب مع حبيبه وادعووا لي بالفرج الله يفرج لنا ولجميع المسلمين والمسلمات انتظر ارائكم خبروني بالله تكفوون ... عفواً تم تعديل العنوان ليتضح المضمون الإشراف |
الله يفرج همك
ان وجهة نظري بدري على الزعل وحركاته بالعكس استقبليه بحراره وبيني شوقك له وقولي له انه وحشك موووووت وحاولي عند استقباله تحضنيه واحضنيه بقوووة يعني اضغطي عليه باقوى ماعندك واذا قال عورتيني قول لي من كثر اشتياقي لك ربي يسعدكم ويخليكم لبعض |
يااحبيبتي آستقبليه بصدر رحب ومن بعد مايروق ويعين من الله خير تشرهي عليه وقولي حرقت قلبي ومااطمنتني ..
|
اختي ام ريانا .. طووولي بالك شوي .. توكم لكم 7 شهور عاقدين ..والحياه امامكم طوووويله بإذن الله .. يمكن زوجك كان مشغول عشان كذا ما اتصل و لا ارسل لك رساله .. يمكن جواله ما فيه رصيد او البطاريه فارغه .. يعني حطي اعذار اختي عشان ما تظلمينه .. واذا رجع زوجك بالسلامه استقبليه استقبااال حلووو .. و لا تكشرين في وجهه حتى ما ينصدم منك و يقول عنك نكديه او ما عندك ذوق .. وفي جلستكم لا تجيبين سيرة عدم اتصاله .. بعد يوم من وصوله تقدري تسأليه و تعاتبيه عتاااب العشاق عن عدم الاتصال بك او مراسلتك .. همسه في اذنك .. في رجااال هذا هو طبعهم ما يعرف يصير رومانسي و لكنه يموت في رومانسية زوجته و يموت في دلالها و غنجها له .. وربي يسعدك .. |
استقبليه بدلع وابتسامه
ورتبي نفسك وانسي ثم وانتي تدلعي عليه وهو يقول لك اشتقتلك ابتسمي وقولي له يا قلبك كيف قدر يصبر وما يطمني عنك الله يهنيكم |
الاخوات ماقصرو ,,
الله يوفقكم ويهنيكم ويسعدكم يارب |
الله يوفقك خذي الامور بالتأني والحلم وعدم الا ستعجال
|
ما صار إلا خير إن شاء الله
استقبليه بشوق ولا تعاتبينه على طول بعدها بيوم ممكن تقولين له انك خفتي عليه وضاق صدرك يوم ما جاء منه حس ولا خبر يعني قوليها بحب مو بنكدية و هواش وزعل الله يوفقكم |
[info] عفواً يُنقل الموضوع إلى قسم المقبلين على الزواج حيثُ مكانه الأنسب[/info]
|
استقبليه بكل رومانسيه مثل كل مره ... ولا تبيني له شي ابدا .. يمكن اذا زعلتي تكبر السالفه كثير .. ترى
فيه رجال مايحبو يبينو انهم رومانسيين ... حتى كلام الحب مايطلع منهم الا بالعافيه مع انهم يحبو ... يبان حبهم تصرفاتهم مو بكلامهم ... وبعد كم يوم تبيني له وبشويه دلع وكلام حلو انك خفتي عليه الايام اللي راحت ... وتمر السالفه بسلام بدون زعل ابدا... ربي يسعدك ويوفقك ... |
| الساعة الآن 04:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©