|
مشكلة النوم عندي لا ادري لمتى ساعدوني
السلام عليكم ورحمة الله وبركاته
كيف حالكم سامحوني انا اعرف ان الموضوع قد يزعجكم او انكم قد تقولو من طال الغيبة جاب الغنايم وانا الي فترة بعيدة عن المنتدى وبالاخر جاية الكم بهالموضوع :( بداية كم اتمنى ان يساعدني احد مساعدة حقيقية ويحل لي هذا الموضوع لانه اتعبني ولم اعد اتحمله واصبح جزء من انزعاجي اليومي نومي الثقيل بداية المشكلة بعد تخرجي فبعدما كان نومي خفيف واستيقظ من رنة الابرة اصبح ثقيل جدا بالتدريج وبعد ان كنت اصحو من ال9 تلقائيا اصبحت لا اقدر الاستقياظ الا وقت الظهر قد يكون بسبب اني لم القا عمل او هيك اشي المهم مش مشكلة وقتها ماعلية اشي طيب تزوجت وانتقلت لبلد اخر ونفس المشكلة بل زادت واصبحت اشعر دوما بقلة النشاط او النعاس الجو هنا عكس بلدي تماما وقلة الاوكسيجين تورد هالاحساس بشهادة الجميع لكني ارى الجميع بيصحو بدري اشمعنا انا طيب ماكنت حامل و ماعلية مسؤوليات و زوجي متفهم وبقلي براحتك مش مشكلة واصحو وقت الظهر حملت وتدهور الامر بسبب الحمل لكن قلنا مش مشكلة بكرة بيجي البيبي وبصحا غصب عني لكن الي صادمني نفسيا وفعلا زاعجني ويؤدي بي احيانا لحالات من القلق او الضيق الظاهر عليى انه اتى البيبي واتسفحلت بي الحال مقهورة من اعماق قلبي في الصباح يصحو ابني مبكرا (مبكرا يعني 9 او 8) وانا انقهر والمشكلة اعمل اشياء غريبة واكون بغير وعيي ممكن اروح احطو في الكرسي تبعو واضعه في الصالون وافتحلو التلفاز عالكرتون وارجع انام واتركو لحالو وطبعا اكون منرفزة واخلاقي بالمرة و عصبية وشكلي يعني فظيييييع تكشير :( المهم ارجع انام وانا مش مسدقة نفسي بعد ساعة بصحا وبطلع على سرير ابني ولا اجده فاقول شووو عملت واروح اجري زي المجنونة اشوفو في الصالون ومن ذعري و ضيقي من فعلي ممكن اجري بسرعة واتعثر في طريقي لاني لسة صاحية من نومي وبحزن عليه واحيانا ببكي وبصير اقلو انا اسفة ياحبيبي سامحني احيانا الاقيه نايم احيانا نادرة الاقيه ببكي واحيانا الاقي ساكت مسكين لحالو مقهورة من قلبي يعني حتى البيبي بتصرف معاه بهيك؟؟؟ يئست وقلت خلص ازا كان بيبي بيبكي و بيصحا مش عارف يصحيني شو في اقوى من هالسبب يخليني اصحا بدري؟ اشعر بالقرف وقلة الراحة النفسية مهما كنت سعيدة هالموضوع بكون شوكة في قلبي ماتقولو الموضوع تافه نفسي اصحا بدري امارس نشاطاتي واكون نشيطة يعني بستيقظ متاخر جدا ولااجد وقت للتنظيف او للافطار او الطبخ او لعب الرياضة او حتى يعني اجلس في البلكونة اي شيء بس الصحيان بدري صحة ونشاط واحسن اشي حتقولو بتسهري كتير يعني بشوف كل الناس بتسهر بس بترجع تصحا كويس بعدين زوجي بيسهر وبصحا بدري عادي وكل الي بعرفهم هيك انا اوكي بدرت نومي صرت انام 12 او 1 وهيك اوقات اكتشفت احتاج 12 ساعة عشان اقدر اصحا وعلى فكرة عال12 ساعة عشان اكون عندي شوية وعي للاستيقاظ اما لو ماعلية اشي ولو ماعندي شغل ممكن اواصل 14 ساعة اكلي جيد ودمي نسبته ممتازة ماشاءالله صحتي ممتازة ماشاءالله لايوحد مشاكل صحية ابدا ولا اتعاطى اي ادوية تسبب هالموضوع ويعني هالموضوع لم يتربط باي شيء استجد في حياتي كادوية او اكل معين لااااا ما العمل؟ والمشكلة اريد نقل ابني لغرفة اخرى لكن مش متجراة عشان خايفة يبكي وانا اضل نايمة ويصيرلو اشي بعيد الشر حتى زوجي بقلي بطلي النوم تبعك وقتها بننقلو معاه حق حتقولو شو موقف زوجك زوجي عادي متساهل و يعني بمشي الامور ومابدق كتير ماشاءالله عليه ولما اشكيلو بقلي عادي خدي الامور ببساطة مش مشكلة بكرى مع الايام بتحسن وضعك بعدين هوة بكون في الشغل ومابلاحظ الموضوع وازا تاخر الغدا او تاجل عادي عندو مش متضرر من اشي يعني ماشاءالله عليه انا نفسيتي قرفت من الموضوع لو احد العضوات او المشرفات او الخبيرات ياخد بايدي ويعطيني برنامج اعملو وتتابع معي الموضوع عفكرة قبل النوم بدعي وبعمل جهدي لانو انوي الصحيان جربت كتير اشياء منبهات و كل ماتتخيلوه بس مجرد ماكون نايمة واسمع صوت المنبه بجري اطفيه وبكمل نومة باختصار انا بكون بحالة اخرى مابكون ملك شادي بكون انسان اخر مابسيطر عحالي كيف اقلكو بس فعلا بكون غير مدركة لما افعله ساعدوني مقهورة ومنزعجة جدا بارك الله فيكم وماحد يستتفه مشكلتي لانها بالنسبة الي ماثرة عحياتي |
ملوووكة يا قلبي نووورتي
غبتي علينا ,,, المهم يا ستي الصراحة ما اشوفها مشكلة تاقهة ابدا ,,, خاصة و انه عندك بيبي محتاج اهتمام و رعاية ,, بس حقيقة ما عندي حل الحين بس ان شاء الله راح اشرب كوباية الشاي و امخمخ شوي و ارجع لك ,,, الله يعينك يارب |
نورا والله بحس بدي ابكي
مقهورة من قلبي والنوم بالطريقة هاي بخلي مزاي مقلوب وقرفانة واحيانا بقول كلام ماعمري تخيلت اقولو:(كلو عشان انام هيني حاسة بدي ابكي من القهر مزاجي بصير سيئ جدا ومابتحسن الا بعد الظهر او العصر ببدا اروق فعلا قرفت ساعدوني والكو كل الدعاء لو حد يتابعني وياخد بايدي لاني فعلا متاثرة بالموضوع |
يا الله نفس مشكلتي تماما
|
تدري جالسة ادور بالنت عن مشكلة مشابهة لمشكلتك و لاقيت انها مشكلة شائعة
و تعتبر مشكلة بالرغم من ان الاتسان ينام فترة كافية الا انه يصحى وهو مش شبعان النوم بعض الاسباب كما هو مذكور :0 **النوم في ظروف غير جيدة .. مثلا اضاءة شديدة ... يرد شديد او حرارة شديدة **شرب الكافيينن **قلق النوم ... عدم التنفس الصحيح او الاختناق اثناء النوم **وقد يكون عرض لمرض ما بعييد الشر عن قلبك حبيبتي يعني زي الاسباب اللي ذكرتها و برضو في غيرها . ما تقدري تناامي او بالاصح مما تستمتعي بنومك فا تصحي و انتي مشبعاانه نووم قي اكثر من مقال ة موضوع بهذا الخصوص بس محتاجين ترجمة من الانجيزية والحين عندي جامعة .. ان شاء لما ارجع من الجامعة افضى لك ياقمر لا تبكي و لا شي حبيبتي دا خارج عن سيطرتك و ارادتك استهدي بالله و ان شاء الله نلقى حل يالله سلااام و دعواتك بالنجاح نتيجتي بكرة :) |
ليه مكبره الموضوع نوم العافيه كلها كام شهر وتتغيري غصب عنك
اصلا تنامي لانك عارفه انو ما عندك شغل تشتغليه او اهل تزوريهم والا كنتي صحيتي بدري كلنا كنا هيك وتغيرنا لا منبه ولاشي اتركي نفسك حاولي تنامي قبل العاشره مساء اصلا اللي يصح الصبح باكر لازم وغصب عنه ياخذ قيلوله بعد الظهر الفرق انو انتي تواصليها مع بعضها لا تبكي ولا شي نوم العافيه |
مملوكة ياحبيبتي..ماتبكي..مابدي اقلك ان ازيك بالضبط..بس انابصحى الساعة 9 ومابصحصح قبل12..تخيلي..
وهدا فعلا من الغربة والزهق..حتى لوكان عليك شغل الدنيا.. بس في سؤال هل بضلك كسلانة طول اليوم?يعني بتحسي حالك خمولة? حاولي افحصي الغدة الدرقية..كتير من النساء بعد الولاده بصيبهم نقص في افرازات الغدة..ان شاء الله ما على قلبك شر.. بس برضو ياملك السهر هيك بعملي.. وجربي نامي على11 واحكيلي كيف بتكوني الصبح. |
متأسفة.. ملوكة..طلعت معي مملوكة:29::29::29:..ماتزعلي مني.
هذا لاني ماعندي كيبوردعربي..بتعذب وانا بكتب |
مريت بحالة تشبه حالتك فترة من الفترات و كانت بعد ولادتي
في ناس قالولي الرضاعة هي السبب الحمد لله ان الموضوع انحل بشكل تلقائي زوجي بنام 5 ساعات بالـ 24 ساعة و انا مستحيل يكفيني أقل من 8 ساعات نوم و هو بنقدني و أنا بنقده حاولي تنامي بكير لا تسهري لو مهما حصل انا بفيق نشيطة الساعة 7 و نص أو 8 لكن بنفس الوقت ما بسهر يعني الساعة 10 و نص انا و ابني بالسرير و بترك زوجي يكمل سهرته (بعد ما استأذنه) بصراحة ما عندي قدرة اسهر متلو يوم اللي بسهر بنزعج كتييييييييير من الفيقة بكير لكن اول شي بعمله لما بفيق فنجان حليب مع نسكافيه و بعده بساعة فنجان تاني و برجع باخد قيلولة بغياب زوجي حتى اقدر اسهر معه اذا طلب مني اسهر و هيك ممشية حياتي يوم قيلولة و شوية سهر (يعني للـ12 مو أكتر) و يوم بنام متل الجاجة من الساعة 10 وقت كنت رضع كنت متلك لكن الفرق اني كنت نام من الساعة 9 و نص لأني ما بقدر كمل نوم للظهر لكن كنت انزعج كتير من الفيقة بكير بس شو بدي اعمل كنت فيق لأني كنت خاف من نقد زوجي زوجي من النوع العصبي و ممكن يفور علي بيوم من الايام و انا اتقاء للمشاكل بحاول قاوم حكيتلك عن حالي و بصراحة هدا كل شي ممكن فيدك فيه ان شاء الله يا رب تكوني لقيتي حل او شي يفيدك من تجربتي بالتوفيق |
اقتباس:
كمان بدي أنصحك تعملي فحوصات للكبد و أن شاء الله ما بيكون في شي بس أنا بعرف أن الكبد اذا مش مظبوط ( قد تكون دهون علي الكبد أو كسل في وظائف الكبد ) ممكن يجعل الأنسان يشعر بالنوم الكثير و الكسل و عدم القدرة علي التركيز كمان أطمني علي الهضم و المعدة و الأمعاء أحيانا سوؤ االهضم بيكون لة نفس التأثير برجاء الفحص لمجرد الأطمئنان و أغلاق أن يكون السبب مشكلة عضوية أما أذا ما ظهر شيئ بالتحليل أنصحك بالتالي نامي 10 أو 11 أستيقظي 8 و مباشرة خدي دوش منعش و أن شاء الله بتكوني في أحسن حال أنا الحمد لله غالبا أنام متأخر يمكن 12 او 1 و لاكن لازم أصحي 5 أو 5.30 دوش بيخلي الواحد تمام دعواتي لك بدوام الصحة |
| الساعة الآن 06:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©