ساعدوني سأصبح معلمه انجليزي
 

السلام عليكم ورحمة الله وبركاته

اخواني و اخواتي الاعضاء

انا بنت متزوجه و عمري 24 و متخرجه من سنتين و نص

الحمد لله احب تخصصي و تخصصي مطلوب جدا (انجليزي)

انا من كنت صغيره (9 سنين) و انا حاطه في بالي اصير مدرسة انجلش

و الحمد لله كل شي حطيته في بالي صار بس باقي اصير مدرسه

ان شا الله راح اتوظف على شهر سبتمبر 9 بس احس بتوتر و خوف

احس اني نسيت اللغه (انا طووول عمري الاولى في مادة الانجلش و لغتي كانت افضل من مدرساتي)

بس الحين احس اني نسيت اللغه و مب عارفه شلون اقوي لغتي

و عندي الثقه بالنفس زيرووو خاصه اذا مع ناس اول مره اشوفهم

حتى عيوني ما اركزها في عيونهم دايما اشغل نفسي بشي

و انا ما اعرف اصير صارمه و في المدارس يحاسبون المدرسه عالـclass management ادارة الصف

و حتى اختي و الاهل يقولون ما نتخيلج مدرسه يقولون الصف بيكون ماخذ راحته و انتي وااايد هاديه و بارده

اخواني اذا ممكن تنصحوني او تحطون لي روابط بمواضيع تساعدني اكون شاكره لكم

شلون اشيل الخوف و التوتر ؟ ما ابي ابين للطالبات اني متوتره

شلون اقوي لغتي؟

(لما كنت 13-20 سنه) كانوا عندي اصدقاء اجانب اون لاين و دايما اكلمهم فكانت لغتي اوكي الحين ما عندي و حتى لو تعرفت على ناس احس ما عندي سوالف اتكلم معاهم عنها.. قبل كنت مراهقه احب سوالف الفنانين و هالخرابيط بس الحين صرت ام و اللي بعمري 24 من الاجانب يكونون توهم ما عندهم عيال عشان يكون بينا رابط مشترك نتكلم عنه)

شلون ازيد الثقه بالنفس؟

شلون امشي كلمتي و اتحكم بالطالبات؟

thanx in advance

حضري دروسك كويس...و ما تحطي حاجة في الدرس إنت ما فاهمتها...علشان جيل ها الوقت بيتباهى بأنوا سأل المدرس شئ و ما جاوب....خليكي هادية و ما تسمحي لحد يسلب منك وقارك....ما شاء الله في الأنترنات كلشي متوفر...واسحبي من المدرسة البرنامج السنوي وحضريه كويس....لا تكثري الكلام مع الطالبات علشان يحترموك....
و أوصيك بالمعاملة الحسنة وطول البال..علشان دول أولاد ناس محترمين وجايين يتعلموا....لو إحترمتيهم رايحين يحترموكي أكثر...
والله أنا درست أنجليزي عند أستاذة ما شاء الله ولا عمري إنسيتها علشان عرفت كيف تكسبنا و تفرض إحترامها..
أتمنى لكي التوفيق....

sabra2009 دعواتكم ل بالزوج الصالح..

اهم شيء انك تفرضي شخصيتك من البداية على الطالبات يحسبوا لك حساب لا تكوني كشرة ولا ضحوكة كثير خير الامور الوسط

ما تفتحي مجال للخوف والتوتر يسيطرو عليكي

في الجوجل ابحثي عن

Classroom Management Strategies

tips and links for class management

اختي اي مرحلة رح تدرسي اساسية ام اعدادي

اختي اتركي رسالة باسمي على هذا الرابط

http://www.66n.com/forums/forumdisplay.php?f=29