|
حالتي يرثى لها بسبب المشاكل اليومية في حياتنا ( حُلت و الحمدلله)
السلام عليكم...
احبابي اعضاء المنتدى.. ارجو منكم النصييحة... في البداية حياتي مع زوجي كانت عادية مثل اي زوجين فيها الحلو وفيها المر.. بس هالأيام ماادري اش اللي صار كإنو احد ادانا عين ((أمزح)):23: المهم هالأيام ويمكن لنا ثلاثة اسابيع واحنا على دال الحال مافي غير مشاكل وزعيق وتطنيش:( المهم هوا زوجي في وسط المشاكل جاتو آلام وعمل عملية بعدها ووقفت معاه طبعا ونسيت كل اللي صار بينا.. المهم بعد ماربي شفاه الحمدالله رجعنا للموال.. والله ما أبالغ يمكن يوميا لازم تصير مشكلة.. بدون اي أسباب هوا مافي غير يرفع صوته عاللي يسوا واللي مايسوى.. ومرا جيتوا بهدوء وقاللي انو مرا مضايق انوا اتقف عن شغلو فترة مرضه وقلتلوا انا اش ذنبي لمن ترفع صوتك عليا واعتذر وانا برضوا اعتذرت عن طولة لساني وبعدها رجعنا لنفس الحال ماكإنوا صار شي زعيق ومضاربات .. ومايبغاني اناقشوا في اي شي وانا معد قادرة اتحملوا صرت مطنشتوا يزعق ينفجر مااهرجوا وقلت بكيفو ا يسوي اللي يسوي ولا اكلمو الا كلمة ورد غطاها.. المهم دي حالتي وانتو اش رايكم........ تم تعديل العنوان الإشراف |
اقتباس:
اعتقد ان طولة لسانك هي اساس مشاكلكم .. و كذلك الاحترام مفقود بينكم ... و هذه الامور من طولة لسانك و عدم احترامكم لبعض مخليكم متوترين و دائما تتناطحون مع بعض .. كبروا عقولكم و خليكم راقيين في تعاملكم مع بعض ... لا تتعاملي مع زوجك و كأنه اخوك الصغير او ابنك .. تعاملي معه كزوج مفروض عليك طاعته و احترامه .. اختي لما تغيري اسلوب معاملتك مع زوجك راح ينعكس هذا الشئ على تعامل زوجك معك و راح يحترمك و راح تقل مشاكلكم .. ان الله لا يغير ما بقوم حتى يغيروا ما بأنفسهم .. و ربي يسعدك .. |
السلام عليكم ورحمة الله وبركاته
الصراخ والمشاكل امور طبيعية .. لكن الافضل اذا كانت الزوجة معصبه يقابلها الزوج بهدوء ويحتوي عصبيتها .. واذا كان الزوج معصب تقابله الزوجة بهدوء وتحتويه .. اما اذا كل واحد من الاثنين بيصارخ وبيرفع صوته مستحيل تنحل المشكلة .. ان شاء الله انك زوجة صالحة وعاقلة .. اذا كان معصب احتويه بأي طريقة .. وبعد ما يهدأ بيجيك يعتذر عن اللي صار .. موفقة بإذن الله ... لك مني أجمل تحية . |
اذا الواحد نفسيته تعبت يطلع حرته بأي شي
انتي المفروض تقدرين نفسيته واذا شفتيه عصب لاتقعدين معاه بنفس الغرفه او لاتردين عليه واذا بتردين ردي بأسلوب هادي وحنون لازم تراعين ضروف زوجك النفسيه الله يوفقكم ويسعدكم ويهنيكم ويبعد عنكم العين والشيطان يارب ,, |
ممكن تخبرينا كم سنه متزوجين وكم عمرك وعمره وهل عندكم اطفال؟عشان نقدر نساعدك
|
الله يعينكــ ويهديكم
ويسخركمـــ لبعض يارب وينزل السكينة يقلوبكم حبيتي اناا لااملك لك الا الدعاء ما عندي خبرة ..,, ومااقدر اعطيكي راي ^^ |
ياأختي عليكم بالأستغفار ....وتأدوا ماعليكم من عبادات وتتقربوا أكثر لرب العالمين........
وأنا آسفه ياأختي على السؤال....... هل زوجك يدخن......... صاحب سهرات كل ليلة .......... الله يصلح الأحوال... |
المشااكل اموور طبيعية ويمكن تزيد حدة التوتر
بين فترة وفتررة يعني مااحد اعطاكم عين ولاشي ان شاء الله يعني اذا هو عندة شغلة معينة ويفكرر فيهااا ومنسجم خلاااص لاتنكدي على الرجال لأنة راح يحط حررتة فيكي واذا انتي كنتي متضاايقة واذا قلك اي شي يزعللك قوليلة انك ما تبغين تتكلمين او تتناقشي حتى او تمززحي لأنة ماللك مزاج لأنة راح تنفتح عليكم ابواب مشااكل من لاشيئ بسبب النفسية فقط وحااولي اذا صارت مشكلة انكم ما تطوولو زعلانين يعني خلااص كم ساعة الين تهدأ النفووس وبعدهااا خلااااص الله يصلح حالكم يارب |
بما ان لسانك طويل وماتقدرين تسكتين
اذا صار بينكم اي نقاش وحسيتي ان الموقف راح ينقلب ضدك ابكي راح يجي عنك ويراضيكي وراح يحاول يعدل من اسلوبه معاج استخدمي سلاحك |
انتي قلتي لسانك طويل عليه ...
هو اذا عصب انتي اسكتي ولا تردي عليه بالمثل هاذا احسن شي ... اذا انتو اثنينكم كذا ماراح تنحل مشاكلكم ابدا ... اذا هو شد انتي ارخي !!! ربي يسعدك ويريح بالك ... |
| الساعة الآن 09:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©