استفسار عن طبيبات المركز الطبي الدولي بجده
 

مسااااء الخير اخواتي و لكل حامل على وشك ولادة الله يسهل لها ولادتها 00
انا كثير سمعت عن المركز الطبي الدولي في جدة بس منجد مني عارفة احسن دكتورة ولادة بالمركز ناس قالو سميرة ابو راوي و ناس قالو هناء بدران و انا محتارة بين هدول الدكتورتين ؟؟؟ لكن لو وحدة جربت الولادة عنهم ياليت تحكينا عنهم 00و خصوصا في كم نقطة :

الخياطة تجميلية من برا وجوة او عادية؟ طبعا اقصد بالنسبة للطبيعي ؟
وقت الولادة حضور الدكتورة على طول و لا تتاخر؟
الطبيب المناوب ممكن يولدك ؟
الرضاعة كيف لانو سمعت انهم مابيدو البيبي رضعة اصطناعية طيب لو الام ماتقدر ترضع بالمرة ايش الحل ؟

و اشكر كل من تفاعل معاية و ربي يسهل جميع اموره دنيا واخرة يارب 00

الصراحه انا ماجربتها من قبل لكن اسمع عنها انها مرررررررررره نظيفه وبها اطباء عالية الكفائة وان شاء الله اللى جربها من البنات يفيدونك

كل الاسئله اللي سالتيها جاوبتك عليها سابقا
لكن بقيت نقطة الرضاعه
مين قال انهم ما يرضعو صناعي؟؟
انا هلكوني كل شويه تجيني الممرضه من الحضانه وتسالني نعطي البيبي حليب صناعي (فورملا)
وانا اقولهم لالالا
اهم شي انك تنبهيهم اذا كنتي حابه ترضعي طبيعي انه ما يعطو الطفل حليب
اما لو كنتي حابه انه يرضع صناعي بس اعطيهم خبر وهما حيتصرفو..
على فكره بالنسبه للام اللي ترضع طبيعي كل شويه يقيسو سكر البيبي خوفا انه ينزل عن المستوى الطبيعي لانه عادة اول يومين يكون حليب الام قليل جدا..

هناء بدران طبيبه من المستشفى نفسه يعني كل يوم موجوده
اما سميره ابو راوي فهي موجوده بالمستشفى يومين او 3 بالاسبوع فقط
بس بمجرد ما تجيكي الولاده ينادوها على طول يعني ما تتاخر عليكي ابدا..

موفقه يا غاليه..

مشكورة اختي كرستاله و جزاكي الله كل خير 00منجد ماقصرتي معاية و طمنتيني الله يطمن بالك 00

انا بصراحه ما اعرف ولا دكتوره من الي قلتي عليهم بس انا اراجع عند دكتوره سماء ناظر وهيا بصراحه انسانه جدا محترمه وانا مره ارتحتلها واسلوبها مع المريض مره عجبني

طيب ممكن سؤال

بكم الكشف عندهم ؟ والولاده الطبيعي والقيصري؟

شاكره لكم

الكشفيه عندهم ب 200ريال
اما الولاده الطبيعيه ومتابعه حمل 11500ريال (استشاري)
10500ريال(أخصائي)
وهذا المبلغ شامل التنويم في غرفه منفرده لمده يومين

اما الولاده القيصرية ومتابعه الحمل16500ريال(استشاري)
15500ريال(أخصائي)
وهذا الملبغ يكون شامل غرفه منفرده لمده4 ايام

طيب كيف بالنسبه للمريضه وقت الولاده يصبرو عليها

وبالنسبه لسماء ناظر موجوده بنفس المستشفى ؟؟

انا ما جربت الولاده عندهم لانو هادا اول حمل ليه وسماء ناظر هيا مهي من المستشفى يعني مهي دكتوره اساسيه في المستشفى بس دايما تلاقيها في المستشفى وعيادتها ماشاءالله مليانه

يصبرو عليها طالما مافي خطر على الجنين او عليها..

سماء ناظر تجي مرتين او 3 بالاسبوع فقط..