|
ما السبب في تغيير الدورة بعد الولادة؟
السلام عليكم ورحمة الله و بركاته
حابة استشير حد لو بعرف او اهل الخبرة انا ولدت قبل 4 شهور والنفاس طووووول يمكن قعد شهرين ونص وعطتني الدكتورة حبوب اجهاض لحتى تحفز الرحم وينزل كل اشي والا تعملي تنظيف وزبطت الحمدلله بس بعدها اجت الدورة بعد اسبوعين مالحقت ارتاح بس راحت قعدت اسبوعين !! او اقل شوي وبعد مخلصت باسبوعين اجتني مرة تانية قبل الزواج كانت تيجيني كل 28 يوم وتقعد 7 او 8 اايام بعد الزواج صار كل 26 او 27 يوم وتقعد 8 او 9 ايام بعد الولادة المشكلة انها صارت تطول الدورة هاي اجتني عالموعد يعني كل 26 يوم اوكي بس المشكلة مش امتا اجت المشكلة انو صايرة تطول بالتالي بلحقش ارتاح الا هية جاية ولما قلت لدكتورتي ماعلقت ولاقالت اشي مهم ركبت الان ابرة implanon الدكتورة نصحتني قالت كتير بتوقف الدورة عندهم بلكي عملت معك هيك خليكي ترتاحي شوي من النزف وانا صراحة قرفت حالي من وقت الولادة وانا كل شوي قرف شكل وصرت احس بالدوخة والتعب وهيني متاملة الدورة تخف مع انو هالابرة مفعولها ممكن يعمل اعراض زي حبوب الرضاعة لانو بروجسترون بس بلكي زبطت وكنت نصيبي وحظي حلوين وهي اليوم التامن في الدورة ولم تتوقف هية اول 3 او 4 ايام بتكون غزيرة وهيك ثم بتصير قليلة وشوي شوي يعني مابتقعد الاسبوعين نزيف مستمر لا بعد اول اكم يوم ببدا يخف وبالتدريج لتوصل بالاخر افرازات بني او زهري خفيف بس يعني شي بزهق وبقرف عنجد مين مرت بحالة زي حالتي وشو عملت وشو ممكن السبب وقرات بتقولو انو الزعفران ومية الورد شرراب حار بنزل الدورة حد يقلي طريقتو عشان اشربو و ينزل كل شي بسرعة لانو هاي مش حالة كرهت حالي والله طيب لو شربت قرفة بتخلص اسرع ولا كيف؟ |
ملك بعد الولاده بتسير خلبطه كتير بتعرفي انالسى مااجتني مع ابني تقريبا انفطم انا لما خلص النفاس كنت شهر بالضبط ومارجعت تاني
انت بترضعي ابنك صناعي لانه ممكن هو السبب حاولي تخلي رضاعته بس طبيعي وممكن يكون عندك فقر دم لازم تنتبهي اعملي تحاليل |
وعليكم السلام ورحمة الله وبركاته
غريبه جاتك الدوره بالشكل هذا وانتي ترضعي طبيعي نظيف.. ما عندي فكره ايش السبب باللي بيحصلك لكن حبيت اذكرك تاخذي فيتامينات بانتظام لانه واضح انك فقدتي كمية دم كثير (نزيف الولاده+فترة نفاس طويله+دوره متكرره) وكل هذا في 4 شهور ونصف..ويمكن هذا سبب الدوخه .. الله يشفيكي وان شاء الله يكون احد من البنات عنده فكره ويفيدك.. |
الله يعينك والله اشي بيقرف عنجد..بس بتوقع هااي الخربطة عندك لانك بترضعي فصاربجسمك اضافة للهرمونات الانثوية(الاستروجين+البروجسترون) هرمون البرولاكتين(هرمون الحليب)لهيك بتصير خربطه..بس اديش بتقعد عليك الدورة?لانه بعد العشرة ايام لازم تتحممي وتصلي وتعتبريها استحاضة.
اناكتيرلخبطت معي بعد الولادة..وصارت اتضل علي عشرة ايام وبعدين شوي شوي صارت تسعة بعدين تمنية اوسبعة والحمدلله رجعت طبيعية وبطلت في استحاضات في نص الشهر..بس هادا لانك ماالك زمان والدة.. لاتنسي تآخدي فيتامين عشان تقوي شوي وتروح الدوخة وهاي القصص. |
اختي العزيزة ملك وكأنك تحكين عما حدث لي
ولدت منذ سبعة اشهر وبعد الاربعين اصبحت الدورة تأتيني بانتظام كل 15 يوما وتتواصل تقريبا من عشرة الى اثنتي عشر يوما واتنفس الصعداء يومين او ثلاث لتبدأ من جديد وتواصلت على هذه الحالة طيلة خمسة اشهر والآن والحمد لله انتظمت دون ان استعمل اي دواء مع العلم انني ارضع ابنتي طبيعي لكن يجب الاحتياط من فقر الدم ونقص الحديد ويجب ان تهتمي بتغذيتك خاصة ان كنت ترضعين لذلك زوري الطبيبة وهي تعطيك النصيحة الادق. تمنياتي بالصحة والعافية |
رانيا اهلا انا مابرضع صناعي ماشاءالله تبارك الله
وحاصلالي كل هاللخبطة والله يسترها يارب الحمدلله هالدورة هاي اجت وقعدت 10 ايام اطول بيوم او اتنين من قبل الولادة الحمدلله نعمة كريستالا شكرا حبيبيتي وانا باخد الحبوب الملتي فايتامينز ومداومة عليهم والله يعديها عخير مش حاسة صحتي تمام زي الاول الله يجعله في ميزان حسناتنا اخت هلا شكرا الك وبارك الله فيكي الحمدلله المرة ماطولت زي الي فاتت بس انا سمعت بعد ال15 يوم تعتبر استحاضة شكرا الك وباخد فيتامينات انا وهلأ كمان كالسيوم عشان ركبت ابرة منع الحمل شكرا الك اخت يورينا شكرا الك وعقبالي انا كمان تتزبط اموري ورحت الدكتورة وماعلقت كتير قالتلي لخبطة مع الولادة إن شاءا لله خير وزي مقلت للاخوات الدورة الحالية خلصت عال9 او 10 ايام نعمة وفضل شكرا الك وبارك الله فيكي |
وعليكم السلام ورحمة الله وبركاته
الله يعينك ياملك بس انا اقول لا تسعجلين يعني الى ست شهور اتوقع اللخبطه طبيعيه بس نصيحه سوي تحليل للهيموجلوبين في الدم طالما ان النزف عندك كثير علشان تشوفين اذا فيه فقر دم لاقدر الله ماتشوفين شر يالغاليه |
| الساعة الآن 04:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©