![]() |
حالة زوجي بعد وفاة امه الله يرحمها
السلام عليكم
الصراحة ما بعرف بشو راح ابدا انا متزوجة من سنتين و سعيدة وايد مع زوجي رغم اننا من دولتان مختلفتان جدا لا من حيث اللغة و لا التقاليد بس قدرت انسجم و لله الحمد زوجي يحبني موت و انا احبه و نحنا عامة تزوجنا عن قصة حب جارفة دامت سنة قبل الزواج زوجي الغالي صغير العيلة و دلووووووع واااايد بس قدامي و قدام امه و هو عامة صاحب شخصية قوية و هيبة و زوجي كان دلوع امه و الله انه ما كان يفارقها و يحبها اكثر من عيونه جا اليوم يلي حماتي فارقت فيه الحياة و هادي هي المشكلة زوجي انصدم و اول مرة اشوفه يبكي لها الدرجة و الله اخد اجازة مطولة حتى ينام بحضني مفتقر لحنان امه و تدليعها له و الله العظيم اني ابكي باليوم 4 مرات ولا اكثر قلبي يتقطع عليه صار ما يضحك ولا يمزح ولا يحكي بس بيبكي و بينام حتى حالتو الصحية تدهورت و حاليا مريض بفقر الدم حاولت معو وديناه للطبيب و هو على حالتو حتى بعض الاحيان بالنهار بيروح لقبرها و بيضل يبكي يبكي يبكي مادري شسوي اشوف زوجي بيضيع قدام عيني و انا مو قادرة اسوي شي ابدل كل جهدي و اعطيه كل الحنان يلي عندي ادري ما راح عوض مكانة الام بس بحاول اكون له الام بس اهو للحين مصدووووم له شهرين على ها الحالة اخاف يتدهور وضعه و يفقد عمله و عقله حاسة ان لازم اسوي شي ساعدوني الله يخلييييييييييييكم |
خليه يكثر من قراءة القرآن
ويكثر من قول اللهم اغفر لي ولوالدي وللمسلمين والمسلمات ويكثر من الدعاء للمسلمين عامه بالمغفره والهدايه والصلاح وباذن الله سيطمئن قلبه ويجد الراحة النفسيه هذا الكلام اقوله لك من تجربتي الشخصية ونفعت معي ولله الحمد والمنه وان شاء الله تنفعه وجميع المسلمين والمسلمات |
كل شي يبدأ صغير ومع الايام يكبر إلا الحزن يبدأ كبير ويصغر مع الايام
فقد الانسان العزيز والي له مكانه في قلوبنا مو شي سهل بالمرة وكلما عز الانسان كلما كان سلواكِ لبعده صعبه زوجك اصبحت عنده اهتزاز نفسي .. لأن ترتيب الاوراق داخله اتلخبطت بمعنى أن مكان أمه اصبح فاضي .. هو يحس بهذا الفراغ وراح يحتاج وقت عشان يرجع يرتب هذي الاوراق من جديد حسب الواقع الي يعيشه .. حنانك وحده مراح يفيده إذا ما رافقه العقلانيه والحوار خليه يتكلم ويطلع الي بداخله عشان الضغط النفسي يخف عنه مو مشكلة اذا بكى .. البكاء يريح الانسان وهذي رحمه من رب العالمين .. وحاله افضل من الي يكتمون وما يبكون لازم تتكلمين معاه .. قولي له عند المصائب يبان مقدار ايمان الانسان بالله .. و خل ايمانك قوي الانسان ما يقدر يتجاوز المصائب الا بايمان قوي والانسان كلما كبر حب الله في نفسه كلما قدر يتجاوز الازمات الله أعطى والله أخذ .. و أمك الان محتاجه لدعائك وأعمالك الخيرة لها عشان تساعدها على تخفيف الآم البرزخ قولي له روح الميت تحس فلا تأذيها فوق أذاها الحين .. هي الحين تتأذى بس تشوفك بهالحاله قوم شمر عن سواعد وشوف شنو راح تعمل لها من أعمال البر عشان تخفف عنها غربتها ووحدتها اذا كنت فعلاً تحبها .. وبار فيها .. خلها تشوف انها ربت رجال بار فيها في حياتها ومماتها ليش ما تعمل عمره لها .. ليش ما تتصدق .. ليش ما تعمل لها صدقه جاريه روح بيت الله الحرام .. والنفسيه هناك تتغير .. راح يحس بروحانيه عجيبه وتتحسن حالته قولي له خل الحزن بقلبك لكن لا يأثر على عملك وبعدين أمك كانت عهده وعطيه لك من رب العالمين .. كانت لها رساله وأدتها ولما جاء الوقت المناسب رحلت وكل انسان فينا له رساله في هذي الحياة لازم يأديها عشان اذا جاء وقت رحيله يرحل وهو مرتاح ومؤدي جميع واجباته .. ومن واجباته رعاية نفسه .. لأن نفسك لها حق عليك .. وحقها أنك ما تهلكها و عليه واجبات اتجاه بيته واسرته انه يرعاهم ويحفظهم قولي له اذا كنت تحب امك .. اعمل مثلها .. هي اكيد فقدت امها وابوها وفقد اكثر من الي فقدتهم انت لكنها ما استسلمت للحزن قامت بواجباتها وربتكم وعملتكم رجال ولو كانت عامله مثلك الحين ما قدرت تقدم لك شي ولا تربيك .. قولي له انك محتاجه له عشان يرعاك ويحميك .. وابناءه بعد اذا فيه ابناء صغار مين يتركهم له .. جلسي تكلمي معاه .. و ذكريه ان احنا ما نملك شي بالحياة احنا مجرد مستخلفين ذكريه بالحديث الشريف .. مو متذكره نصه بالضبط بس معناته ان ابن آدم ضيف وما في يده عاريه والضيف مرتحل والعاريه مردوده وان شاء الله الله يساعده وينفض ثوب الحزن ويرجع يوقف من جديد بس يحتاج لوقت وإلى دعم نفسي .. حاولي دايماً تتكلمين معاه |
اقتباس:
عيـــــــن العقل .. أتفق مع الاخـــــت باريسا تحياتي |
الساعة الآن 07:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©