|
الوساوس تقول : لك كل الحق بخيانته !
السلام عليكم ورحمة الله وبركاته
لو سمحتو يااخواني هل يعرف احد منكم مكان للاستشارات الزوجيه في مدينة الرياض اتمنى منكم الا تخذلوني لاني تاااااااااااااااايهه وصلنا خلاص لطريق مسدووووووووووود وعلى وشك طلاق واريد ان اخطي خطوة الاستشاره كارضاء لضميري واقناع لنفسي باني فعلت كل مابوسعي لانقاذ ماتبقى من حياتي انا اخذت قرار بالطلاق مو عشان اعاقبه وللا احسسه بخطاه مثل ماكنت افكر من قبل هذه المره الطلاق من اجلي انا لان الشيطان بدا يلعب بي بشكل وسواس قهري يقول لي خونيه مثل ماخانك وكل مره اتعوذ منه وانسى هالكلام وانام واصحى وانا كلي اقتناع اني لازم اخونه وان لي كل الحق بذلك وارجع اتعوذ منه وكل مره يكون الوسواس اقوى اهرب من هالوسواس للصلاة وقراءة القران بس والله اني مو قااااااااااااااااااااااادره فاحسن حل هو الطلاق لانه عمره مارح يتوب ولا الشيطان بيموت |
اختي فيه مركز الشيخ ابن باز لمساعدة الشباب على الزواج
لديهم مركز استشارات و اعتقد القسم النسائي قائم عليه بعض الأخوات الفاضلات وان شاء الله يفيدونك . وجهة نظري اختي : تتهمين زوجك بالخيانه ؟ طيب يا اختي الفاضله ما سألتي نفسك ليه يخونك ؟ وش اللي وجده عند غيرك وماهو موجود عندك ؟ بالتأكيد هو وجد الحب و العطف و العناية الفائقه و الحضور و كل شئ جميل يتمناه الزوج ، وهذا هو اللي دفعه . راجعي نفسك أولا و تأملي في حالك و حاولي التغيير ولا يلعب الشيطان براسك ، احفظي نفسك و بيتك وتأكدي بالأخير ان خيانتك ستعود لك و سيكون وبالها عليك انتي فقط . حفظك الله و رعاك و هدى زوجك لكل خير |
تعوذي من الشيطان يا اختي .. انت راح تحتقري نفسك عندما تخوني زوجك .. بعدين انا اعرف ان هناك مكاتب للصلح بين الزوجين في المحاكم نفسها .. واذا تشعري ان نفسيتك تعبانه بسبب هذا التفكير بامكانك انك تزوري طبيب نفسي عشان يساعدك على تخطي و تجاوز هذه الافكار .. حاولي انك ما تجلسي لحالك فترات طويله .. اشغلي نفسك باي شئ مثل زيارة صديقه او الجلوس بيت اهلك .. لكن انت ما قلتي لنا ليش زوجك يخونك ؟؟؟؟؟ |
شكرا لك اخي وبستفسر عن مركز ابن باز
اختي اميرات انا مادري ليش يخون انا ولله الحمد على قدر كبير من الجمال بشهادته ولانه عندما خطبني كنت على مواصفات معينه هو طالبها وثانيا على درايه كبيره بالامور الزوجيه واخاف الله كثيرا واخاف الله فيه واحفظه واصونه واحاول قد مااقدر اقربه من ربه واهتمام كبير فيه وفي نفسيته وهو انسان مظغوط بالعمل واهتم بنفسياته وعندي منه طفل وخياناته اتوقع مرضيه ووصلت لحد احضار بنات وشرب وصور معهم وفكل مره كنت احتويه ويبكي وينهار ويوعدني ميعيدها بس هالمره لمن شفت صور تعبت نفسيتي ولا عاد اقدر اكمل هو قاعد يضحي بحبنا وبحياتنا وبكل شي عشان نزوات خبيثه لاصحابه الدور الكبير منها ( اصحابه هذول ياما تمشكل معاي عشانهم بس سبحان الله لي نظره في اصحابه ولو اني معرفهم ) الله يهديه لنفسه بالمختصر انا ماطلبت الطلاق الا لمن شفت ان خيانته وصلت للجنس وصرت اخاف على نفسي واخاف على نفسي من الشيطان لاني مقدر اعيش من غير حب وهو كان حلالي وكنت افرغ عواطفي فيه للعلم انا عمري 20 سنه وصديقاتي لساتهم يعتبرون نفسهم اطفال ومراهقات بس فوق هذا كله والله والله والله ان اللي فيني هذا شي مو طبيعي وسواس صرت احس ان ربي يبي يعاقبه فيني بس انا اخاف الله ومقدر اعيش كذا مشوشره شوري علي اختي اميرات انا تعبت والله وبالنسبه لاخوي حمد انا لااتهم زوجي بالخيانه هي فعلا حصلت وبادله محسوسه وثانيا هو لم يجد الحب والعطف والحنان في خياناته اللتي هي عباره عن سهرات شرب وخمر وبنات ليل وهذا مالا يجده عندي فانا لاشرب ولا اعاشر اصدقائه البنات الموجودات متوفرات للجميع وهذه المتعه فالموضوع بالنسبه لهم بس الله يهدي الرجال دائما يدافعون عن بعض واول شي سويته ياخوي انك تسيئ الظن فيني وتقلب الموضوع علي انا ماقدر اعصي ربي واقوله خلينا نشرب مع بعض ونسوي حفلات ليل مع اصحابك عشان اعفه عن الحرام مافي منطق ومشكور عالعموم |
احس اني بالاخير بضيع مابين شيطاني وبين خوفي من الله وبي زوجي
واخرتها نفسيتي بتتدمر وبنجن وبستخف فانا ماقدر اخون ربي وللا هو مو فارق عندي خيانته بس خوفي من ربي انا ماعلمت احد بالموضوع وذالك بتهديد منه ولا اريد ايضا ان اخبر اهلي لان اخواني الرجال مثل اخوي حمد ممكن يقولون انتي السبب ووبيرجعوني انا ناويه اخلص انا وياه كلللللللللل اجرائات الطلاق واروح لهلي عشان محد ياثر علي وللا وش رايكم |
اختي اكبر غلط ان الواحد يتخذ قرار الطلاق بدون ما يستشير احد .. اهلك و اهله لازم يعرفون باللي حاصل .. احتفظي بالصور و بكل الادله عشان ما يقدر ينكر زوجك و عشان اهلك يصدقونك و يتقبلون موضوع طلاقك .. اذا المسأله فيها خيانه جسديه و فيها خوف على نفسك من الانحراف او الامراض فالطلاق افضل حل .. |
ما تنلامين على نفسيتك الي تدمرت بسببه
الله يلوم الي يلومك .. بعد انتي مو شاكه الا شايفه بعينك ما حد قالك والي يقول يمكن مقصره وشاف عند غيرك ما شاف عندك .. غلطان ايش هذا قاعدين تبررون عصيان هالرجال لربه وتدافعون عنه .. رب العالمين يقول {31} وَلاَ تَقْرَبُواْ الزِّنَى إِنَّهُ كَانَ فَاحِشَةً وَسَاء سَبِيلاً {32} الله يقول لا تقربوا وانتو تدافعون وتبررون وتقولون يمكن مقصرة يالله دافعوا عنه الحين .. بس بتقدرون تدافعون يوم القيامه اذا وقفتوا فرادى أمام رب العالمين يا أخوان كل واحد مسؤل عن الكلام الي يكتبه .. لا حد يدافع عن المحرمات الي لها نص صريح في القرآن {17} مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ {18} واذا تدافعون عنه عشانه زنى .. وش دفاعكم عنه يوم يشرب خمر .. بعد بتقولون مقصره معاه يعني لازم تشرب عشان ترضيه وبتنسون هذي الاية بعد إِنَّمَا الْخَمْرُ وَالْمَيْسِرُ وَالأَنصَابُ وَالأَزْلاَمُ رِجْسٌ مِّنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ والله يا أختي حتى لونك مقصره معاه من الألف إلى الياء لونه رجال فيه خير والا يعرف ربه قد ذرة ما عمل الي يعمله .. يعني الله ما سد ابواب الحلال عشان يروح ركض على وجهه ويزني ويشرب بعد وسهرات جماعيه اعوذ بالله من غضب الله والي يقول مقصرة معاه .. يعني لو الرجال مقصر مع زوجته هل هذا مبرر لخيانتها والا بيقعد يدافع عنها مثل دفاعه عن الرجال ايش المستنقع القذر الي رامي نفسه فيه ويبي يرميك فيه ويضيعك هذا بالله عليه ما فكر في الطفل الي بيحط راسه بالتراب لما يذكرون ابوه مين لا يا عمري لا تضيعين نفسك .. وعلى شان مين .. عشان واحد ما يستاهلك تعوذي من ابليس .. وخلك اكبر منه ومن شيطانه .. خلك اشرف واعز منه عشان يوم تنفصلين .. عنه تقولين ( وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ ) وهو ماشفتي منه ريحة الطيب تبين تنفصلين .. وتبين تستشيرين اول .. بعد معاكِ حق عشان تخلصين ضميرك ولوني حاسه أن نفسك لاعت منه بسبب المناظر المقززة الي شفتيها بعينك والله لونه شايفك تكلمين رجال على المسن او ترسلينه كان قوم الدنيا عليك ولا قعدها واتهمك ان ما عندك شرف يا أختي سوي الي عليكِ ترى هذا مو من ثوبك الله يهدي الجميع |
مثل ما قلتِ استشيري مراكز مختصة
والله يعينك ويحفظك انتِ وطفلك من شره |
اختي اميرات هو لمن واجهته اخذ كللل الادله وخباها وراح ولا اعتذر ولا شي اهم شي عنده يهددني ميدري احد
وانا معلمت احد لان مالي وجه بس تعبت والله تعبت واهلي مهما يشوفون منه يبررون له عندهم الطلاق عييييب بس انا خلااااص وبنفس الوقت من يوم صارت المشكله وانا اشوف ولدي وابكي ابوه سافر يومين والولد فااااااااقده وشلون لو ننفصل بيتعب مرره لانه يحبه مره الله يكتب اللي فيه الخير اختي ماريسا تسلمين على ردك وانا دايما الاحظ الرجال تبرر لبعضها داااااائما بس هذا قدرنا شنسوي الرجال يتبرر له حتى الزنا والمراه لو بس شكو فيها ممكن تنقتل مع ان هالشي لايمت للدين بصله لانه زنى وماتزوج ادعولي الله يفرج كربتي |
وبعدين اللي يدور على بنات الليل مايدور حب وحنان وعطف
انتو عارفين ايش يدور حسبي الله ونعم الوكيل حتى البنات انا اسميهم بنات ليل بس هم.... وبنات عوايل بس الشرهه على اهاليهم اللي مفلتينهم بس هم حالهم حال بنات الليل حتى اشكلهم جدا سيئه وغير جيلات ابدا وحتى بمستوى اللبس والاهتمام سيء سيء جدا لدرجة اني افتكرت انهم بنات ليل بس عرفت عنهم معلومات ولي تصرف معهم [caution] يمنع التعرض لجنسيات معينه الإشراف [/caution] |
| الساعة الآن 04:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©