|
ادمان زوجي على الكمبيوتر يؤثر علينا
السلام عليكم ورحمة الله وبركاته
بالله عليكم يا جماعة حد يقولة حاجة أد اية انا قعدت منهارة الصبح وبعيط كتير وحسيت انى بجد تعبانة بس مش قادرة خالص اقولة حاجة ( جايز من كتر ما اتكلمنا فى الموضوع وجايز لأنى كان نفسى أحل الموضوع بطريقة تانية أفضل بس حقيقى نفسيتى ما اتحملتش وجايز لأنه مش معقول مش واخد باله خااااااااالص ؟؟؟؟؟؟؟؟؟؟؟ ) فقررت انى احكيلكم انتو وانتو تقولوله بقى مرة بالله عليكم يا جماعة هل طبيعى ان الانسان اول ما يصحى من النوم يروح على الكمبيوتر ولما يجوع يروح لمراته يقولها حضرى الاكل ويرجع للكمبيوتر ويروح ياكل بسرعة وقبل ما مراته تخلص أكلها يكون هو راح للكمبيوتر مرة تانية وعلطول علطول علية باستثناء انه عاوز ياكل او ينام او يصلى الفرض او يدخل الحمام حيث انه وهو بياكل يتفرج على الاخبار وقلتله كتير انت مازهقتش؟ هو الاساس بتاع الناس انها بتتفرج على التليفزيون واللا بيفتحوه بس يتسلو شوية؟ وقفلته بهزار قالى انا كدة هزعل رحت فتحته وقلتله طب انت اقفلة قالى طيب بس شيلى الاكل واعملى شاى الاول رحت وعملت المواعين كمان وتوقعت انى هرجع الاقيه قافله بقى ذوق فضل يتفرج علية وانا كنت هدخل جوة علطول مادام ماليش لازمة وهو كدة كدة بيتفرج بس قلت علشان مايبقاش له حجة اقعد شوية وقعدت شوية أخيط وفضل يتفرج رحت دخلت جوة بقى وانا على اخرى دخلت انام ففضل يتفرج شوية وبعدين دخل زعلان انى ماقلتلوش قبل ما انام وهو كل مرة يدخل ينام من غير ما يقولى قلتلة اية دة اول مرة اعرف منك ان المفروض نقول لبعض قبل ما ننام؟ المهم قلقت حوالى الساعة 3 بليل وقلق هو بعدى بشوية بس لس نايمين على السرير بعد شوية هو قام كنت بحسبة هيدخل الحمام ويرجع طلع راح يقعد على الكمبيوتر وحتى الساعة حوالى 10 صباحا قاعد علية باستثناء الصلاة والفطار اللى هو جة كل وشرب الشاى وراح بسرعة بسرعة على الكمبيوتر المهم انه ملاحظ انى مش طبيعية واللى ينقط انه ييجى يقولى مالك ما ردش او اقول مافيش وأحسبة هيقعد معايا بقى يراضينى لا يروح يقعد على الكمبيوتر مالك مفيش ويروح للكمبيوتر مالك مفيش ويروح لكمبيوتر وانا باين عليا انى معيطة ومدمعة ومتضايقة وهو بعد دة كلة الاهم طبعا عندة الكمبيوتر بجد بجد حاجة تنقط اة بيحبنى واة سألنى كتير كتير مالك وأة هو طيب وأة انا بحبة وأة انا متأكدة انه عايز ونفسة يرضينى ونفسة أكون سعيدة بس هو بيحب الكمبيوتر وهوايته الالكترونيات والموبايل وهكذا مشترك فى موقع على النت وعلطول ناس بيبعتولو حاجات ومشغول بيها جدا جدا وعلطول بيتفرج عليها ما بيزهقش بجد بجد تعبت اوى النهاردة كان نفسى اقولة لما بيسألنى مالك ان (( انا نفسى ارضيك بس مش قادرة نفسى اعملك الكل زى ما تحب والنوم زى ما تحب والبيت انظفة زى ما تحب والهدوم اكويها زى ماتحب وممكن اقدر على كل دة بس بجد اللى مش قادرة علية انى احسسك بعد دة كله انى سعيدة ومبسوطة انى عايشة لوحدى؟)) كنت ناوية بجد اقولة كدة ........... بس ماقدرتش اتكلم خالص خالص بجد متضايقة اوى بس والله الحمد لله ياجماعة بحبة وهو كمان بيحبنى وانا عارفة انه عايزنى ابقى راضية لكن ............... والله احيانا بدعى على الكمبيوتر دة......... بعتلو رسالة اول ما نزل على الشغل وفيها قلتله الله يسامحك والله يدمر ال.......... كنت عايزة اكتب الكمبيوتر وبعدين افتكرت انه حتى قبل النوم يفضل ماسك الموبايل مش عارفة يعمل بيه اية وافتكرت التليفزيون ...........قلت هكتب اية واللا اية....... هقولكم على حاجة............احنا قبل ما ننام احيانا بكون تعبانه اوى الا انى بفضل انى اقعد اتكلم معاه وبحب اكلمة اوى قبل ما ننام......... زى ما تقولو كدة لان دة الوقت الوحيد اللى ينفع اكلمة فية بدون حاجة تانية تشغلة ولكنه للأسف............بيكون تعبان وعايز ينام طب نتكلم امتى؟.............. بس كلام صافى بدون لا تليفزيون ولا موبايل ولا كمبيوتر.............قالى بعد الاكل قلتلة والاخبار و.خلافة المهم دة تقريبا كان امبارح او اول امبارح بالكتير واديكو شفتو انه بيجرى على الكمبيوتر قبل ما انا حتى اخلص اكل و..قلتلة على الموضوع دة قبل كدة ووحنا بناكل بيشغل التليفزيون وحاولت اقفلة لكن بدون جدوى اعمل اية يا جماعة بالله عليكم والله عارفة انه بيحبنى ............ لكن بقى الحب تضحية شوية........ دة حتى فيه حاجات تانية كان بيعملها علشانى علشان يرضينى ويسعدنى والحاجات دى ماكانتش بتسعدنى بقدر سعادتى باحساس انه بيعملها علشان يسعدنى ومؤخرا بقى يختصر الوقت ومابقاش يعملها ........... اصل وقته ثمين؟ انصحونى وانصحوة بالله عليكم خايفة اكون تماديت فى الكلام شوية علشان حالتى النفسية دلوقتى لكن ادينى قلتلكم انى بحبة اوى الحمد لله وهو بيحبنى وبيحاول يرضينى بأنه كل شوية ييجى يسالنى مالك ويمشى بس بصراحة دة بيغيظنى اكتر.....لان اللى متضايق دة اكيد عايز حد يفضل جمبة يخفف عنه وخصوصا لما يكون متضايق من كدة اصلا مش مالك ويروح يقعد بمزاجة على الكمبيوتر ولا كأن فى واحدة جوة منهارة..... مع ملاحظة ان الفترة الوحيدة اللى حسيت فيها انه ماشاء الله اتحسن اوى وفرحت الفترة اللى كان بيروح فيها الشغل كل يوم ويخلص الشغل هناك عالكمبيوتر فكان بيرجع زهقان منه وهو حتى لاحظ كدة وقالى ان الميزة انه بيرجع من الشغل زهقان من الكمبيوتر وقلت انه خلاص قصد يبعد عنه شوية علشانى لكن للأسف ظروف الشغل اتغيرت وبقى يخلص الشغل من البيت فبقت علطول علطول بقى حجة الشغل موجودة انه بيروح علشان يشتغل وكتير بيقعد مش على الشغل وماتقولوليش انه صحى من النوم الساعة 4 الفجر جرى على الشغل والمهم لما تيجى تلكلمة بقى...........مثلا قعد على النت عادى زى ما حب وانا مثلا نايمة او مشغولة فى المطبخ وفى الوقت اللى انا قاعدة فية بقى...........هو بيشتغل بحيث ما أقدرش اكلمة ممكن مايكونش دة اللى بيحصل اوى علشان ما افتريش علية يعنى ممكن ما يكونش قاصد لكن انا حاسة ان دة اللى بيحصل حتى لو بدون عمد منه شكرا ليكم ومعلش دوشتكم بس بالله عليكم ادعولنا وانصحونا وجزاكم الله كل خير تم تعديل العنوان ليتضح المضمون الإشراف |
يا جماعة قولولى بصراحة لية مش بتقولولو حاجة
هل الموضوع طبيعى للدرجة دى عندكم طب لو طبيعى قولولى انا ؟؟؟؟ |
والله يا اختي انا كنت مثل زوجك
ولكن تركت هذي العاده بعد ما زوجتي عاقبتني بالتطنيش تنام بغرفه ثانيه ماتاكل معي ماتكلمني واخيرا انا شلت فراشي وجيت انام معها بغرفة الضيوف وبعدها تناقشنا وتفاهمنا والحمدلله عدت السالفه على خير والحين خففت كثير من النت وصرت اقضي وقت فراغي بمساعدة زوجتي بشغلها برغم انها طبيبه ولا افهم شي بشغلها بس تطلب مني طباعة موضوع او عمل ديزاين معين لبحث طبي ترسلني صيدليات اجبلها اغراض تحتاجها برغم اننا نملك سائق ولكنها تقول روح انت علشان انا اثق فيك انك بتجيب اللي في بالي وبالمره غير جو وهكذا تعودت اني اترك النت وبالعكس حتى نفسيتي تحسنت هي كانت تشك اني استخدمه باشياء اباحيه ولكني فتحت جهازي لها وتاكدت اني مو كذا وقلتلها الدليل اني افتحه بوجودك قالت صح فانا انصحك بالتفاهم والحوار ممكن يتعدل زوجك تحياتي |
اهلين اختي هدي بالك
حاولي مثلايوم اجازتة تعملين له جورومنسي وتكلمينة بموضوعكم ويكون مزاجك رايق اوحاولي انتي اشغلي عمرك بشيء حسسية انك متغيرة علية اواطلعي زوري صديقاتي انافهمت من كلامك محتاجة احد بجنبك مالومك والله الوحدة صعبة انامطلقة وادرس يعني مشغولة واحياناابكي من الوحدة صح اطلع واجي بس ودك احديشاركك همومك كل شيء انت هونيهاتهون واعذرية هالايام مشغول وانتي الهي عنة وان شاءالله ترجعون احسن من قبل واحلى بعد كثري استغفار وادعي ربك وربي يفرج همك موفقة |
مع الآسف يا اختى كثير من الرجال هكذا ولكن ايضا الغالب انهم يرتدعوا عندما يعلموا ان هذا يضايق الزوجة ولكن مشكلتك ان زوجك لا يعلم بكل ما يدور فى خاطرك و لا يظن ان الآمر يصل الى كذ هذا صارحية وتفاهمى معه وقولى انا احتاجك اذا لم تعطى لى الاهتمام والحنان من يعطيه لى قولى له انا زوجة ولست لغرض البيت والآكل والـــ.................... يا اختى لا تخجلى من زوجك يجب من المصارحة وفقك الله لما يحب ويرضى |
جزاكم الله كل خير
وشكرا لكل اللى رد ياجماعة اتكلمنا فى الموضوع كتير لكن اللى هوايته حاجة وان اتغير شوية صغيرين بيرجعلها تانى هو أحيانا بيييجى يسلم عليا ............. أنا بحس منه انه حاسس انه غلطان انه سايبنى لوحدى لكن الانسان وان فى الاول كان ضميرة يأنبه ولكن بعد فترة بيتعود ودة اللى انا خايفة منه وعلى فكرة احنا عرسان بقالنا شهرين وشوية نفسى يكرهو من جواه أو على الأقل مايبقاش له حياة عليه كدة....... (يارب ما تلغى حياته معايا) وشكرا |
يا جماعة انتو لو وجهتولو هو كلام مباشرة انا ممكن اخليه يقرا الموضوع علطول ان شاء الله
|
اختي سما ما في احسن من الرساله تكتبي فيها كل اللي كتبتيه لنا على المنتدى و حطيها في ظرف و ضعيها في سيارته او عل الاب توب عشان يقرأها .. بيني له في الرساله انك تقدري عمله و جهده لكن لازم يهتم فيك انت ايضا .. وان الوضع هذا صعب جدا عليك .. يعدين يا اختي لاحظت ان زوجك صاير محور اهتمامك .. اذا ما عندك اطفال تلتهي معهم اعملي لك برنامج فيه هوايات و زيارات لصديقاتك و جيرانك و اهلك .. خذي لك دوارت في اي مجال انت تحبيه مثل دوره مكياج و تصفيف شعر او دوره خياطه او حاسب الي او لغه او رياضه .. المهم انك تشغلي وقتك بدل ما جالسه في البيت تراقبي زوجك متى جلس على الكمبيوتر و متى تفرج على الاخبار في التليفزيون او متى نام و متى صحى و متى اكل و و و و و .. وربي يسعدك .. |
عادي يا عيوني كلهم هكذا
انزلو لبنان نتقطع الكهربا كل يوم ست ساعات هيك يجلس الرجل مع زوجته جو رومنسي عصب عنه وعنها الآن عرفت قيمة قطع الكهربا والله انا زوجي عنده لعبه على الكمبيوتر له اربع سنين ونصف تقريبا هي نفسها لا هو زهق منها ولا هي زهقت منه واذا الموقع توقف للصيانه تلاقيه باله مشغول متى تعود اللعبه وكأنه فاقد زوجته ستتعودين يوما ما على وجود زوجك امام الكمبيوتر يا ما عملنا مظاهرات واعتراضات وطالبنا باقل حقوقنا ويوم واثنان وترجع حليمه لعادتها القديمه نصيحه اشغلي نفسك بالتقرب من رب العالمين |
أما بالنسبة لي متل ما قلت لك اختي سما بموضوعك الماضي
الوضع هدا طبيعي و عادي و رح يكون غريب لو شفت زوجي مو عالكومبيوتر او الموبايل او بتابع الأخبار اللي كان يجنني لما يكون الوقت كله رايح بالألعاب !!! لكن الحمد لله اللي عافانا بعد سنتين زواج على ما أذكر زوجي أقلع عن ادمانه للألعاب يعني كم تكون الزوجة متضايقة لما تشوف انه مهمل الكلام معها و مدمن مشان شي ضار يا ريت شي مفيد أنا بنصحك انك تحاولي تطنشي زوجك و تطنشي و تطنشي و لا تروحي لعنده لو بقي ساعات طنشيه حتى يجيه عقل و يحس على حاله و يجي لعندك يمكن يجي لعندك يحكي معك دقيقتين مو أكتر لكن بتبقى أفضل من شعورك انك انتي اللي راكضة وراه دائما دائما و حاولي تقنعيه بإجازة تروحوا فيها لمكان تغيروا فيها جو بحيث يكون عنده وقت يقضيه معك لأنه رح يكون معظم وقتكم خارج الفندق و رح تكون الرحلة سياحية و حاولي كل اسبوعين مثلا تخرجوا من البيت لشي مكان مطعم او غيره غير هيك ما بقدر بفيدك غير انك تشغلي نفسك بأي شي و تعتبري حالك و كأنك متزوجة و زوجك مسافر وقتها رح تقولي يالله الحمد لله عالنعمة على الأقل زوجي عم بنام عندي بالبيت ما عم بنام لحالي صدقيني وضعك طبيعي سبق حكيتلك عن زوجي و صرتي بتعرفي وضعي متل وضعك تماماً اصبري و الوضع ان شاء الله رح يتغير على الأقل انتي رح تتغير ظروفك و ما رح تسألي عنه انصحك تجيبي لحالك كومبيوتر و تتعرفي على النت من خلاله ووقتها رح تستغني عن زوجك تماماً بالتوفيق |
| الساعة الآن 12:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©