اعاني بسبب ابني وشقاوته في البيت والمدرسة
 

مساء الخير للجميع,,,

انا متزوجه من 12 سنه وعندي ولدين الكبير عمره 10 سنوات والثاني 4 سنوات والفرق بينهما 6 سنوات كبير نوعا ما بس لو تعرفو تعذروني انا كنت ادرس وحابه اكمل دراستي وماعندي احد اضع ابني عنده

المهم ابني الكبير بيطلعني فاقده عقلي تصرفاته غريبه كان يحب المذاكره والدراسه اما الحين مهمل ومشاغب بالمدرسه الكل يشتكي منه بشكل بشع

انا ماانكر انه من قبل هو مشاغب بالبيت وصاحب خناق مع اولاد عمه (حنا ساكنين مع اهل زوجي)وصاحب خراب درجه اولى كل شئ بيده خلاص يروح فيها كل العابه خربانه بسببه ماتبقى عنده لعبه وحده صاحيه
هذا من قبل طبعا اما الحين صار صاحب مشاكل بالدقيقه مشكله بل مصيبه على طول يرفع صوته علي ويضربني ويضرب اخوه بدون سبب بقوه ومره من المرات دفعه وانفتح راسه ,وكل اجهزتنا عطلانه بسببه مثلا التلفاز مو بس يشوفه لا بل يبحث بالقنوات ويروح بالضبط والى ان يعطله واذا قاله والده من اللي عطله يحلف انه مو اهو(دايم يحلف كذب ويبكي ويصرخ والله انا ماعملت كذا وماايعترف حتى لو كشفناه)وكل اجهزتنا عطلانه بهالطريقه وعلى فكره هو ذكي بدرجه كبيره دايم يحب يتكلم مع الكبار والصغار ما يتصالح معهم ابد لانه هو يبغى يقودهم واذا خالفوه ضربهم وشتمهم ما يحترم احد ابد حتى انا وامي وجدته واخواله وربي اذا روحت بيت اهلي ضربهم بالجزمه وكسر ابوابهم والله اني انحرج مع الكل والجميع يتحاشوني بسببه يبغوني اروح معهم لرحلات او من هالقبيل بس يتذكرون ابني ومشاكله ومايعزموني رغم اني مااطلع من البيت ونفسيتي زفت ومحتاجه اطلع مع اهلي لان زوجي مايطلعني ابد ,,وانا سويت كل الطرق مع ابني راضيته ووحاولت افهمه اني اثق فيه مافي فايده وضربته ومافي فايده
والحين طلعت معه مشكله ثانيه وهو انه يسرق كثير من اغراض والده وامواله واموالي واذا واجهناه نكر وحلف انه مو اهو ونكتشف ان هو بس مايعترف ابد
ماانكر ان والده مهمل له وما ياخذه معه رغم كبر ابنه ومايطلعنا ابد انا والاولاد مثل باقي العائلات واقرب شئ اخوانه اللي معنا بالبيت دايم مع اولادهم واذا قلت لوالده اخذه معك يقول اهو صاحب مشاكل ومايبغى يفشل مع اصحابه
ولا تقولون لي خليه يروح في نوادي وغيرها لان والده مايتعب ويسجله فيها ابد وانا حرمه مااقدر اسوي شئ مثل كذا وعلى كذا الماده شوي ماتسمح لنا

والله تعبت من ابني وكثير ابكي واصرخ واطلع الى حاله جنون واضرب نفسي مدري وش اسوي ؟ارجوكم ساعدوني؟؟وهل ولدي مراهق ؟؟


[info]تم تعديل العنوان ليتضح المضمون[/info]

اختي في علاج سهل وسريع و مضمون


ادعي له ،،،، امامه و خلفه

تهدا نفسيته و تهداي انت ايضا

و لا تنسين تدعيلي معاك

الله يهديه ويصلحه ويوفقه ،،، هو وكل اولاد المسلمين

استغفري حبيبتي بنية اصلاح ابنك اقراي سورة ياسين على ماء وشربي اياها انتبهي يشربها كلها عشان ما يضل وتنكب وخذيها نصيحة من اختك مفعول القران والاستغفار مثل السحر والله يهدي ان شاء الله*بعدين اكيد انتو بتفرجو انكم متضايقين منو واحكي لجوزك نصيحة اذا كبر ابنك خاوي يعني كن له أخ وصديق خلي يطلعو معا ويرحوا مع بعض ويسولف معا وانتي بتحكي ذكي يعني ببساطة لما تشوفي بلعب بالتلفزيون احكيلو هات الريموت خلينا نكتشف مع بعض ابنك حبيبتي مو صغير حرام بدو رعاية اكتر من هيك عمرها المصاري ما خلقت بيئة مناسبة للطفل الام والاب بتعاملهم مع اولادهم واسلوبهم البعيد عن العصبية بربوا اطفالهم احسن ترباية وانتي حبيبتي روقي ما لازم تضربي حالك وتعملي هيك اساليب لازم تمسكي اعصابك لازم تصاحبي ابنك لازم تمدحي امام الناس بوجودو هو ذكي وعارف انكم بتدايقوا من تصرفاتو بس حرام بدو مين ياخد بايدو ولا بصير عدائي الله يهدي ويهديكي ويهدي جوزك للترباية السليمة يعني اكيد هو بعرف انو ابو ما باخدو بس يطلع فالولد بعاند وبزيد عنادو يمكن حاسس حالو منبوذ