هل تؤيدين دخول زوجك معك غرفة الولادة؟
 

السلااااام عليكم

حابة استفسر عن ارائكم حول دخول الزوج لغرفة الولادة هل هو امر جيد ومريح لنفسية الزوجة ام لا؟؟
لاني بصراحه افكر اني ادخل زوجي معي :24: احس اني خايفة اكون لوحدي وما اقدر اخذ احد من اهلي
ابي ارائكم وتجاربكم


ولكم خاااااااااالص تحياتي

ان برأي لا لان اللي عم تلد بتكون في وضع كتير محرج ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ومو حلو الوحدة زوجها يدخل معاها اما اذا قيصرية نصف بنج حلو يدخل ويكون جنبها

هذا مجرد راي عزيزتي وانت بتعرفي قوة قلب زوجك وتكلمي انت وياه بالموضوع

ان شاء الله تقومي بالسلامة يا رب

ولا تنسي تدعيلنا وانت تولدي لان دعاء اللي عم تلد مستجاب

ربنا يرزقك الذرية الصالحة

زوجي مادخل معي اول ولادة لانه كان مسافر و الحمدلله انه ماكان موجود...
بهدله ما بعدها بهدله و مناظر تتقزز لها النفس .. كيف اخليه يشوفها..

طبعا في عضوات بيقولوا لازم يكون في ساتر .. صح .. في حالتي كان كل شي اوكي
بس اول ما حصلت بعض المضاعفات ..(( نزل نبض الجنين و صارت هوجة بالغرفة .. انشال الغطا و جو االاطبا))
صارت حالة :) حتى ممرضات الغرف الثانية جو عندي الغرفة و جلسو يشجعوني تقولو كنت العب كرة :) :)

المهم كانت امي عندي الله يعطيها العافية و صراحة هي الوحيدة اللي كنت محتاجتها سواء ايام الحمل الاخيرة
او اثناء الولادة او حتى بعد الولادة,,,الله يعطيها الصحة

خلاصة الكلاام :) اذا الولادة قيصرية .. ايوه ياريت الزوج يكون موجود
بس في الطبيعية خليها موجود طول الوقت بس وقت ما يوصل الشق 10 سم و تبدأ الولادة
الافضل انه يغادر الغرفة ..

انا بافضل يدخل معاي ويوقف جنبي وهوه كمان يبي يدخل معاي بس ان شاء الله وقت الولاده مايكون مسافر

مستحيل يدخل معي تعبانه وعندي احد لا لا:(

امي تروح معي بس ماتدخل اثناء الكشف والولاده ابدا استحي

انااوئيد وبشده انا3 مرات زوجي دخل معاي ومره امي
وبعدين اكيد ماراح يطلع وهو باله بيكون مشغول وبيكون بحاول يساندك انااخر ولاده كان زوجي يبي يصلي وطلبت منه يصلي عندي بالغرفه لاني خايفه اولد وهو مو معاي وفعلا لمارجع كانت باديه الولاده
الله يقومك بالسلامه

انا زوجي دخل معايا بالولاده

وفعلا حصل مضاعفات زي ما قالت نوره (ضعف نبض الجنين وصعوبه في الدفع) وشالو الغطا

لكن هذا زوجي اذا ما شافني وراعاني وانا في اضعف حالاتي مين رح يشوفني ويراعيني؟؟

لولا الله ثم زوجي وتشجيعه ليا وقرايته عليا وخوفه اللي باين من عيونه كانت حتكون الولاده اصعب..


عارفه الى الان وهو كل ما شاف ولدي من وقت للثاني يقعد يدعيلي على التعب اللي اتحملته وقت الولاده لانه شاف كل شي بعيونه ...
راح عند والدته وصار يردد عندها (امك ثم امك ثم امك ثم ابوك) لانه شاف وشهد بنفسه الولاده..

اغلب الرجال يفكرو انه بس دفعتين بسيطات وبينزل البيبي من احلى ما يكون وانه احنا بنتدلع واللي بيسمعوه من الم وتعب كلام افلام وكلام فاضي..

صديقتي ولادتها كانت صعبه ومو عارفه تدف مضبوط والبنت كانت مرعوبه وقعدت ساعات في الولاده مافي فايده راحت الدكتوره بالاخير عصبت ونادت زوجها وخلته يدخل الولاده غصبا عنه ولما دخل البنت ولدت بعد ربع ساعه!!
والسبب انه الله سهل عليهم بعد ما قرى عليها زوجها وهي نفسيا اتشجعت لما شافته فوق راسها يطبطب ويهون عليها..

انتي استخيري ووشوفي اللي يناسبك..

انا لما كنت حامل ما كنت حابة ولا حد يدخل معي لا زوجي و لا أمي لأنه كنت بستحي و ما حبيت حد يشوفني بهالحالة
بس لما دخلت الولادة و مرق وقت قصير طلبت منهم يدخلو زوجي لانه كنت حاسة حالي رح أموت من كتر التعب و حابة أشوفه لا سمح الله اذا صار شي :) و الشغله الثانية انه نبض الجنين نزل و شفت الخوف على وجه الممرضات و كنت اشوفهم متل انه شفقانين عليي فحبيت يكون موجود معي يطمني على بنتي ...
بس للأسف الدكتور ما سمح بدخوله لانه من الشروط اني أطلب قبل الولادة حتى تكون الولادة بالغرفة الأكبر ..
و ان شاءالله على الولادة الثانية رح أطلب وجود زوجي ..

الله يقومك بالسلامة