|
كيف اتعامل مع ابني الموهوب ؟
السلام عليكم عندي ابني موهب حيييل ما شالله عليه احس انه يختلف جداً عن اخوانه الاثنين ما شالله عليه سوا في التفكير او في حل المشاكل وحتى في الحصول على المال والحصول على اللعب والمتعه مايجي يطلب مباشرة وانما يتحايل تحايل كبير هو يموت بالكورة فمثلاً مره قالي : بابا تخيل انك صغير وعندك ابو بينام وانت طفشان ويش تسوي قلت له : اخذ كورتي واروح العب قال : طيب لو كورتك مفقوعه كيف تشتري كوره فرحت شريت له كوره مع العلم انه شاطر جداً في لعب كرة القدم وكذلك في طلباته لا يطلب بطريقه مباشرة عند شرحي له دروسه المدرسيه احس انه يحفظ بسرعه جداً وكذلك يفهم في الرياضيات مقارنة بأخوانه السؤال كيف اتعامل مع هذا الطفل ؟ |
الله يحميه و ييحفظه و يحفظ اخوانه يارب
الاحسن اخي الكريم انك تسجله بنادي رياضي عشان تنمي موهبة لعب الكرة من جهة و من جهة ثانية تنمي له هواية تشغله عن اشياء كثيرة لما يكبر .... كمان جيب له كتب صغير .. كتب الالغاز مثلا ... ودايما عطيه مسائل رياضية اكبر من عمره شوية علمه الشطرنج لانه ينمي الذكاء فعلا ... نمي فيه حب القراءة ... خذه المكتبة و خليه يختار اي كتب يحبها ... سبحان الله يمكن يصير عالم بيوم من الايام و يرفع راسك و راسنا كلنا ... الله يحميه ياارب بس انتبه اهتمامك به يطغى على اهتمامك باخواته لازم تنتبه على العدل بينهم عشان مايكرهوه ويحسوا انك تحبه اكثر منهم .. |
انا نفس الشيء عندي اخو صغير ماشاء الله يفهم
واختبرته اختبار ذكاء للأطفال وماشاء الله عليه بحاول أجيب له كتب اطفال يقرأها وفي مواقع للأطفال مثل مكتبتي للاطفال فيها كتب الكترونية ممكن تطبعها ويقرأها ........ لان القراءة اهم شيء في تنمية ذكاء لدى الطفل ......... انا الان صرت اعطيه قصص علماء وكتيبات صغيرة يقرأها .......... |
اقتباس:
مشكوره اختي نوره على ردك بس بالطريقه هذي احس اني راح اشتت افكاره يعني برايك يكون التركيز على نقطه معينة اللي هي موهبته مو كذا احس وشاكر لك ومقدر مرورك الرائع |
اقتباس:
هلا وغلا بيك اخ سلطان ماشاء الله الله يحفظ لك اخوك الزغنون ممكن جدا في حكاية الكتب انه تنمي نسبة الذكاء اكثر انرت صفحتي |
كم عمر ابنك؟
|
اقتباس:
هلا سحابه عمره الله يحفظه 9 سنوات |
عليك الذهاب به الى مركز للالعاب الخاصة بالذكاء مثل العاب الفك والتركيب والهندسة لانها تحتاج الى ذكاء واشتري له عدة العاب
وكذالك اعرضي له دائما مسائل ومشاكل تحتاج الى ذكاء واطلبي منه حلها اخبري مدرسته لكي يشرف عليه منسق الموهبون حفظه الله ورعاه |
لاتستطيع أن تجزم بأنه موهوب الا اذا خضع الى اختبارات وقياسات نفسيه وسلوكيه وعقليه مثل:
مقياس وكسلر ستانفورد بينه هنا اذا كان موهوب يخضع لبرنامج الموهوبين ويصنف على أنه ذوي احتياجات خاصه ولايعامل كالأطفال الآخرين.. مبدأيا هو ذكي والذكاء يختلف عن الموهوب.. أختك أخصائيه تربيه خاصه مسار اعاقه عقليه (تحت الأنشاء) |
| الساعة الآن 02:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©