|
كيف اتعامل مع زوجة اخي و امها و كلامهم عني
السلام عليكم ورحمة الله وبركاته
اكيد انكم مليتوا مني ومن مشاكلي بس تحملوني ماعندي غيرك بعد الله اشكي همومي الشيخ اعطى زوجي علاج يستخدمه وماء مقري فيه والحين أنا ابحرص عليه مرررة لان حالته مازادت الا بعد ماقرأ على أخته المسحورة ويقول الشيخ يمكن هو فيه شي وتأثر بالقراءة ادعوا ان ربي يعينه على البرنامج اللي عطاه الشيخ تخيلي ماان استقر الموضوع هذا وحسيت ان الفرج جاي يطلع لي موضوع آخر الموضوع زوجي سافر وماعلم أحد من أهله ابد وبحكم ان أخواني متزوجين قرايب زوجي على طول انتشر الخبر أخوي متزوج بنت أخت زوجي قالت لاخوي ان خالي اللي (هو زوجي) يتشكى من أختك ويقول انه مل من أختك وان اختك دايم مشغولة بدراستها وماتهتم به ولاتهتم ببيتها علشان كذا سافر تخيلوا ان زوجي ماقال لاحد من أهله انه مسافر وكان يقول لي مو لازم اذا دق عليك احد من اهلي تعلمينه اني مسافر وكانوا يدقون علي وانا ماارد وأنا اعرف زوجي مو من النوع اللي يتشكى مني عند أهله ابدا وسبق طلعوا كلام وقالوا انه يقوله عني ولما درى عصب مرررررة وتهاوش معهم الأمر الاخر انا دايم أسال زوجي ياابوفلان انا مقصر معك في شي ويقولي ابدا ماقصرتي انا اهتم ببيتي والله وأهتم بعيالي والطبخ كله علي صح فيني بعض التقصير بس مو لدرجه ان زوجي يشتكي حسبي الله ونعم الوكيل قاعدين يطلعون اشاعات وهم مايدرون كيف الازمة اللي جالسه اعيشها الله أعلم كيف أهتم به وأراعيه ياناس أنا ادرس ماجستير وبحوث وواجبات يعني المسأله تحتاج جهد وزوجي رافض موضوع الشغالة ويقولي انت قايمه بكل شي مايحتاج مو هنا المشكلة المشكلة كيف اتعامل مع مرت أخوي كل شوي مطلعه علي كلام هي وأمها بعد زواجي بشهر قالوا ان زوجي مايحبني واني مازلت بكر وانه ماجاه اكتئاب الا مني لانه ماحبني طبعا هو تهاوش معهم وصارت كبيرة الحين وبما ان زوجي يمر بالوضع اللي عارفينه صعب جدا اقوله عن شي او اتأكد منه لاني عارفة انه ماقال وراح يتهاوش معهم خصوصا انه دايم يوصله كلام يقولونه لي على لسانه ويعصب على كذبهم ويقول ابروح اوقفهم عند حدهم وانا ارفض وصعب أكلمها لاني بنفس الوقت أنا عارفة أن اخوي هاليومين ناوي يتزوج ثانية وماودي اصير في وجه المدفع معها طبعا هذا الكلام اللي وصلني غير الكلام اللي اسمعه مباشرة ويقولونه في وجهي مهما تزينت ومهما اهتميت يقولون انتي ماتهتمين بشكلك لازم يطلعون شي في شكلي ولبسي علشان لبسي دايم ساتر يفكرون اني حتى عند زوجي هذا لبسي ليه ماتشترين شنط كثيرة ليه ماتشترين ماركات (طبعا هذه امور متفقه فيها ان مع زوجي بسبب الوضع المادي ) ليه جوالك كذا يفشل مع ان كل هالأمور اتنازل عنها علشان أخوهم عفواً تم تعديل العنوان ليتضح المضمون الإشراف |
كلمي اخوكي
و فهميه ان كل شي له حدود و ان زوجته تسعى لخراب بيتك ما نفع كلمي الوالد يكلم اخوكي و زوجته انهم يكفو اذاهم عنك ما نفع كلمي زوجه اخوكي امام اخوكي ووقفيها عند حدها الانسان الي ما يفرض احترامه علناس بهلزمن تروح قيمته و يفسرو سكوته ضعف خاصه ان تدخلها بدا يعرض استقرار ك الاسري عندها تكوني وجه مدفع لانهم ما همهم و يسعون لخراب بيتك و انت في موقف الدفاع عن مملكتك و بيتك و اسرتك |
المشكلة ان أهلي كلهم صاروا مصدقين كلامها وفهموا ان زوجي ماسافر الا لخراب بحجة اني ماصرت أهتم به وانه اول مرة من تزوجته يسافر لحاله وكل هذا وهم مادروا ان خفف لحيته لو دورا راح تتأكد هالفكرة
تدرين ياأختي الغربة اني مااختلط بهم كثير يعني زوجه اخوي ماشفتها من 3 شهور وقبلها ماشفتها الا من اربع شهور بحكم انهم مو بنفس المنطقة وأمها اخر مرة شفتها برمضان وعلى كل هذا يتكلمون عني |
اختي المشكله
انك تبينين امامهم انك ضعيفه و انك متاثره اختي ما يهمك مين يصدق ومين يحكم عليك انتوزوجك خلك واثقه و قويه و حددي موقفك امام الجميع لا ترضي ابدا باي اتهام ولا ي كلمه تقال ولا حتى نظره فيها شك و ابداي بزوجه اخيك بعدها لن يتجرا احد على ان ينتقدك |
اقتباس:
والله انك صادقة ودي مررة اوقفها عند حدها وأخليها عبرة لغيرها لكن المشكلة امي تقول لاتقولين لها شي يمكن تطلع كلام أكثر اذا درت عن زواج زوجها ويمكن تحاول تخرب بيتك وانتي انتبهي لبيتك اااااااااااااااااااااااااااااخ تصدقين ياأختي انها جالسة بالبيت وبديرة ماعندها احد من القرايب يعني مافي طلعات ولا تطبخ ابدا لزوجها يجي من الدوام وهي نايمة والحين جاب لها شغالة وانا اللي حتى فطوره للعمل اصلح له ماابيه ياكل من بره تجي تتكلم علي وتفتري مااقول الا حسبي الله ونعم الوكيل |
اختي ثبات الشئ هذا المفروض مايزيدك الا فخر وثقه بنفسك تدرين ليش
لانه مارموك بكلام الا من حقدهم وحسدهم لانك مميزه ولانك بالمقدمه ولانك انسانه ناجحه عشان كذا الغيره تلعب دور إِذا رٌكِلتَ مِنَ الخلفِ فأعلمٌ أنك في المُقدِمة الحل مع هاالاشكال هو التطنيش فقط وشوفي كيف ينحرقون ليش انتي تحرقي اعصابك وتوتري جوك مع زوجك اذا سمعت منهم شئ ولا كأنك سمعتي واذا تكلموا في شياكتك ولبسك ردي عليهم قولي انا عاجبني شكلي وزوجي راضي فيني زي ماانا وماحد له دخل ........... ولاتحطي عقلك بعقلهم هم ناس مرضى خذيهم على قد عقولهم وعيشي حياتك بالطول والعرض شفتي كيف كلمهم زوجك كذا مره وعمل مشاااااااكل وماستفدتم شئ غير حرق الدم وتكرر الموضوع صح ولا لا غيري طريقتك وشوفي النتيجه والله يوفقك ........ |
اقتباس:
راح اعمل بنصيحتك |
| الساعة الآن 08:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©