|
قصة بنتي اشيروا علي
السلام عليكم اخواني حبيت استشيركم في قصة صغيره لبنتي اللي عمرها اربع سنوات ونصف سجلتها قبل اسبوع في الروضة بناء على رغبتها واصرارها لانها حابة تتعلم واحيانا تصحى معاي لما اصحى لدوامي وتسوي مناحه ليش انتي تروحين وانا لا؟!! انا ماكنت مقتنعه لان احس توها صغيره خاصة الحمام اعزكم الله انا الي اغسلها منه لكن الشيء الصغير هي تعتمد على نفسها فيه ........................... المهم سجلتها بالروضة وكل يوم تروح معاي وانا رايحه دوامي بس هي دوامها من الساعه 7 الى الساعه 11 ونص اول ثلاث ايام امورها تمام رابع يوم أبوها اتاخر عليها شوي ولما اخذها كان وجهها حزين لما وصلنا البيت قالت ماما لاتهاوشيني مالي ذنب بابا اتاخر علي ... طلعت متبوله اعزكم الله على ملابسها الداخليه المهم ضميتها وقلت معليش عادي .. وبعدها صارت نفسيتها حلوه ولعبت واتغدت ,,, خامس يوم ..... ابوها جاها على الوقت 11 ونص ولما وصلت البيت طلعت عامله عمله كبيره ... على ملابسها ,,,, اجلكم الله ,,,, ونفس القصه السابقه قالت ماما لاتهاوشيني انا ماعرف اغسل نفسي ومحد بالمدرسه شافني تقريبا عملتها نهاية الدوام المهم طمنتها وضميتها ومشت الامور ,,, ................. انتهى الاسبوع الاول وبدا الاسبوع الثاني اليوم : بنتي حوالي الساعه 10 ونص حست انها راح تعملها وبلغت معلمتها اتصلي بماما وبابا ابغى اطلع البيت المعلمه اتصلت علي وطبعا بحكم عملي مشغوله مادريت عن جوالي واتصلت على ابوها ومارد. ,,,,,,,,, حسب كلام معلمتها لي انها قالت لها يالله روحي الحمام ونزلي ملابسك زي الاطفال واعتمدي على نفسك ,, لانه مو من عملها تنظيف الاطفال , وفي هذي صادقه والمدرسه السيئة مافيها عامله تهتم بهذي الامور وانهم سبق وخبروا مالك المدرسه ومااهتم للامر , المهم بنتي لما اخذها ابوها نهاية الدوام كانت تبكي ومحطمه لانها هذي المره كل الاطفال انتبهوا لها وضحكوا عليها وقالوا لها كلام مؤلم مثل اوووووووووف ,, ريحه ,, يخخ ,, الخ واقفال انوفهم وحركات جرحتها كل هذا هي خبرتني به وهي تبكي لما رجعت انا البيت. وقالت خلاص ما ابي الروضه راح اغيب راح اتركها .. والا انتي كل يوم معاي ماتتركيني ؟؟.. وبطنها كان يوجعها وماتغدت زين ,, انا ما ادري..... هل اغيبها اسبوع او يوم يكفي لراحة نفسيتها ومن ثم اخليها تداوم نصف دوام يعني من 7 الى 9 ؟؟ ارجوكم اشيروا علي ؟؟ انا اخاف البنت تتعقد وتكره الروضه والمدرسه كلها ؟؟ ملاحظة:: بنتي تقول لي قبل اسبوع انه الاستاذه صرخت علي لما قربت من طفلها.. وبنتي من النوع الهادي مو شقيه خاصه عند الاغراب .. وقلتلها لاماصرخت قالت شويه ياحلوه ,,, قالت الا صرخت علي زي كذا ....... ومثلت لي . واليوم قالت بنتي ::: ياماما الاستاذه قالت لي (( بنبرة صراخ )) روحي يالله نزلي ملابسك في الغساله .. انا اشم ريحه كريهه منكي ...قدام الطالبات وهم طبعا كملوها باووووف ريحه . يع .... اذا صدقت بنتي فهذي طامه انا ماعتمدت على كلام بنتي ... بس استغربت لانه معلمتها لما اتصلت عليها الظهر استفسر على الي صار :: قالت انا اتصلت بكم ومارديتوا وكنت راح اخذ البنت للحمام وهي رفضت مستحية وقلت لها عادي ياماما كل الاطفال كذا وانا اخرجت الاطفال للساحه للعب عشان مايجرحونها بالكلام ؟؟!! الله اعلم من اصدق ؟؟ لكن انا سالت بنتي اكثر من مره وكان نفس الاجابه اش رايكم ؟؟ |
موضوع حساس شوي, إنت أتكلمي مع المعلمة بهدوء, ممكن تكون صادقة...وحاولي تفهميها أنو البنت حساسة زيادة...
أنا أريد أنصحك نصيحة,و أنت فكري زين علشان حد ما يعرف مصلحة بنتك مثلك... لا توقفي بنتك عن الروضة, علميها لإنضباط من هلا, عارفة ليش علشان بنتك تتعود على المواجهة..وما تكون ضعيفة الشخصية.. لو وقفتيها هلا البنت راح تتعود, من أول مشكلة رايحة تقولك خلاص ماما أنا زهقت و ما بدي أروح.....وراح ضيع حالها....أنا م كنت أدرس واجهتني مشكلة مع معلمتي كانت تصرخ على و و و و و...الوالد ما رضى يدخل , وواجهت المشكلة, ولو كانت وحدة ثانية كانت سابت دراستها.. خلي بنتك تواجه الموقف; و هاي حاجات عادية...الكثير من الأولاد تعاني منها...و فكري زين...الله يوفقك .. sabra2009 دعواتكم لي بالزوج الصالح... |
اختي سابرينا الله يوفقك ويرزقك الزوج الصالح الي تتمنينه
اشكرك للرد السريع صدقتي لابد البنت تتعود على المواجهه دوبني قبل افتح الموقع جات بنتي وضميتها وقلت الله وش هالريحه الحلووووه اوعدك ياماما اذا رحتي الروضه اروح معاك وماخليك اتطولين واشريلك العاب .... انقلب وجهها من الابتسامه الى الامتعاض وقالت لا ياماما خلاص ماراح اروح للروضه البنات بكره بيضحكون علي قلت لها لا راح ينامون وينسون كل شيء لكن بكره راح ترتاحين وتنامين وبعدها يسهلها الله |
غيبيها اسبوع وقولي المدرسه قفلت اجازه ..
وخلال الاسبوع علميها تنظف نفسها و ان شاء الله مره على مره رح تعرف وانتي حمسيها وشجعيها قوليلها انا بعلمك كيف تغسلي عشان لما تروحي المدرسه محد يضحك عليكي وهي رح تتحمس وتركز معاكي وتحاول تتعلم.. |
السلام عليكم الحمدلله حليت مشكلتها طبعا خليتها تواجه الموقف بس بهدوء .... غيبتها يومين واليوم الثالث صحيتها وزينتها ولبيت رغباتها (( عقد- حلق - روج - شباصات ملونه - عطر )) ودخلت وجلست معها حوالي نص ساعه ثم انسحبت بهدوء برضاها طبعا وكملت يومها في الروضه بسعاده والحمدلله |
الحمد لله أختي أم صقر....الله يسعدك و يهنيك ببنتك....أنا أشم ريحتها العطرة هون عندي...
sabra2009 دعواتكم لي بالزوج الصالح...... |
اختي أم صقر
بنتك مو صغيرة لازم تعرف انها اذا احتاجت الحمام لازم تروح تطلب من المعلمة انها تروح للحمام بدل ما تطلب انها ترجع للبيت و استغلي فرصة انه كل الطالبات ضحكوا عليها حتى تاخدها درس و تتعلم ما تعيدها لكن موقف المعلمة كان قاسي شوي احكي معها انها ما تتعامل معها بهالطريقة مرة تانية و حاولي الصرامة اكتر مع بنتك من أجل هذا الأمر |
اتفق مع الاخوات انها لازم تتعلم الاعتماد على نفسها بس برضك كيف مدرسة مافيها دادة للاطفال
مستحييييييييييييييييييييييييييييييييييل |
اول مرة اشوف روضة ما فيها عاملة :(
حرام والله تعذيب للطفلة .. يعني هي جديدة في الروضة والنظام مو متعودة عليه .. هي متعودة تروح الحمام في البيت والماما تكون معاها .. بس في الروضة يعني المفروض تكون في عاملة توديها الحمام .. لأنها صغيرة وحرام المدرسة تضغط عليها بحجة انها تعتمد على روحها .. يعني المفروض المدرسة لما تشوف هالشي يتكرر معاها تكون لها سبورت يعني تكون عووووون .. يعني على آخر الوقت توديها الحمام عشان إذا في شي تسويه الياهل وتخلص وبلا احراج ولا تعقيد للصغيرة والله حرام .. لو انا مكانك اوديها روضة فيها نظام اكثر واهتمام ............ |
يا قلبي على بنوتك
حبيتها من كلامج الغلا ..مافي غير انه البنت تتعلم تروح الحمام وحدها |
| الساعة الآن 06:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©