|
مستشفى اسطون ولا مانع الخبر ايهما أفضل للولادة والمتابعة
السلام عليكم ورحمة الله وبركااااته ...
حبيت استشير العضوات الي ساكنات بالشرقية اي احسن الولادة في مستشفى اسطون ولا مستشفى مانع الخبر ... انا بولادتي الاولى ولدت بأسطون وعجبتني معاملتهم وولادتهم الحمد الله وولادتي الثانية بسعد الطبي بس ماعجبتني معاملتهم مع ان الكل يمدحه بس انا حظي سيء فيه فما افكر فيه والحين محتارة بأي مستشفى أولد ناس معارفي قالوا لي ان اسطون لاينصح به المعاملة تغيرت وزحمه عندهم فما في اهتمام ومدحوا لي مانع الخبر فأيهما اختار الي جربت بأحد هذين المستشفيين تعلمني بتجربتها واذا كان هناك مستشفى أفضل يكون احسن ولكم جزيل الشكر . . |
طبعا اسطون مستحييييييييييييييل لانه فاشل مره
طبعا انا ولادتي الاولى في سعد وعجبني اهتمامهم كثير وولادتي الثانيه ان شاء الله بتكون فيه ومااتوقع اني اقدر اولد في مكان غير سعد والمانع احسن من اسطون |
اقتباس:
مشكورة مريوم على المرور بالنسبة حق اسطون انا عجبني في ولادتي الاولى لكن الحين مايمدحونه فشكلي ببعد نظري عنه وسعد ماعجبني حيل احسهم خدمة فندقية يمكن وقت الي ولدت عندهم مافي دكتورات ولاممرضات شاطرات بالنسبة حق المانع ودي اجربه لكن خايفة ولااعرف اسم اي دكتورة شاطرة فيه بس بعضهم مدحوه لي الله ييسر لي الي فيه الخير ويسهل علي وعلى جميع الحوامل يارب . . |
اسطون لأ ... وعن تجربه ... اختي ولدت فيه وقيصريه بعد ... معاملتهم زفت بزفت ...
واعذارهم للقيصريه زفت ... بس يبون يسحبو منك فلوس ... عذرهم للقيصريه انه بنت اختي حجمها كبير ووزنها كبير ... والله العظيم وزنها 2 كيلو بس !!! وسعد انا اسمع انهم مهملين بس اناقه وشياكه عالفاضي ... انصحك تروحي المانع الدمام وللمراجعه الدكتوره صبيحه ممتازه جدا جدا .. خواتي دائما هناك ... ربي ييسر لك ولادتك ... تقومي بالسلامه يارب ... |
اقتباس:
مشكورة هموووم على المرور والله يبعد عنك الهموم خلاص اسطون بعدت نظر عنه وسعد مافكر فيه مثل ماقلتي شياكه عالفاضي الحين حيرتيني بين مانع الخبر والدمام اسمع يمدحون الخبر وانتي تقولين الدمام :d مع ان الدمام اقرب لي الله يقدم الي فيه الخير وييسر لي جزاك الله خير . . |
اهلا بك اختي ..
انا عن نفسي ولدت بالمانع الدمام ولادتي الاولى وكان اجمل طاقم ممرضات ودكتورات متواجد على طول ..والاجهاض تم بالمواساة الدمام ..كان فاشل بصراحة وماراعوا نفسيتي .. والحين حامل وان شاء الله ولادتي بالمانع الدمام ايضا ..ارتحت فيه ..من ناحية المعاملة وتوفر اكثر من طبيبة بنفس الوقت ..ومراعاة النفسية للحامل..والرعاية بالطفل بعد الولادة ,,, الدمام اقرب لي اما سعد اسعارهم غالية جدا واسطون اصبح سيء من كثر المرضى وقلة طاقم العمل ,, بالتوفيق عزيزتي ..والله يقدم لك اللي في الخير والصلاح ,, بالنسبة لاسماء الطبيبات ..انا ولدتني طبيبة فاطمة ..اعتقد باكستانية مرة كانت خفيفة ومعاملتها جميلة ..وكنت اتابع عند الدكتورة ايمان ..وهم حلوة بس ماجربتها ولادة :d... |
ما عندي خبرة الله يسهل عليك ويرزقك الذريه الطيبه
|
اقتباس:
هلا بيك الحائرة مرات اي مانع الدمام يمدحونه وانا ودي اجربه بس زوجي يقول مانع الخبر عشان اشرح وكمان مانع الخبر يمدحونه بس ابغى اعرف اسماء الدكتورات الشاطرات فيه واسطون اصبح سيء من الزحمة صدقتي ومشكورة على المرور والدعوة الحلوة |
والله ماعندي خبر عن المانع الخبر ,,من ناحية اسماء الدكتورات
بس حبيت اصحح انا كتبت اسم الدكتورة ( ايمان) ومش متأكدة بالضبط ,,لانه تابعت بأكثر من مستشفى وحصل لخبطة بالاسمأء ,,اعذريني ’ موفقة عزيزتي , |
اقتباس:
معذورة اختي ماقصرتي مشكورة على المرور وان شاء الله في احد جرب مانع الخبر ويفيدني وله جزيل الشكر تحياتي |
| الساعة الآن 02:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©