|
لم اقصر مع زوجي و يخونني
السلاااام عليكم شلونكم ان شاءالله مرتاحيين .. ما طول عليكم بغيت نصيحتكم ... مساعدتكم ... لأن نفسيتي تعبت كثير :( أنا متزوجه من خمس سنوات .. والحمدلله كنت مرتاحه بس للأسف ما استمر هالإحساس الحلو زوجي من سنتين انتقل لدوام ثاني ويشتغل معه حريم .. حسبي الله عليهم بنات منتهيات بالمره وكان دايم يشتكي من جرأتهن بالكلام والضحك العالي وما يحترمون المراجعين للأسف طحت على جواله ولقيت رساله كاتبها لبنت فيها كلام معسول ما قاله لي أيام شهر العسل :29: انصدمت ماشالتني رجولي وطحت على الأرض ماني مصدقه ... زوجي بنظري رجل مستقيم ماعنده هالأمور ليش يسوي جذي صارحته وقال هاذي بنت معي بالدوام وأذتني كل شوي تتصل علي .. طبعا عذره مش مقبول عندي لأني ما مقتنعه أنا من دريت بالسالفه وأنا ماني قادره أحط عيني بعينه أحس إني كرهته والله كرهته شلون بيربي عياله وهو أخلاقة بهالمستوى !! أنا ماقصرت معاه بشي ليش يخوني والله ميته قهر ندمانه إني وثقت فيه :19: تكفون انصحوني .. تم تعديل العنوان//الاشراف |
اختي طووولي بالك شوي .. انت متى شفتي الرساله ؟؟ هل اعتذر لك و ابدى اسفه و ندمه ووعدك ان ما يكرر هذا الشئ ؟؟ |
حسبي الله ونعم الوكيل
نحن في زمن عجيب لا نعلم نربي أولادنا أم أزواجنـــا الله يعينك حبيبتي |
الله يعينك
|
يشتكي من جراتهن
ويعرفون رقم تلفونه ويدز لهم مسجات تنااقض |
لابد من وقفة حزم !!!
|
كل ما أنصحك بيه ياأختي وهو الصبر لأن الصبر مفتاح الفرج:22:
وماتتسرعي لأنك بعد تندمي لأن حسب كلامك لست متأكدة من خيانة زوجك:18: ونتي أدرى بعمايل النسوان:25: و التوفيق لكي |
عاتبيه هالمرة و بحزم و صرامة من أولها أفضل ما تتطور الأمور و ان شاء الله زوجك بستجيب لك
لكن اذا تاب سامحيه و حاولي تتظاهري بالنسيان و لا تعاتبيه عليها في المستقبل بالتوفيق |
لازم من وقفة جادة ويحس بعظم جرمة ولا تسكتين لهذه البنت اللي يكلمها كلميها وخليها تحس إنك قوية وما راح تتركين لها فرصة وزوجك لازم تذكرينه بالله إذا هو فعلا يبغى يخلص نفسه يغير جواله ولا يعطيها رقمه ولو وصلت له لا يرد عليها ويعاملها بخشونه هذا إذا فعلا يبغى يتخلص منها ولا زم يحس إنك مستاءة بقوة وإنك ماتوقعتي منه هذا الشئ
|
طيب من فين اخذت رقمة
الله يعينك يارب اقعدي معاه وعاتبيه بحزم وبنيلو قد ايش انت ما كنتي تتوقعي ان يسوي فيكي كده وبينيلو قد ايش انت كنت واثقه في وما اتوقعتي انو يطلع منو هادي الحركات |
| الساعة الآن 11:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©