|
هل ميزانيتنا تكفي للذهاب الى دبي في الصيف
أخواني اعضاء المنتدى الرائع
السلام عليكم ورحمة الله وبركاته قررنا انا و زوجي الذهاب الى دبي في العطله الصيفيه بعد ما الغينا فكرة السفر الى ماليزيا لان سعر التذاكر الى 14000 ريال مع اننا 3 اشخاص فقط انا وزوجي و بنتي عمرها 4 ونص سوؤالي هو: ممكن اعرف هل تكفي 15000 ريال للذهاب الى دبي لمدة عشرين يوم علما باننا 3 اشخاص انا وزوجي و بنتي عمرها 4 ونص السكن قلنا راح نسكن في الشارقه لانه ارخص من دبي والمسافه بينهم قصيرة و لا تنسوا تتحفونا باقتراحاتكم :d وشكرا |
اختي انا بفيدك من ناحيه ثانيه لاني كنت بدبي الصيف اللي راح صراحه ندمنا اننا قضينا اجازتنا الصيفيه بالذات هناك الجو حار جدا ورطوبه شديده وزحام توقفين عند الاشاره ساعه يالله تعدين يمكن تنفع بالشتاء افضل من الصيف هذا اولا الشئ الثاني ان اللي يروح دبي سياحته تكون اسواق وملاهي وحنا ماعلينا قاصر بهالاشياء اضافه الى ان بنتك صغيره انا عيالي اللي ازعجونا يبونها انصحك تروحي عمان طبيعه خلابه واجواء خياليه ارجو اكون افدتك |
اشكرك اختي فيافي نجد على مرورك الكريم
الصراحه سمعت عن عمان انها حلوة وفيها طبيعه خلابه بس انا نفسي اروح لمكان فيه تطور وحضاره عكس زوجي اللي يحب الطبيعه انتظر تجاوب الاعضاء |
هلا بمس ماربل
الصراحة سبب الزحمة في دبي في الصيف بالذات لكثرة سياحها.....اما دبي جدا ممتعه في الصيف لان مهرجانها مايتعوض في الصيف.... هي مو سالفه مولات وأسواق لكن هناك عروض شيقه فعلا نحنا من اهلها ومانفوتها الصراحة واليهال ينتظرون هالمهرجانات سواء مهرجان مدهش الصيفية او مهرجان التسوق قمة في المتعه.....عندج مدينه مدهش ومدينه الطفل من أروع الاماكن للزيارة للاطفال... وعندنا اكبر مولات العالم مول دبي جديد لسه فاتحينه والله انه روعه في التصميم مكان مذهل مو بس مول للتسوق راح تتفرجين على اسرار البحار فيه ....وعندك مول الامارات وسكاي دبي للتزلج ايضا عن نفسي مستحيل اخلص لف فيه في يوم واحد لازم يومين :) في أشيا كثيرة في دبي تميزها عن غيرها في السياحة وهذا سبب زحمتها خصوصا في الصيف عندك المارينا وأماكن الظاهر الناس لسه ماكتشفوها لانها جديدة لكنها ماتتفوت ....عندك الباص المائي والتلفريك أشياء كثيرة وفريدة والحديقة المائية بجنب برج العرب (الوالد وادي)..... انا العام كنت في ماليزيا والله حق ماليزيا اللي يميزها جوها حلو وطبيعتها لكن ما اشوفها بعيدة عن دبي في شي.... وبعدين وش خسرانه جربي وتعالي أساسا هالعشرين يوم راح يكفون ان شاء الله نزورين كل مكان في دبي ..... وبالتوفيق يالغالية |
اشكرك اختي حرم فلان الفلاني على مرورك الكريم
الصراحه حمستيني على دبي وانا من زمان اصلا احبها ومتشوقه اني اروحها و كلامك عنها زادني حماس بس متخوفه اني اروح لها وميزانيتنا ما تكفينا حق 20 يوم او حتى اسبوع لاني سمعت عنها ان اسعارها نار |
مرحبا مس ماربل انا من أمارات صح الجو حار عندنا بس ما اتحسين بل ملل سويلج برنامج سياحي على سبيل المثال – زوري الأماكن الجبلية في الفجيرة و جبل حفيد في العين اما في دبي كل الأماكن حلوة جولة سفاري في [rainbow]البر ركوب [/rainbow]الخبل أما الشارقة زوري [rainbow]حديقة شبة الجزيرة العربية فيها كل أنواع الحيوانات [/rainbow]..... وشكرا
|
تسلمي يا اختي على المعلومات الحلوة
الله يسعدك دنيا واخره يا رب العفو و العافيه الله يبلغنا كل اللي نتمناه |
حياك الله اختي الكريمة
كنت في دبي لمدة اسبوع في الإجازة السابقة ( قبل شهر ) جلست 8 أيام كانت التكلفة ككل 9000 ريال مع التذاكر انبسطوا فيها الأهل والأولاد كثير وأكثر من الكثير أما أنا فما انبسط لأني من هواة الطبيعة والأنهار والشلالات إلي يحب التطور والحضارة والمولات والأشياء الغريبة والمهرجانات والعروض >>>> فدبي هي الأفضل والأميز أما هواة الطبيعة >>>> فما أظن وإذا عندك اي سؤال فلا تترددي تحياتي |
روحي انتي وزوجك والبيبي خليه عند اهلك
اتوقع معقوله الميزانيه يمكن تضطري تقتصدي في بعض الامور بس الله يعينك على الحرررررر رحت لها في الصيف اللي فات لمدة اسبوع الحر مو طبيعي والزحمه خيااااااال موفقه |
| الساعة الآن 08:46 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©