|
التسوق عبر النت
السلام عليكم ورحمة الله وبركاته
قبل كم يوم كنت أكلم خالتي ... المهم وقالت لي فكرة عجبتني كتيييير تقول لها فترة صارت تشتري كل شي عن طريق النت .. ومن أسواق عالمية .. ملابس .. ساعات .. عطورات أي شي .. والله والأسعار تقول حلوة .. يعني مو مرة مرتفعة .. ولا نوصي فلان يجيب وفلان يودي .. والملابس تقول مرة حلوة ومحترمة وغريبة .. حتى ملابس السهرة .. صراحة الفكرة عجبتني .. حلو أتسوق وأنا جالسة على النت .. وفي بيتي .. المشكلة بس في المقاس .. لكن هي قالت لي راح تعرفي مقاسك لو كنتي دائما تشتري منهم وفعلا دخلت مواقع التسوق وكتيييييير عجبتني الملابس .. حلوة وممكن ألاقيها هنا بأغلى .. أنا ما أبغ غير الملابس .. متعبة نزلة الأسواق بصراحة .. . إيش رأيكم ؟؟ وهل قد جربتو تشترو عن طريق مواقع التسوق ؟؟ |
نعم انا اشتريت كثييييييييييييييير عن طريق النت
بس احسك متمحسة جدا تجربي هالطريقة التكنلوجية الجديدة اكثر المشترى نفسه وهالشيء صابني اول ما اشتريت عن طريق النت بس كان شعور جميل صراحة ان تشوفي الشي على الشاشة وبعد فترة وجيزة تحصليه عندك الطريقة جدا آمنة وبالفعل فيه فروقات في الاسعار .. خاصة في الساعات والحاجات الالكترونية ممكن تلقينها في الخارج بنص القيمة الطريقة سهلة جدا .. تروحي لأرامكس وتفتحي صندوقين بريد في بريطانيا و امريكا بمبلغ لا يتجاوز ال 170 ريال مرة واحد فقط .. ومن افضل المواقع هو موقع امازون .. تجدي فيه اغلب الحاجات الي تبغيها بالنسبة للمكياج والعطور والادوية والكريمات وهالامور .. ممنوع يجيبوها لك بالنسبة للملابس .. هم يقولك كم طول التي شيرت وكم العرض حقه بالضبط بالسانتي وانتي عليها تقرري ان يليق لك او لا تحياتي |
ما اؤيدها مره خصوصا الملابس لو ما جت على مقاسك الله يعوضك خلاص والمشكلة ان الصورة تختلف عن الواقع ومع البس الافضل انك تروحين وتشفين القطعة بنفسك واذا ما صلحت تقدرين ترجعينه هذا رائي |
طيب الدفع لازم فيزا والا كيف ؟ واذا فيزا ما احسها آمنه؟ ياليت تسألين خالتك كيف تدفع؟
انا عندي بطاقة شراء للانترنت من بنك الأهلي وما عرفت اجربها يا ليت أحد يفيدنا . |
بالنسبة لللبس .. لازم تكوني عارفة قياسك بالسانتي الطول بالعرض
بالنسبة للدفع اما فيزا واما ماستر كارد عن نفسي استعمل بطاقة مدفوعه مقدما .. " يعني لو شفت شي عجبني في النت أحط مبلغ في البطاقة وبعدين واشتري " بالنسبة للامان .. هناك مواقع كثيره آمنه .. ودائما تحصلين في هذه المواقع شركة سكيوريتي خاصة مثل PAy Pal وغيره اشتري من المواقع المعروفة مثل امازون و اي بي او اي ماركة عالمية مثل ادي داس او اي ماركة عالمية الطريقة هي لازم اول شي تفعلين البطاقة واذا فعلتيها راح تقدري تشتري اتصلي على خدمة العملاء لبنك الاهلي واكيد راح يساعدونك خطوة خطوة تحياتي |
آنا طلبت من النت لكن آغلبهم عضوات مندوبات آو سيدة آعمال بس كله يكون تمام مرة فستان ناعم كان لملكة آخوي ومرة شناط بس مااطلب الاشياء الثمينة مثل الساعات ولا الخلطات والمراهم ..
|
يووووووووووووووه ياما اشتريت ,,,
بس الصراحة الملابس ما احب اشتريها على الانترنت عشان القياسات من جهة و من جهة ثانية ما تقدري تميزي نوع القماش و جودته و دقة التفصيل الا لما تشوفيه بعينك و تلمسيه كمان الالكترونيات ماحب اشتريها من النت اذا كانت مو موقع زي ايباي او غيره من مواقع التسوق.. حتى لو ارخص.. عشان اولا ماتدري يمكن تكون معطلة او بها خلل او تجميع او او ا و ... و ثانيا عشان الضمان ,,, لما نشتريه من محل يكون معاه ضمان على الاقل سنة و احيانا اكثر .. لكن طبعا ممكن اشتريها من موقع المحل نفسه علانترنت ساعتها بيكون و قتها عادي و كانني اشتري من المحل .. لاني ممكن ارجعه باي وقت ... فا نصيحة اذا غرضك تشتري من مواقع محلات مشهوره ... زي ديبينهامز مثلا ممكن تشتري بالانترنت لانه اذا ماحبيتي الشي ممكن تبدليه او ترجعيه .. لكن اذا تقصدي التسوق منم امازون و ايباي فا ابتعدي عن الملابس و الالكترونيات وقت ما عطل يصلحوه بلاااش ... بس اشياء زي كتب .. سيديهات ... اكسسوارات ... و غيرها اشتريها من النت و ثاني يوم تكون عندي |
سبحان الله...شفت موضوعك وأنا أدور في أمازون أختار كاميرا احترافية... وأذيت البابا أبي الكاميرا ووافق يشتريها :d شوفي عزيزتي التسوق من النت بصراحة ما عليه كلام...الا في الملابس.. الملابس مو سهل تشترينهم بالقياس من النت... أفضل لك المحلات... أنا أشتري كتب والكترونيات وساعات من النت بس مو ملابس.. صحيح الأسعار أرخص بس تصير أخطاء وايد خصوصا بالمقاسات.. نصيحتي اذا حبيت تشتري شي من النت فأفضل ساعات وخصوصا ساعات Guess رائعة.. وأنا البابا يدفع بالVisa internet shopping card... سهلة الإستخدام وتوصل لك الأغراض في خلال أسبوعين بالكثير.. وأنا ما أشتري من غير أمازون.. أتمنى أكون أفدتك... تحياتي |
والله حمستوني عندي اختى عروووووس ولزم اشتري لهااااااااا وانا هم ابي عطور رجاليه وكذااا فحاب اسأل شلون توصلني الاغراض ؟؟؟؟ عن طريق اي شركة ؟؟؟ وكم قيمة الشحن من موقع امازون ؟؟؟؟ ياريت تفيدوني والله يعطيكم العاافيه |
سبق وجربت ان اشتري كريمات الصيدليه عبر الانترنيت صراااحة اثمنتها جدا مناسبة بالمقارنه مع المحلات والصيدليات بمدينتي مع انها نفس الجودة والتوصيل مايتعدى يومين صراحة مريح جدااا انا مااحب الاسواق الحين افكر اشتري ملابس ايضا عن طريق النت بس مثل ماقلتي المشكله بالمقاس جربي اول شي اشتري اغراض قليلة لتتاكدي من اختيارك للمقاس الصحيح والله الموفق |
| الساعة الآن 12:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©