|
هل أعزم على عقد القران انا في حيرة من امري
السلام عليكم ورحمة الله وبركاته اعزائي واحبائي اعضاء ومستشارين هذا المنتدى الغالي احببت ان اطرح لكم مشكلتي وانا كلي شوق لما اجده منكم من تجاوب !! في البداية انا شاب مقبل على الزواج تقريبا رغم ان ظروفي لا تساعد على ذلك ومشكلتي سأطرحها لكم انا تقريبا منذ رمضان الماضي قد خطبت بنت عمي خطبة بسيطة تقريبا عبارة عن خاتم فقط لا غير ويمكن نسميها بالعامية حجز او غيرها عموما بعدها اصبحت بيننا مكالمات هاتفية ويشهد الله اني تعلقت بها كثيرا وهي كذلك وتبادلنا الهدايا على فترات متباعدة وتقريبا بيننا مكالمات هاتفية مطولة فبعد فترة من الزمن طبعا من ناحية اهلي واهلها جميعهم يعلمون بموضوع المكالمات تقريبا ولكن زين لي الشيطان موضوع المقابلة الشخصية وبالفعل تسهلت لي الأمور وقابلتها على خلوة دون علم اهلها ودون علم اهلي ولكن سبحان الله سرعان مااكتشف الأمر وسببت احرااج كبير لنفسي بالذات الثقة العمياء التي كانت لي عند اهلها ولم يكونوا في يوم من الأيام يتوقعوا مني هذا التصرف مع العلم ان تقريبا المدة التي قضيناها منذ الخطوبة لم تتجاوز 9 اشهر واحرجت البنت مع اهلها وانا امر في حالة لا يعلم بها الا الله اقترحوا علي اهلها موضوع الملكة وهي عقد القران على اساس آخذ راحتي ولا يلزمني ايا من طرق اللف والدوران ولكن انا ارى ان موضوع الملكة يشوش كثيرا من افكاري ومن اهمها اني اذا ملكت اكيد استعجل في موضوع الزواج وانا ظروفي ماتسمح وغير كذا مازلت طالبا وغير كذا اخاف اني اذا اخذت راحتي اتورط في امور لم لم تكن على بالي لذلك انا اطرح عليكم مشكلتي واتمنى اسمع نصائحكم وارائكم في مشكلتي وكل الشكر لكم تقبلوا تحياتي واتمنى من كل شخص يقدم لي نصيحته ولا تبخلوا علي دمتم بكل الود |
بعد الموقف المحرج اللي وضعت نفسك و و ضعت بنت عمك فيه لازم تعقد قرانك .. و خلال هذه الفتره ابحث لك عن عمل يعني لا تنتظر الي ان تتخرج و تبحث عن عمل .. وبعد ما تملك حااااول انك تضبط نفسك و لا تتهور لان ضريبة التهور هي الزواج .. حاول انك ما تختلي بها بعد الملكه حتى لا تتورط مثل ما تورطت الان .. بالتوفيق ان شاء الله .. |
أشوف أنك لازم تملك عشان أهل البنت يرتاحون
وأتمنى أني أكون أفدتك وبالتوفيق وأسأل الله العلي القدير أنه يوفقك ويسر أمورك |
يا أخوي يا أما أنك تعقد قرآنك على البنت على الأقل كل شي بيكون واضح
أو أنك تنقطع عن محادثتها إلى أن تتيسر أمور زواجك إذا حاس الحين أنك مو قادر تمسك نفسك لكن أشوف من الأفضل أنك تعقد عشانك طلعت معاها بدون علم أهلها |
ابو عابد حبيبي توكل على ربك وتملك على البنت .. اهلها تفكيرهم سليم وكلامهم لك منطقي جداً لأنه في الأصل لا يجوز أنك تختلي بها وانت ما بعد تملكت فأنا أشور عليك انك تتملك حتى لو مطوله الوظيفه لأنك تعلقت فيها وهي تعلقت فيك فصعب أنكم تقطعون بعض ..
تملك عليها وحاول تخلي للقاءات قليله علشان إذا تزوجتها ولو بعد مده طويله يكون فيه شوق للزواج لأن فترة ملكتك احتمال انها تطول لحد ما تحصل وظيفه فالأفضل انك تتملك عليها وتفهمهم أنك تحب بنتهم وما تبغى لها الا كل خير وان سبب اقدامك على الملكه هو الارتباط بها بشكل مبدئي حتى أصلاً علشان البنت ترتاح لأنه يمكن مع كثر الكلام اللي صاير بسبب لقائكم الأول بتصير تخاف البنت منك وتؤثر على علاقة الحب اللي بينكم .. لكن حاول في فترة الملكه تقلل من اللقاء .. والمكالمات عادي خل وضعها مثل ما هو .. وفقك الله .. |
الان لا يوجد لك خيارات سوى خيار واحد فقط وهو (( الملكه )) وصدقني من واقع تجربة مجرد ماتملك بمشيئة الله امور كثيره بتتيسر وعمر الملكة ماراح تكون سبب تشويش وصدقني افضل شي لك ولها ولأهلك وأهلها وعلاقة اهلك بأهلها الاستعجال بالملكة لكي لا تكون سبب في مشاكل عائلية لم تتوقعها ... ويكفي انه بالملكة تكون تبعت طريق الرحمن ... استعجل بالملكه وشوف وش بتلاقي بطريق الرحمن ... خصوصاً بعد ماشفت وش لقيت في طريق الشيطان ... وبعدين بقول لك شغله انا اعرف واحد سوى الملكه وجلس 3 سنوات لحد ماتزوج ...
|
يا حليلك والله
انا مع الجميع اعقد القرااااان عليها وملك تراااااا كذا انت بترتاح وهي بعد والله يختارلك الصالح ^^ |
انا مع الجميع وحتى لا تحرج البنت مع اهلها وتثبت لها انك قد المسؤليه
وانك فعلا تحبها لانك لو ماملكت بتفقد ثقتها فيكقبل اهلها لانها تعتبر بورطه وانت احاولت انك تنقذها هذا رأي والله يوفقك ويكتب لك الخيره |
توكل على الله واعقد القرآن أفضل لكم
هي بترتاح وأهلها وانت بعد الموقف المحرج ومو مشكلة لو طالت فترة الملكة في ناس يقعدون بالسنة والسنتين صحيح ما يفضل طولها كثير لكن الشكوى لله وإذا مستعجلين ممكن تتمون زواجكم بأقل الاماكنيات والتكاليف وانت ممكن تدور لك على وظيفة بسيطة لو في الاجازات ولا المساء ربي يبارك بالتوفيق |
املك ....
لو على ظروفك هم على علم بها و بحالتك المادية فا اكيد ما راح يثقلوا كاهلك بالطلبات خاصة و انهم اهلك .. بيت عمك واكيد بيقدرو وضعك .. اتوكل على على الله بس بين لهم انه ممكن تطول الملكة شوي .. وانهم لازم يصبروا عليك صدقني بالملكة بتاخذ راحتك و هي كمان .. و ان كنت خايف تاخذ راحتك على الاخر .. فا دايما خلو حد من اخوانها معاكم و لا تختلوا مع بعض كلياا تجنبا لاي شي الله يوفقكم |
| الساعة الآن 07:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©