|
خطبت إبنه خالتي ولكن !
السلام عليكم ورحمة الله وبركاته.... انا قبل فترة طرحت عليكم موضوع ليا وهو بإختصار عن تخوفي من التقدم لإبنة خالتي بسبب فارق السن..إهي 18 سنة وأنا29 سنة. وكان تفاعلكم مع الموضوع إيجابي بشكل كبير و شجعتوني إني اخطبها وان فرق السن مو كبير.... وطبعاً المعرس>>>>>>إلي هو انا طرت من الفرحة وعزمت النية بعد الإستخارة اني اتقدملها.... ولضرف خاص اجلت الموضوع إلى قبل اسبوع تقريباً. وطبعا اخذت بنصيحة بعض الاخوات و خليت خواتي يجسوا نبض البنت بشكل غير مباشر وكان ردها إيجابي وبرضوا بشكل غير مباشر, وقامت الوالدة الله يحفظها وكلمت امها وانا كلي تفائل إن الموضوع شبه منتهي وإنه ماحيبقى إل النضرة..... .... وكانت الصدمة قوية بالنسبة لي.... وهو إن خالتي (ام العروسة) حطت شرط أنا ابداً ما كنت اتوقعه منها و هو ان البنت تعيش في بيت لوحدها بمعنى انها ماتبي امي معاها.........!!!!!!!!!!!!! :(:19::eek: مع العلم ان خالتي تصير اخت امي من الأب... بس علاقتهم زينة وما بينهم اي مشاكل ...لدرجة إني شكيت ان هذا الشرط مو منها وانه من زوج خالتي...والله اعلم ولا زم اوضحلكم ان امي ترملت عينا وإحنى صغار وربتنا لين ما كبرنا وانا وحيدها من الذكور وبديت حياتي لوحدي ...(عصامي) وربي اكرمني بوظيفة زينة وراتب طيب(مهندس) وإلي خلاني اتاخر في الزواج هو المسؤلية إلي علي..(خواتي) والحمد لله زوجتهم. واخلاقي الحمدلله...إلي تعاملوا معي يشهدونلي بالخير.... وهذا من فضله تعالى بس إلي قاهرني انو كيف يفكروا اني احط امي في بيت لحالها...وهذا من سابع المستحيلات حتى لو كانت آخر البنات.. :29: فالله يرضى عليكم شورو علي إيش اسوي والله مني قادر افكر والشهادة لله ..البنت سمعتها زينة وطيبة..وفيها ما اتمناه.....؟؟؟:confused::confused: :19::mad::19: وآآسف على الإطالة والله من الحرة إلي فقلبي الاشراف / عذراً تعديل بسيط في العنوان . بالتوفيق |
أخي أنصحك لا ترمي أمك, شو صار الأم اللي تعبت و سهرت وترملت تبيعها بشو بزوجة????
يا أخي الله يصلح, عن جد إنت فورت دمي, لا وجاي تطلب الأراء....مين اللي سهر و تعب عليك???? بنت خالتك ما قلنا عليها شئ, ومن مين خالتك??? اللي عارفة كل ظروفك ????? غريبة الدنيا, فعلا الأقارب عقارب إلا من رحم ربي....يا أخي إنت رجال مشي كلمتك, يا أمي يا مفيش....والله قهرررررتني :29: |
أمك ثم امك ثم أمك....
حتى لو كانت هاته الفتاة بنت خالتك, و اي كانت, لا تتخلى عن أمك أخوي الله يبارك فيك لو رضيت انها تعيش مع أمك تبارك الله, لو رفضت ما تستاهل تكون زوجة أصلا و اللي رفضت أمك من الاول كيف راح تكون علاقتها معها من بعد. حاول ان تناقش مع الامر بالتي هي احسن و لو ما قبلوا, الله يسهل عليهم. انا مثلك صار من فترة خطبت اينة خالتي و كنت خايف انها ترفضني مع انه تقدم لها الكثير من قبلي و لكن لسبب لم أكن اعلمه قبلت...و السبب كان انها لم تكن تريد جرح أمي-خالتها- و لكن بعد ذلك اعترفت لي انها تحمد الله لأنها اخذت القرار الصائب في حياتها...و الحمد لله لم تتطرق يوما لمسألة أمي لأنها تعتبرها كأمها. و انا دائما أشترط عليها بأن أمي مهمة جدا لي و هي تحترم في هذا و الحمد لله. ما أقول لك حبيبي و اخي لا تتخلى عن أمك لأي سبب من الأسباب. و الله يسهل لك اخوي و يسعدك |
اهم شي امك اذا تنزلت الحين راح يتمادون
وانت تقدم تنازلات اكثر اذا مو عاجبهم البنات مالين البيوت ولد خالتي كان متزوج بنت خالي هو وحيد امه لابنت ولاولد غيرة كان كلما حصل مشكلة راحت لاهلها قالو اخوانها حط لها بيت لوحدها وامك لوحدهارفض بعدين تطلقو وهم عندهم بنتين وهوتزوج وحدة ثانية ومبسوط معاها وتعامل خالتي احسن معاملة اذا هذا اولها بينعرف تاليها ابعد عن الاقارب خالتي قاطعوها عيال خالي من بعد طلاق اختهم الله يكتب لك الخير |
حتى لو هي ملكة جمال الكون ورفضت من الحين العيش مع والدتك صدقني مهم ناوين على خير
يعني اللي تبي تتزوج واحد لازم تحب وتحترم امه مثل امها هذا وهي ما عندها غيرك وترملت عسبة تربيكم اخر شي تيينا هنيه تبي حد يقولك عادي اترك امك واحتفظ بمرتك ... لا والله ... امك ثم امك ثم امك ومرتك شاءت والا ابت ... المهم امك لا تخليها بروحها وقت عجزها وكبرها هي ما خلتك يوم كنت صغير ولا يوم كبرت روح خذلك اللي تقبل بأمك وتحطها على رأسها مثل امها وأزود لانها مالها غيرك ابنها الوحيد وما يحتاج تأخذ رأي حد أسفة على الاسلوب بس والله طفرتني بهالكلام اللي قلته ... عموما الله يوفقك لما يحب ويرضى |
أخي الكريم// هذا الموضوع لا رأي فيه أمك ثم أمك ثم أمك الزوجه بدل منها مليون أم الأم فلا أجعل شرطك الأساسي سكن الأم معاك بنفس المنزل ووالأهم أنك تختار الزوجه التي تعينك على برك بأمك اطال الله في عمرها ولاتتنازل عن شرطك مهما كانت الظروف وان شاءالله ربي يوفقك ويرزقك الزوجة الصالحه. |
اقتباس:
|
اقتباس:
اقتباس:
اقتباس:
بنات ليه القهر والعصبيه الرجال قال من سابع المستحيلات والموضوع مجرد نقاش لا هجوم على الشخص بل نعطي النصيحه على أكمل وجه عذرا على التعليق |
السلام عليكم اخوي
انا مثلك رجال ... واقولها لك صريحة ... لو تقدمت لانسانه وكان هذا شرطهم ردي بيكون واحد امي ببناتكم كلهم ... ومع السلامة لانه شي يحرق الدم ... |
روح يا أخي حب على راس هاي المسكينة اللي ضيعت عمر ها على شانك...قلها اللي ما يريدك ما أريدو شو ذنبها..خالتك هاي يا ذكية كثير يا غبية كثير, والتفسير في رد لاحق بإذن الله..
بعد ما كبرت تجي وحدة و تقولك ما أريد أمك... يا أخي فينك شو مسوي...إتفاعل معانا إشوي...والله الإخوة ما قصروا...وطقووووووووووووووووا بعد |
| الساعة الآن 07:48 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©