|
رؤية ولدي انقلبت الى هم و مشكلة
ولدي الله يخليه كان عندي....وكل شي كان تمام ومستانس وما يبي ارده عند امه في بيتهم....المهم وصلنا بيتهم ما رضى ينزل....جان يسحبونه سحب من السياره وقعد يبجي و خذوه غصب....المهم انا تضايقت،،،،قمت اتصلت على ابوها،،،،وقتله عاجبكم هالوضع ليمتى معانده ومو راضيه ترجع بيتي....وصار كلام و انا قلت كلام ما عجبه كنت متنرفز....خاصه انهم كانوا حارميني شوفت ولدي 3 اشهر....و مع كل هذا الولد يزيد تعلقه فيني....انا ادري انه تعلقه فيني رحمه من رب العالمين....لكن بنفس الوقت قاعده تتعب نفسيته....اهو ما شافني انا وامه مع بعض من ما انولد والحين كمل سنتين ونص...
سؤالي انا ليمن تهدى الاوضاع بكلم ابوها بموضوع ولدي....شقوله عشان يعطوني ولدي اكثر وينام عندي؟ تم تعديل العنوان الإشراف |
اول شيء
لابدتكلمة وانت مرروق ووحاول تسايسة قلة انت مثل ابوي واكيد حاس بشعوري هذاولدي ونفسي يجلس عندي ومن هالكلام خله عندي لوخميس وجمعه انانفسي اجلس معه وانت مجرب الابوة والااذا كنت تقدر خلك واسطة خير وحنن قلب امة علينا وخلهاترجع معززة ومكرمة وان شاءالله ابعدل بينهم واحافظ عليهم ومن هالكلام انت ادع ربي واكثرمن الاستغفار وربي يحنن قلوبهم عليك يارب |
شف عندي لك فكرة :
لو جاء عندك ولدك مره ثانية ارسل معاه هدية لأمه هدية حلوة وانيقة وقل لـ ولدك عطها ماما .. وخله ينزل وهو مقتنع ومعه حلويات والعاب .. يعني ماينزل بالقوة وكل بين فترة وفترة ارسل لها هدية ومعها رسالة فيها كلام عتب حزين باسلوب جميل وإن بغيت اصيغها لك باسلوبي ماعندي مانع .. وممكن نعطيك افكار هدايا جذابة يحبونها البنات .. ترى المرأة ضعيفة وبسرعة تستسلم وترضى .. |
سنتين ونص!!
وهي في بيت اهلها؟ ليش ان شاء الله هي مطلقه؟؟اذا كان في طلاق ..بالمحكمه تاخذ حقك بشوفة ولدك |
والله وانا اخوك قلبت علي المواجع ،،، انا من انولدت واوبي وامي مطلقين ، ومريت بظروف غير طبيعيه ، ظروف قويه جداً تصعب على اليهودي ، بس كانت المشكله في الوالد الله يهديه بحيث كنت اعاني اذا بغيت ازور الوالده لدرجة انه حرمني ما اشوف امي سنه ونص تقريباً وتبهذلت بطفولتي ومراهقتي وشبابي بهذله مايعلم بها غير الله ، والحين الحمدلله كبرت وتزوجت وصرت ابو ( وساكن مع الوالده بنفس البيت ) وماشيه الحياة من ابدع مايمكن ولله الحمد .
المهم وانا اخوك ، ابغى اعرف الحين انت وش الي تبيه بالضبط ؟؟؟ تبي ترجع زوجتك ؟ تبي ولدك يكون عندك مايروح لهم ؟ تواجه مشكله بحيث ان ام الولد تحرمك من شوفة ولدك ؟ لازم تقولنا المشكله بالضبط ،،،، وليه النك نيم ( هل اطلقها ) ؟ |
انا ابي زوجتي ترجع لكنها رافضه....النك نيم....عشان كنت ناوي الطلاق ليمن سجلت بالمنتدى ولكني الان لن اطلق....بالنسبه لرجوعها بالوقت الحالي ما اتوقع لانها رافضه الرجوع من سنين و لا توجد متغيرات جديده تخليني اتفاءل برجوعها
بالنسبه للولد اهو مزاجي مرات ينزل من غير لا يبجي بس امس كلش ما كان يبي يهدني ليه درجه سحبوه من حضني |
اقتباس:
حق ولدي كنت اسوي اللي تقولينه وكان متعود على الوضع وهم كان ينام عندي وبعدين ارده....لكنهم حرموني شوفته 3 اشهر جان يرجع نفس قبل يبجي ليمن ارجعه ما يبي يرجع بيتهم بالنسبه لزوجتي سويت اللي قلتيه من فتره قريبه بس ما كان في فايده...كتبت كل مشاعري لها وكان ردها ابي الطلاق الحين اهم قاعدين يشوفون الولد شلون متاذي ما ينكسر اللي براسها عشان هالولد ما تضحي عشانه |
http://up2.m5zn.com/photo/2009/4/25/...amqe54.gif/gif
اخي الفاضل .. ليس الاشكال في ان يتربي ابنك في بيتين منفصلين .. او انه سوف يتعقد اذا لم يراك مع والدته عايشين مع البعض .. هذه الامور يمكن ان يتأقلم عليها ابنك اذا توفر له الجو الصحي السليم في البيتين .. لكن ما يعامل به ابنكم من اجباره على عدم رؤيتك او سحبه من عندك بالقوه هذا راح ينعكس على ابنك بشكل سلبي و راح يؤثر على نفسيه بشكل سيئ جدا.. يا اخي هذه المرأه تصلح لان تكون ام فاضله لأبنك لكنها في نفس الوقت لا تصلح زوجه لك.. و انت ايضا تصلح ان تكون ابا مميزا لكن لا تصلح ان تكون زوجا لهذه الام .. هناك شيئ اسمه الطلاق الناجح مثل ما هناك شئ اسمه الزواج الناجح .. مثل ما اتفقتوا على الخطبه و المهر و الشبكه و مراسم الزواج و السكن .. ايضا الطلاق يمر بمراحل اتفاق و تؤدي الي نتائح ممتازه تصب في المقام الاول في مصلحة الابناء .. الا تفهم يا اخي الفاضل ان ام ابنك لا تريدك زوجا لها !!!! ما يدريك يا اخي لو تم الطلاق قد تتحسن علاقتك مع ابنك و تستطيع ان تشبع منه و يشبع منك .. لكن انت لازم تضحي عشان ابنك .. زوجه بدالها الف زوجه .. ليش مصر على ام ابنك .. هي لا تريدك .. اخي لا تزعل من كلامي .. لكن عن جد انا مشفقه عليك و على زوجتك و على ابنك .. انت اللي مأزم الموقف .. |
صحيح كلام اميرات فية الطلاق الناجح
هي عارفة انك شاريها ومتمسكة بقرارها ارسل لهارساله قلت يابنت الحلال مليت من وضاعنا كذا حاول تتسعطفهاا بكلامك واذاعاندت عطهااللي تبي والله يعوضهاابرك منك وانت الله يعوضك بس اناحازبخاطري شيء انكم تحبون بعض فحرام يارب يتم الصلح على خير ولاتتطلقون ويصلح حالكم |
نويت اني ادز رساله لابوها بدل ما اكلمه بالتلفون عشان ما ندش بمواضيع ويكون الحوار بس عن ولدي......راح اكتبلكم الرساله قولولي اذا اغير فيها
الرساله عشان مصلحه ولدي انا ابي اخذ ولدي من الخميس س 12 ظهرا الى الجمعه 10 مساء ثانيا بعد كل الذي عملتوه فينا زاد تعلق ولدي فيني وهذي رحمه من رب العالمين فاذا مايريد ينزل من سيارتي اريد منكم ما تسحبونه من السياره و تخلونه ينام عندي يوم اخر عشان نفسيه الولد |
| الساعة الآن 08:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©