|
احس اني اصبحت عصبية بسبب كثرة المشاكل
السلم عليكم
والله ما انا عارف من وين بدي ابدأ والله عم ابكي من حالي ومن الوضع الي صيرنا فيه انا متزوجة من اربع سنين وعندي ولدين انا وزوجي بنحب يعض كتتير وهو بحبني بس اخر فترة يعني من لما ولدت ابني التاني الآن عمره سبعة شهور حاسه حالي عصببية كتير وكل يوم او بعد يوم بنتزاعل مرة على شغله ليه يتأخر ومره ع الاولاد ومرة على اجازتنا ومرة من غير اشي وتعرفت على زوجة صاحبه وصارت تدخل عندي مرات اقعد افضفض شوي تقوم تزيد علي وتعبي راسي عليه لما حسيتها هيك صرت بدي اقطع العلاقة فيها واخبرت زوجي عنها كمان حاسه زوجي صار يمل من المشاكل والقصص مرات بحس حالي غلطانه وبروح اعتذرله يجي يقولي معلش حبيبتي انا مو زعلان وهاد شي طبيعي وقال لاني مغتربين بس والله مو هيك خايفة يصير يكرهني واكتر شي صار غريب فيني انه عندي غيرة كتيرة على زوجي ما بعرف ليش صرت هيك ولما نزعل نقعد يومين مانحكي مع بعض وبعدين نرجع نتصالح ونرجع من اول وجديد قعدنا نحكي انا واياه ونتفاهم بس مرات هو يعصب وانا بعصب ما بستفيد شي مرات اقول العين وصابتنا لانه زوجي ترقى وضعنا الحمدلله كتير منيح والكل لما يجي عنا يقولي والله شكلكم مبسوطين مع هالبيت الجديد انا سكنت البيت الجديد وترقى زوجي كله مع ولادة ابني التاني والله اول مرة يصير معنا هيك وانا بعد 20 يوم مسافرة عند اهلي اجازة الله يوفقكم مالي حدا احكيله وافضفضله غيركم اللي عنده خبرة يعطني حل ان شاء الله تكونوا فهمتوني تم تعديل العنوان الإشراف |
الله يفرج همك يارب
لي عوده |
اقتباس:
|
اختي لازم تتجنبي اي شي يثير غضبك و حاولي انك تتمالكي اعصابك .. قد تكون عصبيتك من ضغوط الحياه .. يعني زادت مسؤلياتك مع الطفل الجديد و الانتقال الى سكن جديد. بالاضافه الى الغربه.. قد يكون عندك شوية اكتئاب ما بعد الولاده و يكون مطوّل معك هذا الاكتئاب .. اعتقد ان سفرتك لاهلك جات في وقتها و راح تريحك .. فانت محتاجه لتبعدي عن زوجك قليلا و تغيري جو اكثري يا اختي من الاستغفار .. و من قراءة القرآن .. بالتوفيق ان شاء الله .. |
نفس الاشي بما يتعلق باني بقول لزوجي اني خايفة عزعله وبقلي معلش هيك الغربة
ونفس احساسك اني خايفة زوجي يمل اخرتها واناكمان حاسة بالحسد صايبنا بس مش كل اشي نرميه عالحسد اهم اشي قربنا من الله والرقية دايما وانو نراجع انفسنا بعدين فرصة انك مسافرة تجددو الشوق وترتاحي شوي من الغربة موفق |
شكرا اخت اميرات ع الرد الله يصلح حالي
ويهدينا ويريح بالي |
اقتباس:
بس يمكن احسن النا |
سافري وارتاحي عند اهلك وعيدي حساباتك مع نفسك وابحثي عن أسبابها وحلولها وحاولي تضعيها في نقاط :
استعينوا على قضاء حوائجكم بالكتمان فلا تتكلمي بما أنعم الله عليكم به لكل احد فالعين حق الطفل في هذه المرحلة يوتر الأعصاب بكاء وسهر وعناية مكثفة ممكن يكون لها دور في عصبيتك مشاكلك لا تبوحي بها لاحد فهذه المرأة لم تنفعك بشئ بل كانت تزيد همك .. إذا تضايقتي فإليك الوريقة البيضاء بوحي لها بمكنون قلبك وأمطري عليها بعض الدميعات من مقلتيك ثم مزقيها وسترتاحين .. أما الحل الأكيد والمضمون بإذن الله لكل ماتعانبن منه هو اللجوء للواحد الأحد والمحافظة على الورد والأذكار .. أمنباتي لك بالسعادة |
| الساعة الآن 05:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©