|
حائره بين اهلي وزوجي
|
اهلا ياحبيبتي وحشااااااااااااااااااااااني
بصراحة انا حاسة بيكي وعندك حق انتو كدا هتدفعو اكتر بكتيييييييييييييييييييير كمان ومعلش انتو مالكمش دعوة بالفرح اصلا وواضح ان اهل زوجك عارفين ان باباكي حالته المادية تمام وبالتالي زودوها او بمعنى اصح مطنشين وعلى فكرة الحكاية هتعدي المواقف الي حكيتيها وهيزيدو فيها وهتتفاجاي انهم كل فترة هييحملوكو اشياء كانت عليهم والي عليهم هيحضروه يمشي الحال ولو مش عاجبكم ساهمو معانا وكل مبررهم الدائم الحالة سيئة مش معانا يمكن تشوفيني متشائمة شوية بس صدقيني انا شفت اهالي كتير بالنظام ده في نقطة مش عاجباني بينك انتي وزوجك ليه كل تعديل او نقاش بيناقشه معاكي هي دي مربط الفرس لانك بتبقي نقطة ضغط على والدك وحرام بجد هو عشان الوالد طيب يبقى يستغلوه عن طريقك بعد كدا اي شيء يناقشك فيه قوليله ماليش دخل اتكلم مع والدي الاتفاقات دي معاه ووالدك ايضا ماينفعش كل شيئ يقولوه يقول حاضر المفروض فيه اصول لايختلف عليها الناس عندنا صدقيني ضعي حدا من الان لان تجهيزات الزواج القادمة هتفاجاك بتصرفات من قبلهم غاية في الاستفزاز وبالتالي حتى لاتضغطي على والدك اخرجي برى الموضوع خوفه انه يضغط على اهله لا يعطيه الحق في الضغط على اهلك |
اختي وحبيبتي ابو تريكه والله انتي اللي وحشاني اكتر وربنا يخليكي بجد مبسوطه انك اول واحده تردي عليا وفعلا انا عارفه جدا ان كلامك مظبوط والله انا بجد تعبت طيب ليه كده اللي غايظني كمان ان زوجي رغم انه انسان فعلا كويس جدا بس له اراء غريبه وانتي عارفه احيانا الرجاله بيحبوا ينفضولك علشان يريحو دماغهم
انتي عارفه الحاجه اللي مضيقاني جدا ان مامتي بعد ما كانت بتحب زوجي جدا واهله دلوقتي بلاقيها بترمي كلام عليهم واحيانا للاسف بتقارن بينهم وبين اهل خطيب اختي الصغيره قدامي وكانت في الاول فرحانه بزوجي جدا دلوقتي حاسه انها مبقتش بتحبه زي الاول وكمان والدي ليه يعني ااخد اكتر من اخواتي كلهم كانوا نفس النظام النص بالنص طيب وكمان بصراحه اي بنت بتكون نفسها ان زوجها يجيب حاجات اكتر علشان تحس انها غاليه يا حبيبتي انتي رايك صح وانا هحاول اني اخلي بابا يلمح بالموضوع ويكلم عمو بس عارفه عمو ده رغم انه طيب جدا لكن مش سهل في الحاجات دي وبابا بيحب يبسط الامور فمش بيعترض علشان يمشي الجوازه بس انا مش راضيه انهم يصرفوا عليا كل الفلوس دي وخصوصا اني انا العروسه مش العريس طيب انتي ايه رايك اروح لزوجي واقوله ان احنا كمان مش معانا فلوس نشتري كل الحاجات دي ايه رأيك |
|
وعليكم السلام ورحمة الله وبركاته عزيزتي... سأتكلم بصراحة وسأحدثك عن تجربتي الصغيرة...مع أن زواجي لا يزال بعيدا (ربما بعد سنتين من الآن بحكم دراستي)... في قبيلتنا العرف يقول بأن حفلة الملكة أو الخطوبة يتحملها الرجل بالإضافة الى مهر بسيط جدا جدا لا يتجاوز ال4000 ريال (سعودي) أنا لست سعودية لذا قمت بتقدير المبلغ... وعليه أن يوفر مبلغ أربع أطقم ذهب وساعتين من الألماس (ما أدري شو الهدف بس هاي التقاليد)..بالإضافة الى أثاث الشقة وبعض الهدايا...وعلى والد الفتاة تحمل مصاريف الزواج الباقية كلها طبعا هذا لا يعتبر كثيرا مقارنة بالناس الآخرين حيث أن مصاريف الزواج من الألف الى الياء على الشاب...طبعا خطيبي رفض أن يقوم والدي بتحمل كافة مصاريف الزواج الباقية وكلم والدتي في الموضوع ورضى والدي بأن يدفع زوجي نصف مبلغ قاعة الزفاف فقط!! زوجي طالب بأن تكون مساهمته أكثر لكن والدي رفض...مع العلم أن والدي مقتدر جدا ولا يقصر علينا بأي شيء والحمد لله... أرجوك لا تعتبري كلامي اهانة أو أي شيء من هذا القبيل فأنا هنا لأنصحك لأني أريد أن أفتح عينيك على أمر تجهلينه.. زوجك يناقش الشخص الخطأ... يناقش العروس! عليه أن يكون حازما ويفهم أهله أنكما اتفقتما على أن يكون المبلغ المدفوع مناصفا...ويوضح لهم أن ما سيدفعه والدك في هذه الحالة هو أكثر مما سيدفه أهله...يجب أن يوضح لهم رفضه (باحترام طبعا) ويقف موقفا حازما ازاء هذا الأمر والا فإن أهله لن يبالوا... وهنا يأتي دورك...فإما أن يتدخل والدك ويكلم اهله...واما أن توضحي لخطيبك بأن والدك لن يدفع أي شيء أكثر من المتفق عليه...وكوني حازمة ورابطة الجأش حتى يفهم خطيبك أنك لا تمزحين... أراك يا عزيزتي لينة جدا ومتساهلة... لا أقول اضغطي على زوجك...لكن يبدو لي أن أهل زوجك أناس ميسورو الحال وإلا لما استطاعوا أن يشتروا سيارة لزوجك وأخيه وأن يجددوا شقته... أنت تلعبين دورا مهما وهي اظهار البعض من الصرامة والحزم ولا تناقشي هذا الأمر مع خطيبك أبدا... جمع الله بينك وبين زوجك عاجلا غير آجل.. تحياتي.. |
اختي وحبيبتي أبو تريكه
بجد شكرا على كل حاجه سبحان الله الكلام اللي انتي بتقوليه ده انا كمان حسيته والغريبه ان ايام ما اخت زوجي اتجوزت كانت حماتي عندها استعداد تدفع للعريس نصف تمن الشقه علشان تعيش في منطقه كويسه لكن العريس رفص اكيد انا زعلانه جدا وخصوصا ان مشش هو ده زوجي اللي بقالي معاه خمس سنين حتى لو اهله هيدايقوا هو ممكن انه يرضيهم انا امبارح حسبت تمن الحاجات الزياده غير العفش لاقيتها 14500 جنيه اما هم لو جابوا الاجهزه هيدفعوا زياده على العفش 6000 جنيه طبعا يعني احنا هندفع الضعف واكتر فوق العفش ده طبعا بالاضافه لنصف الفرح واحنا حجزنا القاعه من حوالي اسبوعين وكانوا عايزين 1000 جنيه بس علشان نحجز القاعه وبقيت الفلوس بعدين واهل زوجي قالوا مش معانا دلوقتي تخيلي فدفعنا احنا الألف جنيه وقلنا من تمن الفرح بس متخافيش انا عمري ما هقبل بكده ولا هكون ضعيفه لكن انا كنت عايزه اكون هاديه علشان مضيعش حقي واقدر اني احرجه بالذوق علشان كده بفكر فعلا اني اقوله ان بابا مش عامل حسابه وان دي كانت اتفاقات بين الرجاله احنا ملناش دعوه بيها وللاسف يا ابو تريكه ان بابا مش فاكر هو اتفق معاه على ايه لكن انا فاكره كويس ان ابو زوجي قال عليكم الغساله والنجف وبس ربنا يخليكي كلامك فادني جدا وشجعني اني اكلمه لما ييجي بس ادعيلي ربنا يعيني |
اختي الحبيبة دلوعة حسين شكرا ليكي يا حبيبتي على اهتمامك بالرد عليه
انا كان نفسي ان اللي قولتيه هذا يحصل لكن للاسف لم يحدث مع ان اهل زوجي يحبونني جدا وبالرغم من ذلك يتكاسلون ولا اعلم لماذا مع ان زواج اخوته كان ماشاء الله سهل ولم يستغرق السنه ولكني انا وهو ما زلنا خمس سنوات مع بعض انا والله لست ضعيفه ولكني من النوع الذي لا يسكت عن حقه ولكني احيانا اندفع في كلامي ومن الممكن ان اقول كلام صعب في وقت غضب وانا لا اريد ان يحدث ذلك حتى لا اضيع حقي واريد ان اجعله يخجل من ذلك عمة باذن الله سأتكلم معه وسأقول له ان ابي لن يدفع شيءا زياده على المبلغ المتفق عليه واذا لم اجد نتيجه من كلامي سأجعل ابي يتفق مع والده جزاكي الله خيرا حبيبتي ادعيلي |
ازيك يا حبيبتي وحشاني كتييييييييييير يا قمر
معلش استحملي وجع الدماغ ه اليومين دول لازم عند كل جوازه تحصل الحاجات دي اهم حاجه متخليش اي حاجه تأثر على علاقتك بزوجك وانا من رأي انك تتركي الموضوع وكلام الماديات مع اهلك واطلعي انتي منها يعني اي تفاصيل قولي الكلام مع باباعشان تريحي دماغك من اولها واكيد لما يكون الكلام مع باباكي حيكون الموضوع مختلف ربنا يوفقك ويكرمك ويتمم لكم بخير |
أنا متابعه المنتدى الرائع من زمااااااااان لكن دى أول مره أشارك معاكم.. وبدعى الله لكم جميعا بالتوفيق وأن يتم للجميع بكل خير
واسمحيلى يا أختى صاحبه الموضوع أن أشارك بسؤال لأن موضوعك ده صوره طبق الأصل من كلام واحد متقدم لخطبة أختى ..ان كل حاجه بالنص وده اتفاق غير اللى احنا متعودين عليه المهم سؤالى وأرجو منكم توضيح الإجابه بصراحه.. كم مبلغ المؤخر الذى يكتب فى العقد هذه الأيام؟ طبعا أنا بسأل فى حدود المتوسط بحيث لا نظلم العريس أو العروسه علما بأن الطرفين فى مستوى دخل معقول جدا يعنى فوق المتوسط.. وكذلك كم الشبكه فى حدود المعقول؟ وطبعا أنا بتكلم عن الاتفاقات فى مصر فى انتظار ردك.. ودعائى لصاحبه الموضوع أن يلهمك الله الصواب والتصرف الصيحيح ويقدر لكى الخير حيث كان انتى وكل البنات يا رب |
اختي الحبيبة زوجة احمد
اهلا بيكي يا حبيبتي وحشاني بجد ادعيلي انا محتاجه الدعاء انا اكتر حاجه تتعبني في حياتي الظلم واني اكلف والدي كتير الحمد لله احنا مرتاحين ولكن برضه اما ابويا انا عارفاه لو اتكلم في الموضوع ده وهم اعترضوا اسهل حاجه هيقولهم خلاص هي مش فارقه وهو شايف ان علشان بنته يهون اي حاجه فمش هيعترض وهيشوفها حاجات بسيطه وهيكبر دماغه وعارفه انا زوجي مسافر طبعا ولما بيكلمني بحس في كلامه انه فعلا انسان رائع وبيحبني علشان كده انا عايزه اخفف من على والدي وكمان افضل محافظه على علاقتي بزوجي ربنا يوفقك يا حبيبتي |
| الساعة الآن 08:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
