|
خايفة أبي يجرح زوجي ! مالحل ؟
السلام عليكم
اخواني واخواتي تم عقد قراني ولله الحمد امس المهم من فرحت العريس نسي دبلة عندي واهله نسيو بعض اغراضهم وكلمني وقال انه بيجي يوم الجمعه هذا علشان يلبسني اياه مره ثانيه وبصراحه ابوي يكرهه الحركات هذي مره واخاف يجرح خطيبي او يقول له لاتجي البيت لاني ابوي من العصر القديم كل شيء عنده عيب الله يخليكم ايش اسوي ساعدوني الاشراف :عذراً تم تغيير العنوان ليناسب المضمون , بالتوفيق |
مبروك الخطوبه اختي .. هل والدك يرفض قدوم خطيبك لزيارتك حتى لو كان بوجود احد اخوتك ؟؟ اذا اتصل خطيبك وضحي له انك نوعا ما محرجه لان والدك من النوع اللي متمسك بالعادات و التقاليد التي لا تسمح بالزيارات الكثيره بين الخطيبين .. و ايضا قولي له قد لا يسمح لنا بالخلوه مع بعض و لنترك تلبيس الدبل في حفلة الزواج .. وان شاء الله خطيبك يتفهم هذه الامور .. |
ايوا يااميرات ابوي غصب وافق على زواجي مو علشان عادات وتقاليد لا علشان عنده اعتقادات غريبه حتى لدرجه انه مايبي امي تطلع تسلم علي خطيبي (يعني بأختصار غيور بشكل مذموم ) على كذا راح احرم زوجي مني لاراح نتهنى ببعض اقصد يعني لازم اشوفه في بيت اهلي واتعرف عليه من قرب مو اقصد الاشياء الثانيه لاني انا اعترض عليها كلش لكن انا ابي اسولف معاه واجلس معاه وافهمه عن قرب افضل لاني مره مااخذت عليه في يوم الملكه حسيت نفسي منحرجه مره وماتكلمت معاه التصوير اخذ الوقت كله مننا
|
حبيبتي الف مبروك والله يتمم لك عل خير
ان شاء الله ونصيحتي لك ان تطيعي والدك وان لا تغضبيه هو ادرى بمصلحتك وان تراعي شعوره فابنته فلذة كبده سوف يأخذها رجل أخر منه بعد ان رباها ورأها تكبر أمام عينه صدقيني انه شعور صعب واللقائات والجلسات سوف تأتي لاتستعجلي يوم ورا يوم سوف يتقبل والدك الوضع والله يسعدك |
يادكتوره مشكوره وانا حاسه في ابوي ومقدره الوضع تماما بس انا كذا راح اكون بين نارين زوجي وابوي وزوجي ماراح يزعل بس انا ابي اتعرف عليه اكثر فهمتيني الحين راح ارد علىزوجي واقول له اني ماراح اقدر اشوفه واشرح له وبعدين انا مااقدر اكلمه وضعي صعب مره البيت صغير واواختي ينامون معاي وامي وابوي كبار في السن ماابي اجرح احد فيهم ياربي محتاره مره
|
مبروك عقد القران والله يوفقك ويفتح عليك
لازم توضحين لزوجك طبع أبوك عشان لا يعتقد الأمر شخصي ويتضايق خليه يتقبل الوضع برحابة صدر لو قال أبوك شيء ولا صار موقف أو غيره وانتو توكم ما شاء الله مملكين بإذن الله يلين أبوك ولا تصير مناسبات وفرص تشوفون بعض والتليفون ممكن يفي بالغرض حاليا وبالنسبة للدبل والأغراض إن شاء الله ما يقول شيء وممكن تخلين اخوانك الصغار ولا أمك ولا حتى ابوك الله يحفظه إذا وده معاكم عشان يصير مرتاح ولا تستقبلينه في الحوش وتعطينه الأغراض بدون ما يدخل ويصير فيها إحراجات طبعا تكونين موضحة الأمر لو ما رضى أبوك لا تستبقين الأحداث يمكن يرضى عادي والله مادري عزيزتي ادعي وتتيسر إن شاء الله الله يعينك ويسعدك |
الف مبرووك ..
كل الرجال كذا .. لكن الزوج المفروض يكون جريء مادام تم عقد الزواج واصبحتي زوجته ! انا مريت بهالمرحلة .. وقالت لي زوجتي ان ابوها واخوانها متمسكين بالعادات .. وما اهتميت لهالكلام ودخلت وتقهويت وتعشيت معاها وطلعنا .. وغربلتهم كل خمس ايام وانا عندهم لين تم الزواج ! الاب يخاف تتم علاقة بينكم قبل الاعلان عن الزواج .. لا تلومينه ابداً .. لكن اعرف انه من ابسط حقوق زوجك انه يجي يشوفك فحاولي اذا عندكم اطفال اعمارهم 8 سنوات او حولها تخلين امك ترسلهم لك وانتي جالسه معاه عشان ما ياخذ راحته بزيادة .. موفقه .. ومنه المال .. ومنك العيال |
colors
ابو نايف اشكركم على المرور وارجوكم ان تدعون لي ان ييسر لي كل اموري |
الله يسهل امورك ويوفقك اختي
الموضوع مو كثير حساس ولا تخافين انا زوجتي ماشفتها بعد الملكة الا 3 مرات خلال 4 شهور وفيه مره ابوها منعني اشوفها وعااادي فيه اسباب للرفض مو بس عادات وتقاليد لاسمح الله لو كان مقدراً ان لا يستمر هذا الزواج بكرة بيتقدم لك شخص ثاني ورجال كثر يرفضون ان يرتبطوا مع فتاة كانت تجلس مع زوجها قبل الزواج كثير فيمكن ابوك خايف من كذا وهو ادرى بمصلحتك وبالنسبه لزوجك لا تخافين ماراح ينجرح بيتفهم الموضع حتى لو انجرح كلمتين منك بينسى ابوك وش اسمه مبروك والله يوفقك |
بارك الله لكما وبارك عليكما وجمع بينكم فى خير بارك الله لكما وبارك عليكما وجمع بينكم فى خير بارك الله لكما وبارك عليكما وجمع بينكم فى خير مبارك اختى الكريمة العقد وعليك بسورة البقرة دائما لتسير كل آمر وفك كل كرب بأذن الله تعالى |
| الساعة الآن 02:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©