|
اللولب و الرياضه ؟
خواتي عندي اسئله محيرتني
انا ركبت اللولب من شهر تقريبا الدم ما وقف الا يومين و امس جاتني الدوره دم احمر و له ريحه المهم هل هالشي طبيعي؟ الدكتوره قالت لي اول 3 شهور سأعاني من تنقيطات الدم بس انا الدم ينزل علي كل يوم و اكثر من تنقيطات و الدكتوره قالت لا تلعبين رياضه لا ترقصين لا تشيلين عيالج و الله يعزكم وقت الامساك لا تتعصرين انا بصراحه من اول ما حطيت اللولب و انا في قلق حتى اثناء الجماع ما اخذ راحتي ما اقدر اتحرك، طول الوقت جامده (طبعا ما صار جماع الا مره وحده في اليوم اللي وقف فيه الدم) انا مستانسه اني برتاح من الحمل بس طلع اللولب مثل الحمل ممنوع الحركه ابي ألعب رياضه احس جسمي متصلب شاسوي؟ قولوا لي خبراتكم مع اللولب لولبي عادي اسمه مالتيلود |
اختي انا الي بعرفو انو اول اسبوعين تلاتة بتتاخد الاحتياطات وعدم الحركة العنيفة لانو اللولب ما بنكون عارفين ثبت وتاقلم عليه الرحم ولا لسة
لهيك الحركة بتكون بحذر بس انت طولتي كتير سواء بالدم او الحذر من الحركة بس انا بسمع انو بشكل عام اللولب لازم ماتعملي شغلات عنيفة كتير بس الرياضة والاشياء العادية انا حسب علمي عادي جربي شوفي دكتورة تانية يمكن الها راي تاني لانو مش لهدرجة الحذر ومش زي الحمل ولا شو استفدتي منوووووو |
هلا ملوكه حبيبتي
انا اقول مو معقوله كل وحده حاطه لولب مو متهنيه بحياتها امي تقول خذي راحتج بس اخاف اخذ راحتي و بعدين احمل و عيون الناس ما ترحم و نسيت اقول ان الدكتوره قالت ان عندي نزول و ارتخاء في الرحم (بسبب الولادات المتتاليه) على فكره الدكتوره ممتازه |
حبيبتي بالنسبة للولب عادي مارسي حياتك بشكل طبيعي رياضه وجري وكل شي عادي و انسيوجوده اساسا،،،، لكن بالنسبة لوضعك والله ما ادري اكيد دكتورتك ادرى الله يختار لك الخير ان شاء الله |
انتظري 3 الى ست شهور لحد ما ترجعين لطبيعتك قبل ما تركبينه
بمعني ان الدورة تنتظم معاك وراح تنسينه تلقائيا وتعيشين حياتك طبيعي ,لان الرحم ياخذ وقت حتى يتأقلم على وجود اللولب والله يكون في عونك ويساعدك يارب |
هلا خواتي مشكورين عالرد
انا من تقريبا اسبوعين خذت راحتي و ما فكرت فيه بس بصراحه ما ارتحت بنومي على طول كوابيس اني حامل انا ان شاء الله بتأكد من الدكتوره و بشوف اذا قصدها ما ألعب رياضه عشان اللولب او عشان الرحم لاني هالفتره قررت اهتم بنفسي و ما افكر بزوجي عشان ما اتعب نفسيتي قررت اهتم ببشرتي و اهتم بجسمي لاني وايد ضعفت فقلت بلعب رياضه عشان امتن و اشد جسمي للاسف ما جاتني هالفكره الا بعد ما ركبت اللولب (كل ممنوع مرغوب) |
حبيبتي انا ركبت لولب قبل سنه وشهرين ......الدكتورة ركبتلي اللولب وقالتلي شهر وارجعيلي وخلال هالشهر لا تشيلين شي ثقيل قللي لحركه لا تمشين لا تلعبين رياضه يعني لازم اكون حذره ............وبعد مرور شهر رحتلها قالت الحمد لله اللولب بمكانه وثابت ومن الان مارسي حياتك طبيعي جداااا وانسي وجوده
وبالفعل بعد تركيب اللولب بثلاث شهور اشتركت بنادي رياضي ولعب وتنتطيط من هذا اللي يعجبك ومشي على الجهاز وايروبك قوي والحمد لله ما تحرك اللولب من مكانه يعني لازم يثبت الاول وجسم عن جسم يفرق يعني ممكن جسمك يكون ما يتحمل لعب ورياضه ممكن يوقعلك اللولب وممكن لا يعني انتي انتظري اصبري شهر شهرين وتصرفي طبيعي ........وبعدها ابدي العبي رياضه وتنططي براحتك وشوفي النتيجه وان شاء لله خيييييييييير |
لاااا مرة طوولتي شهرر وينزل عليكي دم
يمكن ما نااسبك او انهاا ماركبتة كوويس انا ركبتة بس اربعة اياام نزل دم ووقف وبعدهاااا تقريبااا نزلت علي نقط دم يوم وااحد وبعدهاا ما جاتني الدورة الا لما كملت شهر وخمس اياااام يعني طوووولت ماجاتني الدورة واماارس حياتي طبيعي جدااا اسوي ريااضة بطن وارقص واشتغل ماافية مشكلة والجمااع ياقلبي لا تشيلي هم فتررة بتحسي نفسك مو مرتااحة انا مرريت فيها كنت متشنجة كم يووووم وبعدهااا بتنسين اصلاااا انك مركبتة يعني انســــــــــــــــــــــــــي وعيشي طبيعي بس لازم تروحي لهااا علشان الدم |
هلا حبيباتي
توته ليكون هي قصدها شهر و انا فهمت شي ثاني هي قالت بعد اول دوره تعالي عشان اشيك على اللولب ان شاء الله قصدها شهر لاني بنتحر لو قصدها على طول اخت دايمند ان شاء الله بروح لها بعد ما تخلص الدوره يعني بداية الاسبوع الجاي بيني و بينج مرات اقول ان شاء الله ما يناسبني لاني بقعد على طول قلقه الحبوب احسن من اللولب لانها نظمت لي الدوره يعني اكون عارفه ان اليوم بتنزل الدوره ما اقعد احاتي يمكن حملت بس مصيبتي نسايه عشان جي ركبت اللولب |
| الساعة الآن 04:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©