![]() |
الاطفال والسائقين
السلام عليكم ورحمه الله وبركاته
الكل صار عارف مشاكل الخدم والسائقين لاكن كيف بتتصرفو فى مشاوير اولادكم مع السائقين كل يوم ايش دراكم ايش الى بيصير من وراكم انا دخلت ولدى انس هذا الترم الروضه وولدى الله يهديده ويصلح حركاته كثير وياما حصلت مواقف منها انه فى الاشاره فتح الباب ونزل من السياره (السواق ضربه) انا انقهرت مره ولدى يستاهل لاكن ماابغى السواق او اى مخلوق يضربه الموقف الثانى انه فسخ بلوزته ورماها من الشباك حقت السياره (جديده اول مره يلبسها)انقهرت طبعا والخافى الله اعلم بيه طبعا مهو ولده عشان يهتم فصرت من بعد الاجازه هذى الى اعطونا هيا وانا اروح مع انس الروضه اوصله وارجع اخذه بس بجد شغله مرهقه هذا بيخلينى اترك بنتى فى البيت مع الشغاله صحيح كل الشغله 5دقايق بس برضو فى انتظار نقاشكم معاى فى هذا الموضوع الى اكيد مو مشكلتى لوحدى ولكم فائق احترامى |
ماء القمر
اولا استودعيه الله كل يوم يطلع من البيت وكوني على ثقه ان الله بيحفظه لك ثانيا : قولي لزوجك انه يتفاهم مع السائق انه يقفل الباب (الزر الضامن ) اللي ما يقدر من هو داخل السيارة انه يفتح الباب لازم يفتح من برا ولا يفتح السائق الشباك ابدا ويقفله من عنده ثالثا :حاولي تتفاهمي مع ولدك الله يحفظه وبطريقه حلوة ممكن تقنعه انه ما يعمل هذي الحركات الله يحفظ لك اولادك ويسعدك |
هلا اختي ماء القمر بصراحة استغرب انه تخلي ولدك بروحه مع السائق وهو لسى بهالعمر يا أختي لا تعتمدي على السائق فيه قصة حصلت عندنا ان السائق يودي الولد للمدرسة صف اول ابتدائي وبعدين الام لاحظت على ولدها انه متعور وراحت فيه للطبيب قال لها الطبيب الولد متحرش اكثر من مره ابو الولد تابع السائق اليوم الثاني لما طلع بالولد المدرسة اول شي يوديه عزبة ربعه ويأجر الولد بــ10 وـــ20 والله بيعطيك الاجر على تعبك معاه مو مشكله تتعبي معاه شوي اهم شي تكوني مرتاحة هذولا أمانة في أعناقنا لا نفرط فيها والله يفرحك فيهم ويبغلك فيهم كل ماتتمنيه |
الله يعينك بعد صعبة يروح لوحده مع السائق
|
لو تتفقي مع امهات اصدقاءه مثلا و تستأجروا باص صغير
او اذا منكم حد عنده سيارة اكبر مثلا .. يكون ياخذ ابنك مع مجموعة من الاطفال فا بكذا ان شاء الله تضمني عدم بقاءه وحده مع السواق و كمان مع بقية الاطفال بيلتهي و مابيسوي حركات زي اللي ذكرتيها ... ربي يحفظه لك من كل شر |
الله يعينك صحيح شغلة
بس صدقيني أنك تروحين معه وترجعين بس فترة أقل شيء راح يحس السواق أنك حريصة .. تخيلي جارتي ناس محافظين بس عندهم برود أعصاب.. ولدها في أول أبتدائي أستأجرت له سيارة توديه بلحاله ترم كامل ومايعرفون عن السواق أي شيء غير رقم جوال وسوا بعد لاكفيل لاسكن ... أقل شيء تأخر الولد مارجع والجوال مقفل وش راح تسوي !!! لا والترم هذا خلت البنت في الثانوي يوصلها السواق مع أخوها .. وأحياناً يغيب الولد وتروح بلحالها وحتى بالأيام العادية ينزل الولد أول بالمدرسة ... وزوجي راح ينجن منهم يقولي قولي لها هذا تفريط .... |
ياربية الله يحفظ اولادنا واولاد المسلمين هذولا الخدم شرا لا بد منه بس الله يرزقنا الطيب من خلقة يخف الله في اولادنا وفينا استودعنهم الله والله وش الحل ما اقدر ارجع معهم بس الصباح اروح معهم بس من جد خوفتني الاخت الي تقول يجر الوالد يارب سترك يا كريم
|
تسلمولى جميعا على كل ماشاركتم به
ولدى عنيد وماينفع معاه لاتفاهم ولاغيره (غاسله يدى) الله يحميه اما السواق كم مره نحرص عليه لاكن مافى فايده وهذا الى خلانى اضطر انزل مع ولدى الظاهر مافى حل غير باص المدرسه الله المستعان شاكره لكم مروركم وردودكم نورتو |
لازم تآدبين ولدك مااتخلينه يتحرك بالسيارة ويربط حزام الامان ..
|
اساليني انا جربت نفس معاناتك مع بنتي ولاارتحت لين سجلتها في الباص والله راحه نفسيه مقدر اوصفها لكي ...اول اودي بنتي واخلي اخوانها الصغار مع الشغاله واحاتي لوواحد يصيح لو جوعان لو ولو .... وهم صغار مرة ... وبعدين موعد الروضه الساعه8 يعني ارجع لحالي مع السواق على 8 ونص والله انواع الخوف والرعب والشوارع فاضيه واتخيل كل شي وانا لحالي وهو عارف ان البيت فاضي وانا راح ادخل وافتح الباب لحالي ... والله كل الجرايم تخيلتها فيني الله يحفظنا ... لكن اللحين حمدلله تروح وتجي مع مشرفه من المدرسه وباص امين ومرتاحه جدا
|
الساعة الآن 02:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©