|
اهلي متحكمين في حياتي
السلام عليكم ورحمة الله وبركاته
انا صديقه جديده إن شاءالله اتقبلوني بينكم عندي مشكله اتمنى احد ينصحني وتعطوني حل او تساعدوني في حلها جزاكم الله خير مشكلتي اهلي متحكمين في حياتي انا متزوجه وعندي بنت و ولد و زوجي طيب واااااااااااااااااايد و يحب اهلي وايد يحاولون ياخذون بنتي مني يظنون انهم يحبونها اكثر مني و ان صارلي يوم مارحت لهم يزعلون محتاره مو قادره اربي بنتي يقونها و مايخلوني اعاقبها:11: |
يا هلا فيكٍ اختي بيننا عزيزة وغالية يعني اشلون ياخذون بنتك منك؟؟!! وليش يتحكمو في حياتك؟ خلاص انتي مسؤلة عن بيت وأسرة بكاملها |
[rainbow]مثلا اذا رحت اي مكان مايبوني اخذها معاي او اذا رحنا بيت اهل زوجي يتضايقون بس يبونها عندهم يحبونها لدرجة انه امي كانت تدعي علي عشان شلت ورحت بيت ثاني بعيد عنهم انا كنت ساكته في بيت قريب لبيت اهلي كان بينا بيت واحد بس والحين الحمدلله انا مرتاحه في البيت الجديد بس اهلي متضايقين لاني مو كل يوك اروحلهم اهما مايبوني يبون بنتي بس والله محتاره قبل لا اطلع من قربهم صارت مشكله كبيره وزعلت امي وخواتي مني طلعت من بيت اهلي وانا كنت في الربعين انفاس[/rainbow]
|
طيب تكلمي مع امك وقولي لها ان جدتها من ابوها لها حق تشوفها تدعي عليكٍ !!! طيب يا اختي حاولي انك ما تنقطعي عنهم امكن امك تحب تكوني قريبة منها حاولي انك تكلميها كل شوي هذا اليوم اللي ما تروحي لها وحددي يوم الى يومين في الاسبوع تروحي لأمك عشان ما تحس انك تبين تبعدين عنهم وبعدين كل يوم يبون منك تجيهم طيب لو كذا الوحده ما راح تنتبه لا لبيتها وعيالها وزوجها شو هالاحساس اللي وصلك انهم ما يبونك يبون بنتك بس ؟ المشاكل حبيبتي تحصل مع الجميع بس الزمن كفيل بنسيانها بس هذي امك وحاولي ترضيها باي طريقة حتى لو بدر منها شي أصبري واحتسبي الاجر امكن مو متقصده تزعلك |
أهلك يحبون بنتك والله أنت محظوظه بهم خليهم يحبونها ويربونها هم ربوك قبلها لاتخافين وادا كبرت وزاد عدد الأولاد راح تدورينهم دواره علشان تاخدين فترة راحه من الأولد سلي مجربه
|
الله يعينك يارب ماقد سمعت انو ام تدعي على بنتها عشان ماخلت حفيدتها عندها
الله يهديها يااارب مدري ايش الحل الله يعينك |
اختي واضح انك طيبه و ما تعرفين تقولين (لا) .. هل بنتك اول حفيده لاهلك ؟؟ يا اختي وضحي لامك انك تزوجتي و صارت لك حياتك الخاصه .. كل يوم اتصلي على امك و اسألي عنهم و اذا فتحت لك موضوع البنت و لازم تزوريهم تقدري تقولي لها انكم اهلي و مستحيل انسلخ عنكم لكن لازم تقدرون ان لي حياتي الخاصه و عندي التزامات وواجبات اجتماعيه لازم اقوم بها مع زوجي .. خذي امك بالكلمه الطيبه و قولي لها اذا انا ما قدرت ازوركم انتم تفضلوا عندي في بيتي فهو بيتكم ايضا . حاولي انك تعودي اهلك انك ما تزوريهم كل يوم يعني كل يومين او ثلاثه ايام حتى يعتادوا على ذلك .. بالتوفيق ان شاء الله .. |
عليكم السلام ورحمة الله وبركاته
عذراً .. يُنقل للقسم المناسب . |
حبيبتي ماأدري اسمي هذا طيبه ولاضعف
حددي لك يوم أو يومين في الأسبوع زوريهم فيها أنتي صار لك حياتك الخاصه عوديهم على الوضع اللي ترتاحين له حاولي تقنعين أمك بأنك ماتقدرين تروحين لهم كل يوم بس أهم شي لاتزعلينها |
أشكر الجميع على اهتمامكم والحمدلله اخذت بنصيحتكم قعد مع امي وكلمتها وفهمتها الوضع تفهمت شوي بس انا ما اقول الغلط بس على اهلي لاني انا ساهمت باكبر غلط يوم دخلت اهلي بحياتي في كل صغيره وكبيره الحين احس اني تفتحت اكثر وفهمت الحياة اكثر لاني ابي اكون اسرتي بروحي من غير مساعدة احد من اهلي او من اهل زوجي مثل ما امهاتنا ربونا من غير مساعدة احد راح اعتمد على نفسي اكثر واصبر اكثر انا تربيت تربيه مترفه جدا جدا جدا دلوووووووووووووووووووعه يعني :) بس والله يعتمد علي في وقت الشدايد الزمن كفيل انه يعلم الواحد والصحبه الطبيه تساعد بعد انا جدا مرتاحه الحين لانكم نصحتوني وهونتو علي مصيبتي و خليتوني اتفاهم مع امي ونتصالح وشكوووورين وااااااايد والله يوفقكم لعمل الخير و يجعل مساعدتكم لي في مزان حسناتكم يارب آآآآآآآآآآآآآآآآآآآآآآآآآآآآآآآآآآآمين |
| الساعة الآن 10:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©