منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   لست قادرة على التفاهم مع زوجي ! (http://www.66n.com/forums/showthread.php?t=185785)

ناديتك هلا 06-05-2009 12:00 AM

لست قادرة على التفاهم مع زوجي !
 
السلام عليكم

دخلت المنتدى واحسس بقهر :29: من حركات زوووجي ..

اتصفح اشوف المواضيع ابي استفيد شي في اني اعيد تقويم زوجي عليه حركات ما تعجبني !!

بقووووول لكم وش هي النقاط واتمنى استفيد منكم ::

1. ما يعرف يعبر عن مشاعره بالحب ولا يقول كلمة حلووه وحتى في .....!!! بتقولون انتي عوديه مشكلتي انا اللي ابي اسمع الكلمة الحلوة والله اشوف زوج اختي كل اتصالات ومسجات حب وهو زين اذا اتصل والمسجات عاد بالمرة ما يفتكر يرسل !!

2. ما عنده لباقه .. يعني كم مرة يصحيني عشان اسوي له اكل !! والا مرات الصبح يشوفني نايمة او في الليل يقوم يشغل مصابيح الغرفة ويسوي نفسه مشغول في حاجة ( عاد انا انقهر من هالحركة ) او انه يجي يصحيني بطريقة احسها دفااشه حتى مرة خرعني على بالي صاير وبالاخير سبب بايخ وبالنهاية انا اعصب وتصير مشكلة !!

كم مرة اقول له اذا احد نايم لا تسوي ولا تسوي وانا مشكلتي ماحب احد يصحيني من النوم لان مزاجي يتعكر وطول اليوم اصير معصبه احب اصحى لحالي .. وهو ماهو متفهم هالشي كل مرة يقوم يسوي ويكرر هالحركات ....

3. لساااااااان زوجي يقول كلام بذيء احاول معاه انه ما يقول هالكلام بس لسانه متعود على هالكلام حتى طبيعته مع اخوانه كل واحد يقول هالكلام للثاني .


انا اسمع كثير من البنات ان ازواجهم يحبونهم ولا يرضون عليهم ويخافون عليهم من نسمة الهواااا وحتى لو ما يعبرون بالكلام بيكون بالتصرفات وانا زوجي لا كلام ولا تصرفات :(

والله احس كاني عايشه مع اخوي !!

حاولت اكلم اهلي بس امي وابوي فوق راسي ماحبيت اضايقهم

متحملة وساكته وكل فترة افضفض هنا في المنتدى ..

والا كم مرة يقول لي اذا طلعنا بالسيارة انزلي بداية الشارع وروحي البيت مشي عشان قريب وهو مايبي يدخل في لفه .. انا اعصب اقول له شلون ترضاها لنفسك ؟؟ ما تخاف علي ؟؟


والله قهررررررر ..

زوجي في باله ان الهدف من الزواج هو العلاقة وما عنده شي غير العلاقة والتلفزيون والاكل والنوم والعمل حتى طلعات مجمعات وملاهي ومطاعم مايحب يطلع !!! جاتني ازمة نفسيه



تم تعديل العنوان
الإشراف

مش مجرد كلام 06-05-2009 12:14 AM

شوفي حبيبتي اغلب الرجال كذا ونادر واحد روماانسي تحملي مافيه الا الصبر والمشكله اغلبهم يقول زوجي مو رومنسيه الله يهدي البال بسسسسسسسس

فلهاوربك يحلها 06-05-2009 12:28 AM

هلابك اختي

روقي واصبري وانااختك وان شاءالله مع الايام يتغيــــر
ليش تعصبين هدي نفسك والله يسعدك


ان شاءالله مع الايام يتغير تفائلي خير ونصيحة محبة لاتقارنين بينك وبين خواتك وان شاءالله ربي يهدي بالك وييسراحوالكم

ناديتك هلا 06-05-2009 12:34 AM

انا صابرة ومحتسبه بس ابي حلووووول كل هذا بسبب تربيته ما تعود على شي

الله يكون بلعون

سوري حنون 06-05-2009 12:47 AM

أيتها المباركة

أغلب الرجال مثل زوجك

ولن يتغير اذا كان يظن انه غير مخطأ فيجب عليك ان تقنعيه بأن بعض تصرفاته خطأ وقد يكون الإقناع بأسلوب غير مباشر


أما انك لاتحبين ان يصحيك أحد فكلنا هذا الشخص ولاكن الواجبات التي علينا تجعلنا نستقيظ في أوقات لانحبها

وأنا معك بأن اسلوبه غير صحيح ولاكن الزوج يحب الزوجة النشيطة التي تستيقظ قبله وتهيء له ملابسه وتشرب معه القهوة الصباحية

ناديتك هلا 06-05-2009 01:13 AM

اهلين اخي سووووووري حنون

انا ما اقصد الواجبات وهذا الشي على راسي والله انا قصدي الاسلوووووب واللباقه هذا اللي يقهرني فيه ..

aro0oj 06-05-2009 02:21 AM

زوجك شكله يعاملك كأنك واحد من اصحابه مو متعود على معاملة البنات ومايعرف ان البنات كائنات رقيقة ويحبو يتدلعو ويسمعو كلام حلوو

انت حاولي تتفاهمي بعاه بالهداوة بدون ماتنتقديه على اسلوبه..بس قولي له مثلا لا تحسبني واحد من اصحابك تصحيني بهالطريقة ..صحيني برقة تعال بوسني وقولي صباح الخير حبيبتي..يبي لك تلقنيه هالاشياء الين يتعود يقولها لان شكله مايعرف

شاهدي معاه فيلم رومانسي بما انه يحب مشاهدة التلفيزيون..يمكن يتعلم شوي..

اعتبريه طفل يتعلم على ايدك وكوني حنونة معاه وان شاءالله يغير معاملته مع الوقت

الله يوفقك

اخميمية 06-05-2009 03:41 AM

والله يا اختي كانك تتكلمي عني نفس الشيئ اعانيه بل يذداد عليه الغربه يعني هو واسلوبه مافيه كلام اللي لمايبغي شيئ وانا لمحتله اكثر من مره نفسي الاقي زوجي اتكلم معاه حياه صارت بارده مثل الثلج مافيهاشيئ يصحي الصبح يروح علي الشغل يجي يتغدا ينام يصحا يروح الشغل الدوام الثاني يجي يتعشايجلس يتفرج علي التلفزيون يدخل ينام خلاص اتعودنا علي كده الله يعين ويظهر ان اغلب الرجال كده الله المستعان هوني علي نفسك

أميرات 06-05-2009 08:14 AM

اختي ناديتك هلا .. معلش طووولي بالك شوي ..

ليش حنا اللي دائما نطالب الطرف الاخر بالتغير ؟ ليش مو احنا اللي نحاول نتغير و نتقبل الطرف الاخر ..

انت اللي حاولي انك تتأقلمي مع طبع زوجك و في نفس الوقت بالكلمه الطيبه فهميه مره و انثين و مليون

ان مثل هذا التصرف يضايقك ..

بعدين انت كمان عندك طبع مو زين .. ليش العصبيه و ليش اذا احد صحاك من النون مزاجك يتعكر طووول

اليوم ؟؟ غيري من هذا الطبع يا اختي ..

انت كمان عندك عيوب لازم تشوفيها في نفسك و تحاولي تصلحيها مو بس لابسه نظاره مكبّره و تدققي

على عيوب زوجك ..

اتفقي مع زوجك على الخروج يوم في الاسبوع للفسحه و تناول وجبه في المطعم ..

يعني قبل بيومين ذكري زوجك بانه واعدك على الطلعه ليكون يرتبط بموعد ثاني او يغير رايه ..

اذا طفشانه من جلسة زوجك في البيت حاولي انك تشغلي وقتك بهواياتك ..

انزعي النظاره المكبّره و عيشي حياتك بصبر و قناعه ..

ناديتك هلا 06-05-2009 11:05 AM

اقتباس:

المشاركة الأصلية كتبت بواسطة aro0oj (المشاركة 2144529)
زوجك شكله يعاملك كأنك واحد من اصحابه مو متعود على معاملة البنات ومايعرف ان البنات كائنات رقيقة ويحبو يتدلعو ويسمعو كلام حلوو

انت حاولي تتفاهمي بعاه بالهداوة بدون ماتنتقديه على اسلوبه..بس قولي له مثلا لا تحسبني واحد من اصحابك تصحيني بهالطريقة ..صحيني برقة تعال بوسني وقولي صباح الخير حبيبتي..يبي لك تلقنيه هالاشياء الين يتعود يقولها لان شكله مايعرف

شاهدي معاه فيلم رومانسي بما انه يحب مشاهدة التلفيزيون..يمكن يتعلم شوي..

اعتبريه طفل يتعلم على ايدك وكوني حنونة معاه وان شاءالله يغير معاملته مع الوقت

الله يوفقك

ايه والله انا احاول مرات بس اذا اشوف مافيه تغيير انهار بسرعه

مشكووووورة


الساعة الآن 11:05 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©